Verified Reviews
Rosendal
All reviews have been left by TravelGround customers staying in Rosendal
Rated 4.4 out of 5 based on 172 reviews.
"'n Besoek aan Rosendal word beslis aanbeveel en Witteberg Cottage is ideaal. Die Senekal - Rosendal pad het baie slaggate, maar as jy stadig en versigtig ry is dit nie 'n onoorkombare probleem nie. Ons het dit gedoen in 'n gewone 2 wiel-aangedrewe sedan met lae vryhoogte."
"Hierdie dorpie het diep in ons harte gekruip. Beslis die moeite werd om te besoek. Pragtige natuurskoon en vriendelike mense. Die regte plek as jy wil kom rus en wegkom van die stad se geraas."
"Ek is gek oor die dorpie se rustigheid en die vriendlikheid van sy mense. Oppiedam se restuarant is so perfek geleë met goeie diens en kos wat vars gemaak word. Wees net bewus dat die teerpad na Rosendal nogal erg verbrokkel is en 'n mens moes maar rustig wees en dit kalm vat op die pad."
"Dis 'n pragtige omgewing, en al die mense en besigheidseienaars ( Oppidam, Yolla's en Benjamin's) was vriendelik, toeganklik en uiters behulpsaam. Die pad vanaf die afdraai vanaf Senekal is uiters verweerd en moet met versigtigheid aangedurf word."
"Paaie na die dorpie is baie vervalle en vir iemand wat met 'n normale voertuig soontoe reis is die pad baie langer. Krag en water op die dorpie is ietwat van 'n probleem, maak seker dat die woning waar jy bly 'n watertenk en kragopwekker het, vir ingeval daar niks van beide is nie. Selfoonopvangs gemiddeld, maar internetopvangs nie baie goed nie, dus nie geskik vir 'n besigheidswegbreek nie. Goeie toeristebestemming om weg te kom van alles, maar wees bereid om die "creature comforts" af te staan vir die tyd wat jy daar kuier."
"Die munisipaliteit sal dringend moet kyk na water en kragvoorsiening na die mooi plekkie. Die teerpad is bykans onrybaar met vele slaggate."
"As jy net wil ontspan met die rustigheid van die natuur en gasvryheid en vriendelikheid van mense wil ervaar, is Rosendal die wegbreekplekkie vir jou!"
"Mooi dorpie, baie vriendelike mense. Nie vir mense wat groot opwinding soek nie, maar lekker vir rus en ontspan."
"The best kept secret! Lieflike ontbyt by Oppiedam en die beste eggs benedict by Benjamin's Wafels."
"Elke mens in die dorpie is hartlik en gerig op toerisme. Parkeer jou kar en stap en ervaar. Ons was aangenaam verras met die kos! Gunsteling restaurant? Op Die Dam."
"Rosendal - daar wil ek gaan woon! Pragtige natuurskoon, oulike eetplekkies, bekorende uitsigte en, bowenal, vrede en stilte in oorvloed!"
"A great place to get away from the city. Rosendal is a quiet town with welcoming residents and beautiful accommodation."
"Ons was gedurende die week daar om 'n verjaarsdag te vier, maar maak gerus 'n langnaweek daarvan as meer dinge gebeur, veral op die kunsfront! Vergeet van yuppie Clarens, Rosendal het nog hart."
"Rosendal is 'n pragtige, klein Vrystaatse dorpie. Baie rustig. Inwoners baie vriendelik en hulpvaardig. Oppidam Coffee Shop beslis 'n moet, baie vriendelike diens en Hennie en Rudi se kos is uitstekend. Benjamins word aanbeveel vir die allelekkerste wafels, veral die appelstrudel! Sal beslis weer teruggaan vir rus en vrede."
"Die teerpad Rosendal toe is moeilik en vol slaggate, maar dis die moeite werd. 'n rustige, mooi dorpie vol kreatiewe mense."
"Pragtige dorp. Eetplekke bedien heerlike kos. Die natuur is asemrowend. Voel of sterre snags net bo jou kop is."