Verified Reviews
Cape Karoo
All reviews have been left by TravelGround customers staying in Cape Karoo
Rated 4.5 out of 5 based on 2924 reviews.
"Prins Albert is een van ons gunsteling plekke in die Karoo. Die dorp is so rustig en die mense is baie vriendelik."
"Gaan eet by Chris Vis die ribbetjie-en-calamari combo. Die Lazy Lizzard het wonderlike koffie, vriendelike kelners en die beste appeltert en kaaskoek ooit!"
"Sutherland is nie so interessant soos wat oral geskryf word nie, behalwe as jy mal is oor sterrekyk en in die winter in die sneeu wil gaan speel. Andersins is Sutherland net nog 'n klein Karoodorpie. Die een ding wat uitstaan van die klein Karoodorpies is hulle mooi kerke. Ons was ook in Merweville en hulle kerk is nog mooier as die van Sutherland."
"Die Swartbergpas na Oudshoorn is baie aanskoulik, veral in die voormiddag voor dit warm raak."
"Baie interessant vir twee tot drie dae se besoek. Vriendelike mense, oral hartlik ontvang."
"Vir diegene wat van afval hou, kan dit geniet word in die koffiewinkel by die hotel."
"Skoon en mooi dorpie en die vooraf bespreekte skaapskenkel-aandete by die Ou Meule was puik! Indien jy besluit om binneland toe te reis via die N12 en nie die draai terug te ry N1 noordwaarts nie, neem die volgende in ag: die heelwat korter grondpad tussen Sutherland en Fraserburg wat Loxton toe loei en dan Victoria-Wes toe, is 90% beter en 'n mens ry gemaklik 100 kmph op die pad. Die probleem is dat die pad skerp klippies op het en ons het 2 pap bande gehad. Gelukkig ry ek altyd "tyre plugs" en 'n pompie saam, anders was ons gestrand. Sorg dat jou spaarwiel goed is en leer om self 'n band te "plug". Dit is baie maklik solank die lek op die loopvlak is. "
"Pragtige, skoon dorpie. Dis regtig 'n juweel in die Karoo en 'n moet om te besoek. Om deur die Swartbergpas te reis was een van my beste ervarings ooit."
"Prince Albert en die Swartbergpas is werklik 'n moet-sien. So ook die nabygeleë Meiringspoort. Reisigers na Suid-Kaap vanaf Gauteng kan gerus die N12 vanaf Beaufort-Wes neem en die baie besige N1 vermy. Prince Albert is dan die ideale oornagplek, en jy kan dan maklik by die Kango-grotte aandoen nadat jy die Swartbergpas oorgesteek het en honderde foto's geneem het."
"Op pad Kaap toe ry ons nooit Prins Albert mis nie, dit is die moeite werd om daardie paar kilometer van die N1 af te draai. Beplan jou reis so om daar te oornag. Dit bied jou die opsie om verder met die N1 Kaap toe te ry of na Hartenbos via Meiringspoort of oor die Swartbergpas."
"Pragtige dorp met wonderlike gerestoureerde geboue en huise en pragtige winkeltjies."
"Pragtige dorp met 'n wonderlike Karoo-gevoel. Mis nogal die gees wat Kokkedoor aan die dorp gegee het. Jammer dat dié reeks nie voortgesit kon word nie – dit het die dorp 'n smulpaap-gevoel gegee wat 'n mens nie nou meer voel nie. "
"'n Moet vir die sterrekyk en die teleskope. Regtig die moeite werd. Die inwoners werk baie hard daaraan om die vir besoekers interessant en aangenaam te maak. Dit was een van die hoogtepunte van ons reis deur Suid-Afrika."
"Gooi weeksdae brandstof voor 17:00 in. Op Sondae is die vulstasie slegs 11:00 tot 14:00 oop. Restaurante is genoegsaam. Na 17:00 is dorp tjoepstil, jy hoor net die windpompe en hoenders. "
"As recommended by Brian, we took the Swartberg Pass home. A route not to be missed. "
