Verified Reviews
Karoo
All reviews have been left by TravelGround customers staying in Karoo
Rated 4.2 out of 5 based on 14650 reviews.
"As mense nie hul eie aandete wil voorberei nie - hulle moet weet van die Country Café, Wine Shop, Food Store and Restaurant by die Transkaroo Country Lodge in Britstown self. Dit is 'n absolute verrassing in so 'n dorpie."
"Karoo Nasionale Park is die ding om te doen. Vriendelike personeel, goed versorgde park en goeie snuisterywinkel met 'n koue bier as bonus! "
"Het laat in Graaff-Reinet aangekom om enige besienswaardighede te kon besoek. Die gedeelte wat ons wel kon sien het beslis aangedui dat dit 'n pragtige dorp is."
"Maak gerus 'n draai by die Vallei van Verlatenheid. Pragtige stuk natuur en mooi versorg en bewaar deur Nasionale Parke. "
"Dele van die dorp lyk vervalle. Historiese begrafplaas met grafte uit Anglo Boere oorlog in baie swak toestand. Lekker restaurante, interessante boekwinkels."
"Enige trotste Suid-Afrikaner behoort moeite te doen om ten minste een maal in sy lewe Graaff-Reinet te besoek. Dit is 'n pragtige, skoon dorp met 'n ryk geskiedenis met seker die mooiste kerk in Suid-Afrika. Dit is my derde besoek aan Graaff-Reinet en ek sal dit beslis weer besoek."
"Juweel van die Karoo! Fantastiese wyse om die nostalgie van die platteland te beleef."
"Vriendelike gemeenskap. Baie interessant. Maak net seker jy vat hout, vleis en ys saam anders kan jy by een van die restaurante eet. Die Brewery met lewendige musiek was baie aangenaam en aandete by die restaurant op die dorpie was heerlik. Ons het meer gekry as wat ons verwag het. Sit die een beslis op jou 'bucket list'."
"The Horse and Mill se binnehof was 'n lafenis vir ons en die vele suikerbekkies in die rankplant. Middagete by Bordeaux onder die 100-jaar oue wingerd was lieflik! Daar was baie reisigers met klein kindertjies wat heerlik op die klimrame baljaar het. Ontbyt by Plattelander was 'n goeie begin vir die dag. Kos en diens was onverbeterlik. Reisigers moet dalk net mooi dink oor die impak daarvan om vir die vele kinders op die straat geld en soetgoed te gee, want dit was vir ons 'n probleem."
"Hopetown is 'n klein dorpie en jy moenie meer verwag as wat n klein dorpie kan bied nie. As jy na `n unieke ervaring soek, gaan eet by Die Stalle. Die enigste manier om dit te beskryf is -gaan eet self daar om uit te vind!"
