25 On Pretorius

Baie gerieflik, veilig en uitstekend geleë.

Goed ingerigte, netjiese eenheid vir kort verblyf. Lekker naby skool.

Safe and peaceful.

Wi-Fi was inconsistent.

Baie lekker gebly! Sal definitief weer daar bly en aanbeveel vir almal!

Wonderlike gasvrou. Sy gaan uit haar pad vir haar gaste!

Sal verseker weer gaan.

Lekker stil en presies reg.

Gerieflike en netjiese verblyf.

Goed ingerig met alles wat jy benodig.

Alles wat jy nodig het, net te warm.

Pragtig en netjies. Sal aanbeveel vir dalk nog 'n stel kussings op elke bed. Lugversorging sal 'n pluspunt wees. Dalk 'n paar stoele of bankies met 'n tafel onder die boom vir braai.

Veilige oornag verblyf.

Dankie, maak dit maklik met vergadering reëlings.

Netjies met die nodige.

Potch is bitter koud. Benodig minstens 'n kombers by die ligte duvet op elke bed. Die bunkbed moet vervang word. Die basis is so hard soos klip. Bitter moeilik om daarop te slaap. Die warmwaterkraan in die stort gee 'n skok. Daar is 'n gevaarlike probleem met aardbedrading.

100% vir 'n vinnige oorslaap. Skoon en netjies.

Ons het in die aand 21:00 gearriveer en was beïndruk met die duidelike prosedures om in te kom en die gasvrou, Claressa, wat uitgekom het om ons vriendelik te ontvang en alles te verduidelik. Was maklik om die volgende oggend vroeg (half 6) weer uit te kom op pad Nampo toe.

Baie netjies gemaklike oornag woonstel met alles wat jy nodige het.

Is baie modern. Het die kuier vreeslik geniet. Sou net daarvan hou as daar 'n bankie buite, onder die boom was om die natuur meer te kon geniet. Dis regtig 'n baie oulike "cosy" plekkie. Ek sal verseker weer daar oornag.

Netjiese gastehuis met vriendelike diens.

Die gastehuis is besonders netjies. Eienaars is baie toeganklik en vriendelik, hulle het seker gemaak ek het lekker gebly.

Rustige area, vriendelike diens.

Baie lekker gebly, baie netjies en skoon. Is vriendelik deur Claresse ontvang en sal dit beslis aanbeveel.

Letterlik net daar geslaap, skoon en netjies.

Ek het 'n spieëltafel gemis waar mens kan sit en hare blaas en makeup doen. Daar is wel nie plek in die kamer hiervoor nie, maar selfs in die woonkamer sal nogal nice wees.

Was baie lekker.

Ons het lekker gebly. Plek was baie netjies.

Baie goeie waarde vir geld en netjies.

Netjies met al die geriewe wat nodig is.

Smaakvol ingerig, gerieflik, skoon en maklik toegangklik.

Die akkommodasie is baie netjies met kwaliteit linne en dit is smaakvol ingerig. Toegang is maklik en gerieflik vir reisigers wat eers laat in die aand kan inkom. Eenheid 2 is ruim met 'n heerlike groot leefarea en die kombuis is goed toegerus. Sal beslis weer van hierdie akkommodasie gebruik maak.

Awesome place and affordable for a short stay. I love it.

Very safe environment. Owners are absolutely friendly and easy to get access to them. There are many convenient stores in and around the area.

Lekker.

Behulpsaam en vriendelik.

Aanvaarbaar vir oornag.

Het reeds met die eienaar bespreek - ons het vir 4 mense bespreek, maar daar was nie linne voorsien vir die 2 mense wat op die slaapbank moes slaap nie. Daar was wel 'n kussing, kombers en duvet, maar geen kussingsloop en duvet-oortreksel nie. Die eienaar het verskoning gemaak.

Perfek as jy 'n slaapplek nodig het.

Hierdie gastehuis is modern versier. Perfek as jy net 'n slaapplekkie nodig het. Die huise is redelik naby aan mekaar, so dit kan raserig word.

