Verified Reviews
Maloti Route
All reviews have been left by TravelGround customers staying in Maloti Route
Rated 4.6 out of 5 based on 5062 reviews.
"Perfek! Die mense in die dorp was vriendelik en ons was verras deur die kunstenaars wat daar was. Ek hoop ons kry weer die geleentheid om Rosendal te besoek. "
"Clarens is bekoorlik tussen die berge... baie om te doen om te ontspan!"
"Pragtige dorpie, vol dinge om te doen en te sien. Puik restaurante."
"Clarens is absoluut pragtig! Het dit gebruik as 'n oornagdorpie op pad kus toe en was baie spyt ons het nie 'n week daar geboek nie. Daar is baie om te sien, te bewonder en te doen. Hopelik sal ons die geleentheid kry om sommer gou weer te kom."
"As jy dol is oor spitsverkeer in die middae, die rumoer van motoriste wat gegrief op hulle toeters lê, beswaarde uitdrukkings afgeëts op hul gelaat, en indien die monotoniese geloei van sirenes soos musiek in jou ore is en die nimmereindigende gedreun van motors vir jou emosionele voedingswaarde bied; en indien die pastorale vreedsaamheid van ’n landelike omgewing die vrede in jou gemoed ondermyn, en indien die geruis van die wind in die blare, en die potpourri van afwisselende plaasdiergeluide jou ontstel … moet jy liewers nie na Clarens kom nie. Indien die teendeel wel die geval is … verstaan ek nie waarvoor jy wag nie. Hierdie tyd van die jaar is Clarens die toonbeeld van die idilliese omgewing – sowel die dorp self as die omgewing. Ek hunker reeds daarna om terug te keer."
"Baie mooi omgewing. Het kersiefees besoek en het die sjokoladefabriek baie interessant gevind. Het ook treingery by Sandstone Estates. Kersie Padstal-middagete geniet. "
"Cherry Festival on the Saturday was a ' nightmare'. Arrived at 18.00 expecting to sit and have a good time listening to the music etc. but the stalls in the main tent were already packing down and the upstairs music tent also was getting ready to close early. Taking in the crowds I can ' sort of ' understand. and the litter! Must admit looked at the grounds driving past on our way home on Sunday and the litter had been cleared up. Also as pensioners we arrived at 18.00 pm and we were still charged to enter and I feel we should have been advised that the festival was 'gearing' to shut down. Will not go to the Cherry festival on a Saturday (last day of festival) again. Also the main town streets on Saturday night were definitely something to be desired. Youngsters really going crazy. Friday at the Cherry festival was good. Ficksburg really seems to have a lot of history to be enjoyed but not on a Saturday."
"Fouriesburg het, soos talle ander Vrystaatse dorpies, 'n outydse sjarme waar die mense mekaar ken en ondersteun. Dit is baie rustiger om in Fouriesburg oor te bly as in Clarens."
"Clarens is 'n mooi toeristebesteming. Dit is 'n besige dorp oor naweke, maar nie te bedruk nie."
"Aangenaam. Clarens het 'n ontspanne en vrolike atmosfeer en die besighede se personeel en so ook die algemene publiek was voor die voet vriendelik en baie behulpsaam. Die restaurante se voorbereiding en bediening van die kos was keurig, lekker en 'n goeie variëteit. "
"Kersiefees het hulp nodig met die sang se aandprogram. Kunstenaars was swak op die Donderdagaand. Net 20 mense was teenwoordig. "
"Dit was wonderlik om in so 'n skoon dorp met sy eie unieke karakter te kuier. Die afwesigheid van die winkels wat orals anders te siene is - die franchises en kettingwinkels - was verfrissend en sorg vir 'n groot deel van die dorp se uniekheid. Die natuurskoon is natuurlik 'n groot pluspunt! Die vriendelikheid van die mense was ook opvallend."
"Clarens is 'n oulike toeristebestemming en die feit dat jy op een plek kan parkeer en orals heen kan stap is 'n bonus. Daar is interessante winkeltjies, maar van die items is nogal duur. "
"Dit is 'n baie mooi omgewing en ook baie interessant met al die kunswinkeltjies en eetplekke. Baie beïndruk met die mooi landskap en berge."
