Verified Reviews
Escarpment
All reviews have been left by TravelGround customers staying in Escarpment
Rated 4.4 out of 5 based on 1579 reviews.
"Heelwat om te sien en te doen in die omgewing. Kyk gerus vooraf op Google en maak seker dat jy nie op iets uitgemis het nie. "
"Ons het nie Waterval Boven binnegegaan nie. Aanduidings is dat die dorp doodloop as gevolg van die nabygeleë tolhek (R78 tolgeld). Glo is daar nie meer 'n enkele werkende restaurant in die dorp oor nie."
"Die House of Whiskeys se jenewerproe is die moeite werd, asook Charlie S se Dullstroom-ontbyt."
"Die omgewing beskik oor 'n hele paar juweeltjies. Die dorp self raak egter soms net te vol en besig - veral oor naweke."
"Dullstroom is beslis toerismegeörienteerd: vriendelike en uistekende klientediens en ons het by al die instansies wat besoek was die idee gekry die mense maak 'n plan. Die Mayfly Restaurant is uitstekend, die koffiebarista is puik, die House of Whiskies ook puik, die dame wat die Afrika-dingetjies maak, het sonder te blik of te bloos 'n tafeldoek op 'n Sondagoggend gou gemaak omdat sy nie die grootte in voorraad gehad het vir my groot tafel nie - absoluut puik. Julle 'rock' Dullstroom!"
"Dullstroom bied baie lekker eetplekkies, maar die winkeltjies is nie meer soos 20 jaar terug nie. Die brouwery (laaste winkel aan die linkerkant van Pretoria se kant af) is lekker om die biere te proe, maar die pryse is hoog vir matige kos. Gaan koop kaas by die kaaswinkel (eerste kompleks aan die regterkant van Pretoria se kant af), forel by Millies (laaste winkel regs vanaf Pretoria) en tamatie- en vyekonfyt by Cat and Cow (Tonteldoos). Koop maar die res van jou kos by die huis. Daar is 'n oulike kunsvlieghengel-winkel met alles wat jy nodig het en baie vriendelike diens (êrens in die middel). Restaurante maak nie almal vroeg oop nie, Ou Transvaal is vroeg oop en bied goeie waarde vir geld en 'n kaggel, en oorkant die straat, langs die wafelplek, is hulle ook vanaf 7 uur oop met 'n heerlikke variasie van ontbyte en oulike goed om te koop ... en 'n kaggel!"
"Ongelooflike mooi wëreld met al die foreldamme, mooi heuwels en die berge. Net die paaie is in 'n baie slegte toestand."
"Dullstroom is 'n pragtige dorpie met baie gasvrye mense en 'n lieflike atmosfeer. Ons het dadelik tuis gevoel."
"Kunstige dorpie, maar 'n mens gaan tog nie vir die winkels en restaurant nie, maar vir die kaggelvure, rooiwyn en forel!"
"Alhoewel Lydenburg in die middel van die gesogte vakansieroetes geleë is, het die dorp nie veel om te bied nie, tensy 'n mens die omgewing ken of vooraf nagevors het nie. Diegene wat egter bekend is met die omgewing kan beslis tyd daar deurbring. Akkommodasie in Lydenburg is ook goedkoper as in bekender dorpe in die omgewing. Dus is dit baie gerieflike om daar oor te bly om dan die omgewing te verken. Pelgrimsrus, Sabie en Graskop is net om die draai en daar is genoeg winkels. "
"Die natuuraktiwiteite en padaanwysings buite die dorp kon beter geadverteer word onder meer die pad na die Verloren Vallei-natuurreservaat. Baie winkeltjies was op Maandae en Dinsdae gesluit en teleurstellend. Daar is caie eetplekke, maar ons sou graag 'n groter verskeidenheid winkeltjies wou sien. Verder baie rustig en lekker gerus. Die omgewing is lieflik met grasvelde, vleilande, riviertjies en damme."
"Klein dorpie, maar daar is alles wat 'n mens nodig het. Die Long Tom-pas was pragtig, maar senutergend in die mis. Daar is pragtige uitsigte op pad na Sabie."
"Dullstroom is 'n baie lekker vakansiedorpie en om daar rond te loop. Dit is net 'n bietjie duur vir ons arm Suid-Afrikaners. "
"Dullstroom is interessant en was lekker om tussen al die winkeltjies rond te loop. Eetplekke is ook heerlik."
