Verified Reviews
Free State
All reviews have been left by TravelGround customers staying in Free State
Rated 4.3 out of 5 based on 10906 reviews.
"Clarens is 'n pragtige dorp met baie goed om te doen, te sien en te koop. Het dit baie geniet!"
"Ons kon nie veel doen in Parys nie omrede ons net vir 'n kort tydperk daar was vir 'n troue en met die baie reën was dit nog moeiliker om alles te besigtig wat ons wou. Die winkeltjies in die hoofstraat het ons dadelik beïndruk. Ons het net baie slaggate gehad in die pad wat ons moes ry na The White Giraffe, Schilbach Street. Hoop ons kan weer eendag terugkeer na Parys om langer tyd te spandeer."
"The wonderful little town, Clarens and Golden Gate National Park nearby in addition to other scenic drives and areas to explore."
"Waverley is 'n wonderlike woonbuurt met groot bome, mooi huise en goed versorgde tuine. Die feit dat dit aan die kant van die dorp is en naby die hoofweg maak dit 'n besondere goeie ligging vir oornagverblyf. Daar is ook 'n sentrum naby met lekker restaurante en winkels."
"Die dorp is netjies, kon nie rommel sien rondlê in dorp nie. Die pryse in die restaurante en winkels is hoër as verwagting. Half brood kos R19.00 terwyl in normale winkel kos 'n vol grootte brood slegs R12.00."
"Baie klein dorpie met nie veel wat aangaan nie. Moet 'n ent uit die dorp ry om regtig iets te sien."
"Mal oor die plek. Mense is gaaf. Ons sal weer Curry Bunnie Chow gaan een by Artist's Cafe en Bobotie by Die Kooperasie. Baie lekker gewees."
"Dis 'n oulike dorpie met heelwat om te doen. Die inwoners is vriendelik en gesels graag. Besoek gerus O's Restuarant waar jy in 'n pragtige tuin langs die rivier heerlike geregte kan geniet. Maak seker dat jy Oppiplaas besoek en help dan om die koeie te melk om 09:00 op 'n Saterdagoggend. Die eienaars Reiki en Stan is besonderse mense en maak 'n punt daarvan om met die gaste te gesels. Hulle laat jou dadelik tuis voel. Regte mens-mense. Geniet egte moerkoffie met varsgebakte skons of 'n regte boereontbyt. Hoi Polloi restuarant, Ugly duckling winkel en Pont de Val is beslis ook die moeite werd om te besoek. Bespreking by Pont de Val is egter verpligtend. Wees egter op jou hoede vir die plaaslike verkeersmanne wat oor naweke in die aande gretig is om die besoekers die pypie te laat blaas. Ongelukkig maak sekere restaurante reeds 17:00 op 'n Vrydagmiddag toe. Maak dus voor die tyd seker waar jy gaan eet. "
"Clarens is baie gefokus op die toeristemark, so dis bietjie duur om iets daar te koop. Nie al die winkeltjies nie, maar wel meeste van hulle. Die dorpie self is mooi en die berge in die omgewing (Golden Gate) is asemrowend."
"Toestand van strate baie sleg. Die mense met wie ons te doen gehad het baie vriendelik en behulpsaam. Jammer dat die dorp, soos soveel plattelandse dorpe, so agteruit gegaan het."
"Baie mooi wêreld en oulike dorpie. Koop vleis en bykosse by die huis en vat saam. Baie basiese produkte beskikbaar in Clarens."
"Die omliggende omgewing is baie mooi en die dorp is heeltemal ingestel op toerisme, wat dit 'n baie lekker naweekwegbreek maak."
