Verified Reviews
Karoo
All reviews have been left by TravelGround customers staying in Karoo
Rated 4.2 out of 5 based on 14650 reviews.
"Pragtige plek. Jammer van sinkhuise en mense wat erg lawaaierig is binne die dorpie. Ongelukkig doen dit afbreek aan die rustigheid en waarde van eiendom. Sal definitief in die slag bly van Nieu-Bethesda."
"Die dorp is aan die agter uitgaan. Armoede en werkloosheid is duidelik sigbaar. Dit is jammer dat die inwoners niks doen aan die onnetheid van die dorp nie. Plastieksakke omring die dorp. Indien dit opgeruim wou word, sal die dorp sommer baie aantrekliker lyk."
"Klein dorpie, het wel daar gaan brandstof ingooi by koöperasie, nie verder verken nie."
"Die museums was baie insiggewend om te besoek. Die Vallei van Verlatenheid is 'n moet vir elke toeris, baie besonders."
"Dis 'n baie klein dorpie en daar is slegs een kafee waar mens iets kan koop om te eet. Dis rustig daar."
"Loxton is 'n tipiese plattelandse, piepklein dorpie in die Groot-Karoo! Die aanbied van 'n parkrun (5 km) op Saterdagoggende is 'n aanwins vir Loxton."
"Solank mens nie laer as die eerste 4 of 5 blokke gaan nie, is dit goed. Verder af sowel as later in die dag raak dit touch and go. Steeds baie mooi, skoon dorp. "
"Stofstreep deur die Karoo a.g.v omgedolwe paaie en baie verwaarloos voorgekom as gevolg daarvan. Ons was teleurgesteld na almal se romantisering van dié dorpie. Moenie as toeris op 'n Sondag daar aankom en enige lewe vind nie. Kon nie eens iewers 'n openbare toilet vind nie. Omgewing was vreeslik droog, maar dis winter en verstaanbaar onder die omstandighede."
"Vriendelike mense. Lekker om kinders in die straat te sien speel. Die ou wabrug se aanduiding buite die dorp het ontbreek, maar kon dit wel opspoor."
"Die Karoo het sy eie bekoring en word beslis nie genoeg bemark nie. Ons het die vriendelikste mense ontmoet en is bederf met ongelooflike natuurskoon. Tyd staan stil en jy word 'n nuwe mens."
"Net 1 nag geslaap en nie juis die dorp besigtig nie. Die Korbeelhuis was toe, jammer genoeg."
"Die Gastehuis is geleë in 'n veilige en stil gebied met vriendelike ontvangs."