Goeie ligging en dit was seker voorheen 'n mooi plek, maar daar is groot agteruitgang. Die plek is nie op standaard nie.

Die vorige gaste was te laat uit. 14:30 toe ons daar kom, het hulle nog vinnig skoongemaak. Dit was steeds vuil en die hele plek was vol lang swart hare. Yskas was ook vuil. Geen verkoeling in kamers. Geen bord, klokkie of telefoonnommer by hek. Kontaknommer op webtuiste was ook vorige bestuurder se nommer. Ek moes webtuiste bel om te laat weet ons is daar sodat iemand kan oopmaak.

Glad nie soos beloof.

Ek was baie ontevrede met die verblyf. Die foto's gee nie die werklike beeld nie. Eers was die banke van die sitkamer geskuif om 'n dubbelbed te vorm, terwyl ek 4 beddens bespreek het. Dit het ek aanvaar. Dit is slordig met bourommel waar ons inkom. Ek verstaan agterna dat hul werk aan hul huis. Sou graag vooraf dit wou weet. Die gordyn in die sitkamer maak die venster nie mooi toe nie. Dit is 'n probleem wanneer die sitkamer moet dien as slaapkamer. Toe ek dit wou toetrek, val die hele gordyn met rail en al af! Ek het 'n ander slaapplek gaan soek.

Heerlik.

Reëlings het vlot verloop.

Gerieflik en waarde vir geld.

Ons het laat daar aangekom en daar was geen probleme nie, sleutels was in 'n houer en moes dit net van daar af kry. Regtigwaar gerieflik. Plek was stylvol en in 'n stil woonbuurt.

Mooi, veilig en stil.

Gekry wat ons voor gevra het, mooi netjiese plekkie. Perfek vir 4 mense.

Kort besoek van 3 nagte vir 'n sport byeenkoms

25 On Pretorius het al my verwagtinge oortref en was perfek vir ons. Alles wat nodig is en meer. Lekker rustige verblyf.

Positiewe verblyf.

Ons het so lekker gebly dat ons nóg ‘n dag bespreek het. Gideon was baie gaaf en het uit sy pad uit gegaan om ons te akkommodeer. Die kommunikasie is goed en die plekkie het beslis ons verwagtinge oortref.

Baie rustig en stil.

'n Dakwaaier in die kamer sal baie help.

Baie teleurgesteld. Het volgende dag ander verblyf gekry.

Ek het lugreëling verwag, maar daar was nie eens 'n waaier nie. Die plekkie is besonder klein en beknop. Alles was skoon en netjies, net groot teleurstelling.

Heerlik, sal beslis weer bespreek in die toekoms.

Plekkie netjies, skoon en oulik. Het tuis gevoel.

Silwerskoon met alles wat jy nodig het! Ons sal definitief weer gebruik maak van dié plekkie.

Netjies met alles wat jy benodig wanneer jy weg van die huis af is!

Baie netjies en skoon, verblyf en inboek-reëlings perfek.

Baie netjies, skoon en nuut oorgedoen. Vriendelike diens, verblyf- en inboek-reëlings baie goed.

Veilig en baie netjiese verblyf.

Gebruik 25 On Pretorius gereeld omdat dit die perfekte ligging is naby hoërskool. Veilige selfsorg en baie netjies. Altyd lekker om te weet waarheen mens gaan en wat om te verwag. Alles wat mens nodig het om te oornag, selfs vir meer as een aand.

Aangename ervaring!

Dis 'n pragtige skoon plek wat modern toegerus is. Sal beslis weer daar gaan bly!

Skoon en gerieflik.

Netjiese skoon eenheid. Maklik om in en uit te boek.

Goeie verrassing en eienaar is bereikbaar en gasvry.

