Verified Reviews
Oyster Bay
All reviews have been left by TravelGround customers staying in Oyster Bay
Rated 4.4 out of 5 based on 50 reviews.
"Ons hou daarvan om rustig in die klein dorpie te bly. St Francis is so naby dat jy vinnig kan deur ry as jy by die winkels en restaurante wil wees."
"Die dorpie Oesterbaai is heerlik rustig en as jy stilte en afsondering soek is dit die plek om te besoek."
"Oesterbaai het ons harte gesteel. As jy na 'n stiller, rustige bestemming soek, is Oesterbaai vir jou! Ons het 'n ongelooflike lekker gesinsvakansie gehad in Oesterbaai."
"Mens moet regtig wil gaan, die grondpad van beide kante af is sleg en jy moet alles wat nodig is saamry."
"Oesterbaai is 'n ongerepte, veilige vakansie bestemming waar die huise nog nie diefwering het nie. Die 20 km pad tot daar is eintlik baie positief!"
"Oesterbaai het 'n spesiale bekoring as jy eensaamheid en stilte soek. Lieflike strand. Neem egter in ag dat daar min geriewe is (een restourant, een winkel met baie beperkte voorraad) en dat die naaste dorp 30 km met 'n grondpad is. Daar is ook min om te doen behalwe vir stap en swem. Ek wou dit so hê, maar dit is nie almal se koppie tee nie."
"Oesterbaai is die perfekte toeristebestemming vir persone wat van rustigheid hou, graag lees en gaan stap. Daar is ongelukkig geen ander vermaak nie maar dis 'n baie mooi ongerepte omgewing. Die mense is baie vriendelik en 'n mens voel veilig daar. Ongelukkig is die pad daarheen baie sleg en uitgetrap hoofsaaklik as gevolg van die melklorries wat daar beweeg. Dis aan te beveel om verkieslik ten minste met 'n ligte 4x4 voertuig daarheen te gaan. Selfoon- en TV-ontvangs is baie goed."
"Toeriste moet kennis neem dat dit grondpaaie is wat jy moet ry om by Oesterbaai te kom."
"Oesterbaai is gewoonlik stil en is nie die tipiese oorbevolkte en raserige vakansiebestemming nie. Dit is ideaal vir 'n wegbreek waar die doel is om weg te kom van die besige lewe. Omdat daar nie baie toeriste kom nie, moet mens egter voorsiening maak daarvoor dat die winkel nie alles aanhou nie, en dat voorrade op Humansdorp (30 km) aangekoop moet word. "
"Die groot sandduine is 'n belewenis en die kinders kan daar baljaar met 'n glyplank. Lieflike omgewing."
"Wonderlike stil plekkie, ongerep en veilig. Ons hoop dit bly so en word nie gekommersialiseer soos soveel ander juwele nie."
"Dit was ons eerste besoek aan Oyster Bay, ons het lekker gerus en dit was beslis die moeite werd gewees. As daar een negatiewe kommentaar is oor Oyster Bay dan is dit die plus minus 18km grondpad vanaf Kaap St Francis se kant of plus minus 25km grondpad vanaf Humansdorp se kant af. Ons het so min as moontlik rondgery vanwee die grondpad."
"Klein gemeenskap, maar die vriendelikste en mees behulpsame mense wat ek nog teëgekom het."
"Oesterbaai is afgesonder en kan net met 'n grondpad bereik word. Dit maak dit so 'n rustige, ongerepte plek by die see. Die pragtigste strand en vriendelike inwoners. Ons hoop regtig dat daar nie groot ontwikkelinge plaasvind nie, want dan gaan die rustigheid verlore. As jy wil rus is Oesterbaai die plek."
