Verified Reviews
Karoo
All reviews have been left by TravelGround customers staying in Karoo
Rated 4.2 out of 5 based on 14650 reviews.
"Het die dorpie geniet en dit moenie verbygery word op pad George of binneland toe nie. Naas Klaarstroom die skoonste dorpie waardeur ek die vakansie was. Jammer daardie pragtige skoolgebou is besig om te verval en verwaarloos te word. Maak 'n draai by Belly Deli. In plaas van een groot melkskommel te bestel, bestel twee of drie verskillende geure gelyk soos die Amarula-een, heerlik. Lekker ontbyt geëet en gesnuffel in die verskillende unieke afdelings onder een dak."
"'n Pragtige Karoodorp met stofstrate, windpompe en mense wat mekaar in die strate groet! Mal daaroor. As jy hou van blink liggies en aksie, is hierdie nie vir jou nie. Hier hoor jy nie eers 'n hond blaf nie! "
"Daar is nie veel te doen in Loxton nie. Wou graag die plek sien, maar weet nie of ek weer daarheen sal gaan nie. Bietjie uit die pad van alles."
"Bekoorlike dorp. Heerlik om nog tot 21:00 by die Spar te kon inkopies doen na 'n lang dag op die pad. "
"Ietwat van 'n slordige, onveilige plek met nie veel om te doen nie. Heel orraait vir 'n aandjie se verblyf, maar sal beslis Graaff-Reinet sterker aanbeveel!"
"Om die oujaar in Nieu-Bethesda af te sluit, is 'n onvergeetlike ondervinding wat elkeen aan hom-/haarself verskuldig is."
"Baie mooi dorpie met baie potensiaal as 'n toeristebestemming. Die dorp is baie vervalle en baie vuil en ons glo dat dit maklik deur die gemeenskap netjies en skoon gehou kan word. Ek dink die gemeenskap daar moet meer bewus gemaak word dat hulle kan baat daarby en van die potensiaal van die dorp bewus gemaak moet word. Daar is pragtige ou geboue daar met tonne geskiedenis en moet bewaar word vir die toekoms. Verblyf was goed daar maar ons was werklik teleurgesteld in hoe die plek verwaarloos word en vuil is Richmond is 'n juweel vir toerisme, maar daar sal drasties iets gedoen moet word omtrent die verwaarlosing van alles daar en die vuilheid rommel strooiing en paaie wat uiters swak is, tuine wat nie onderhou word nie en net agteruitgang van 'n pragtige ou dorp!"
"Baie oulike 'one-stop' dorpie. Die restaurant 'Herrie' se diens was stadig, maar die kos was baie lekker."
"Baie interessante dorpie met sy besienswaardighede en geskiedenis. Ons was werklik baie veras gewees. Dit is n merkwaardige skoon dorpie."
"Pragtige klein Karoo dorp. Lekker aandete geniet by Manna op die dorp, enige tyd sal ek die restaurant aanbeveel! Die dorp het dan nog grond paaie!! "
"Sal nie in Britstown self gaan bly nie, veral as jy op 'n plek soos Sweetfontein kan bly."
"'n Moet sien! Dit vat jou terug in tyd, stof paaie, veilig area waar kinders in die strate speel. Baie winkels, en plekkies om te eet. Die uilhuis is baie interessant, my seuns het van al die fossiele gehou, en was mal daaroor om in die rivier van hulle te gaan soek. 'n Paar biere by die brouery is altyd lekker, terwyl die kinders in die damswembad swem! Ag nee wat! Dink nie iemand sal spyt wees om hierdie dorp te besoek nie!"
"Nie wel bekende area nie, nie iets gewees wat ons aandag getrek het om te gaan besoek in die area nie."
"Pragtige Vrystaatse dorpie, met mooi geboue en vriendelike atmosfeer. Ten spite van die feit dat ons 18:00 eers gearriveer het, kon ons nog kies tussen 3 eetplekke vir aandete, en het selfs nog die unieke antieke en kunswinkel in die Hoofstraat besoek. Die landelikheid, mooi ou huisies en groot dorpserwe dra by tot 'n unieke ervaring. Ek ken die Vrystaatse platteland goed, en die besoek aan Philippolis het my met nostalgie vervul, en was definitief die moeite werd."
"Prins Albert is 'n bekoorlike klein dorpie aan die voet van die Swartberge en dus is die omgewing pragtig, ten spyte van die droogte. Die strate is netjies en skoon en die mense vriendelik. Ek dink die Munisipaliteit moet egter aandag gee aan die lekker breë hoofstraat wat deur sommige inwoners en besoekers soms as 'n resiesbaan gebruik word - hulle steur hulle beslis nie aan die spoedbeperking nie. Spoedwalle kan dalk 'n opsie wees?"