Ons was baie moeg toe ons daar kom en die omgewing en verblyf was baie ontvanklik. Die verblyf was netjies en die meeste goed het gewerk. Ek het kontak gemaak met die eienaar aangaande 'n paar dinge, maar sy was toegeeflik. Sy het die opbouende kritiek aanvaar en dadelik aangedui dat hulle aandag sal skenk daaraan.

A very beautiful and quiet place to relax, would like to come back again.

Well-equipped.

In 'n stil en rustige buurt, netjies en gerieflik.

Die eenheid was in 'n stil en rustige buurt. Die reëlings vir aankoms en vertrek was goed. Die plek is netjies en die kombuis bied die nodige geriewe. Die ervaring kan verbeter word deur 'n deur voor die toilet en badkamer en die voorsiening van hanggeriewe vir klere. Ons het lekker gebly.

Gerieflik.

Baie georganiseerd, skoon en netjies. Het ook alles wat mens nodig het.

Netjies en veilig. Egter te klein om 4 mense te akkommodeer.

Baie netjies en mooi ingerig. Kamer is egter baie klein en as mens 4 gatse is, raak dit bietjie knap. Andersins sal ek enige tyd aanbeveel vir 1-3 nagte vir 2 mense.

Baie rustig.

Het lekker gebly. Rustige omgewing. Plek was skoon en netjies en alles wat 'n mens nodig het.

Beslis waarde vir geld en hulle diens is baie goed.

Baie netjies en goeie waarde vir geld. Veilig agter geslote hekke. Eienaars is baie hulpvaardig en vriendelik. Sal beslis die verblyf aanbeveel.

Gerieflike verblyf vir oornag.

25 On Pretorius het vir ons gerieflike verblyf aangebied, baie netjies en goed toegerus met al die nodige toerusting. Het baie lekker daar gebly!

Mooi en netjies.

Net groot genoeg vir twee volwassenes en twee klein kinders. 100% vir 'n aand of twee.

Basies, maar netjies.

Die verblyf was netjies, skoon, naby Volkskool geleë. Parkering was veilig.

Gemaklik.

Baie lekker plekkie. Sal weer gebruik maak van hulle!

Sal nie langer as 1 nag oorslaap nie.

Ons het in woonstel 2 gebly. Daar is nie hangplek vir klere nie, net 'n kas met rakke. Die toilet het ook nie 'n deur aan nie wat dit baie ongemaklik gemaak het. Ons het 'n stortgordyn gaan koop en opgesit. Verder netjies toegerus. Die inklok en uitklok was ook lekker maklik gewees.

Basiese losies, goed vir oornag.

Instandhouding kom kort, Geen elektriese kombers in Potch in die winter. Kon nie TV maak werk nie.

Vinnige verblyf met flinke diens.

Dankie vir flinke diens om vinnig in Potchefstroom te kon oorslaap. Die woonstel skep 'n studente-gevoel. Jy is amper lus om weer te studeer!

Verblyf was goed, sien glad nie die mense van die plek nie, koue kraan in stort werk nie goed nie.

Sien sterre.

Dit was baie onplesierig.

Plek is nie netjies nie. Beddegoed was nie skoon nie. Muur is vol krake. Vrek warm en geen waaier. WiFi werk nie en televisie ook nie. Yskas se diepvries was vol ys gevries. Kon nie die diepvries gebruik nie. Daar was niemand om ons te ontvang nie. Ons het 'n ander gastehuis gaan soek. Versoek dat ons die deposito terug moet ontvang, aangesien ons net vir 45 min daar was.

Aangename ervaring.

Skoon, netjies en gerieflik. Met alles wat jy nodig het sonder om onnodig deur jou nek te betaal.

Waarde vir geld.

Moderne verblyf. Vriendelike eienaar. Baie lekker gebly.

Gemaklik.

Baie lekker verblyf - gemaklik met klein kinders.

Skoon, netjies en goed ingerig.

Ons het baie lekker gebly. Net 2 voorstelle: Daar was nie seep in die stort nie, net handseep by die wasbak en 1 of 2 hangers in die kas sal ook handig wees. Andersins is dit pragtig ingerig, skoon en 'n rustige omgewing.

Netjies en rustig.

Ontvangs baie goed en woonstel is goed toegerus asook netjies.

Netjies en stil.

Baie netjiese woonstel met alles wat jy nodig het. Stil omgewing. Kan dit beslis aanbeveel.

Gerieflilk.

Verblyf was baie netjies, skoon en smaakvol ingerig. Die vars melk in die yskas, WiFi en Netflix was 'n ekstra bonus.

Moerse nice!

Baie netjiese en moderne verblyf. Was vriendelik verwelkom deur Rhyno en sy vrou. Dis regtig 'n baie nice woonstel!

Cozy and beautiful.

Ons het een aand oorgeslaap. Was definitief elke sent, wat nie eers baie was nie, die moeite werd. Kwaliteit beddegoed en handdoeke en baie cozy. Sal definitief aanbeveel.

Baie lekker, skoon en modern.

Sal vir seker weer van julle gebruik maak. Plekkie is baie modern, meer as wat ons nodig gehad het vir een aand se oorslaap. Heerlike selfsorgkombuis, met alle benodigdhede. Daar is nog nie 'n bord op nie, ons het 'n paar keer verby gery. Maar die eienaar, Rhyno, het ons baie vinnig gehelp. Baie tevrede.

Uitstekend.

Ryno en sy vrou was so gasvry, ons het baie welkom gevoel. Hy het ons selfs gehelp om ons klerestaander vir ons mark aanmekaar te sit. Ons was baie dankbaar daarvoor. Hulle het uit hulle pad gegaan om ons verblyf so aangenaam as moontlik te maak. Ons sal definitief weer daar bly.

Baie rustig.

Aangename verblyf. Skoon en netjies. Baie dankie vir jul vriendelikheid. Sien beslis weer!

Wat 'n plesier.

Ongelooflike tegemoetkomende gasheer. Nuut, netjies en skoon. Die handdoeke is lekker sag en donsig. Alles is binne bereik van 'n paar tree. Die woningtjie is baie privaat.

Dit was fantasties.

Ons het waarde vir geld gekry.

Baie gemaklik.

Skoon en netjies. Kan dit aanbeveel.

Gemaklik en gerieflik.

Verblyf is baie netjies en het alles wat mens nodig sou kry.

Alles wat nodig is vir 'n besigheidsoornag.

Baie netjies en skoon. Kort net 'n plek om die sleutel te los vir vroeë oggend reisigers.

Gemaklik en gerieflik ideaal.

Dis ‘n baie gemaklike en gesellige plekkie, naby genoeg aan alles en ideaal vir wanneer mens privaatheid soek, maar nie ‘n hele huis wil uithuur nie. Ons het dit regtig baie geniet!

Skoon, netjiese waarde vir geld.

Skoon, netjiese verblyf teen billike tariewe. Vriendelik ontvang.

Baie netjies en uitstekende diens van Ryno.

Baie dankie vir die gasvryheid en diens. Ek sal 'n klein tuintjie voor die woonstel aanbeveel om daai "voel tuis"-gevoel te kry.

Baie skoon en netjies.

Mense is baie vriendelik, laat jou welkom en tuis voel. Woonstel netjies en skoon, lekker gebly.

Baie lekker spasie, netjies en modern.

Vir 'n vinnige wegbreeknaweek vir die kinders se skoolsport is dit die ideale plek.

Netjies.

Toilet sonder 'n deur is bietjie vreemd.

Baie aangenaam, netjies. Maar die lae heinings en skuifdeur was vir my nie veilig genoeg nie. Ons kon nie die TV kry om te werk nie.

Baie gasvry en gaaf met ons in- en uitboek. Die Smart TV wou nie werk nie, maar verder het alles aan ons verwagtinge voldoen. Ek verkies dat daar meer sekuriteit is, maar ek besef dat dit eers onlangs is wat die misdaad Potch begin teister het. Maar ek sal daarvan hou as hulle sekuriteit opskerp.