5 on Roux

Lekker ruim, skoon en goed toegerus.

Ons het as gesin daar oorgeslaap op pad terug Jhb toe. Huis is lekker groot, baie netjies en skoon en besonder goed toegerus. Loopafstand vanaf Die Ou Kar-restaurant. Ons sal dit definitief aanbeveel.

Dit was 'n plesier gewees.

Dit was maklik om te vind, gerieflik en baie goed toegerus. Ek kan dit aanbeveel.

Skoon en netjiese oornagplek.

Ons het 1 nag oorgeslaap. Die huis was baie skoon en netjies. Ek dink dit is 'n bietjie duur. Geen koffie of beskuit in die kombuis soos wat ons gewoonlik by 'n oornagplek kry nie.

A great travel stop over. The house has everything you need for a very comfortable stay. Highly recommended.

We had a minor issue with check in, however this was very quickly resolved very efficiently and quickly. Host is very helpful.

Nie waarde vir geld nie.

Waarde vir geld nie aan te beveel nie. Was 'n laat bespreking, kon nie plek iewers kry op pad vanaf Gauteng na Plett toe nie. Stort se water loop nie uit nie en min voorsiening vir beurtkrag. Geen WiFi waarvan ons bewus was nie.

Pragtige bly-plek en stylvol.

Vreeslik netjies met als wat 'n mens moontlik kan nodig hê. Was baie beïndruk.

Pragtig.

Pragtige, rolstoelvriendelike huis met alles wat jy nodig het! Gerieflik vir enige ouderdom! Dankie Tim dat ons in jou pragtige huise kon bly!

Dit is 'n pragtige huisie met historiese sjarme.

Lieflike buiteareas en daar is soveel detail in alles wat bydrae om dit 'n bekoorlike atmosfeer te gee. Veilig en rustig. Sal definitief weer besoek. Pragtige huisie met historiese sjarme. Het die detail en aandag wat binne en buite gegee is baie waardeer. Die plekkie is nog mooier as wat die foto's wys. Sal definitief weer gaan en langer bly. Die gasheer baie bedagsaam.

Baie nice en gesellig.

Baie gesellig. Dankie vir als.

Gemaklik en netjiese oornagplekkie.

Baie vriendelik ontvang. Plek is so mooi soos in foto's. Netjies en veilig.

Puik plekkie in ’n baie oulike historiese dorpie.

Heerlike huis met historiese sjarme. Prakties en romanties. Tim en sy ouers is puik gashere. Baie dankie 5 On Roux!

Baie lekker.

Die huis binne en buite was mooi. Daar was veilige parkering. Die gasheer en sy gesin was vriendelik en behulpsaam. Tim het vooraf 'n boodskap gestuur oor Bethulie en moontlike besienswaardighede.

'n Ware juweel.

Ons was aangenaam verras. Alles wat jy nodig het is daar. Pragtige plek met ruim kamers, kwaliteit linne en afwerkings, groot tuin vir kinders om van oortollige energie ontslae te raak. Spyt ons het slegs 1 nag oorgeslaap. Ideale oornag bestemming op pad, dis die moeite werd.

‘n Pragtige huisie waar jy tuis voel in die Vrystaat!

Was mal oor die plek toe ek die fotos sien op die webtuiste, maar dit was selfs mooier toe ons daar kom. Baie skoon en netjies en genoeg dinge om mens besig te hou. Ongelooflike goeie waarde vir geld.

Dit was baie aangenaam en baie skoon. Ons het die huis en die "stable" vir onsself gehad, want ons was ses volwasse persone met 'n baba van drie maande.

Ons was aangenaam verras en het ons oornag verblyf baie geniet. Sal dit vir seker aanbeveel en daarvan gebruik maak indien ons weer in daardie geweste is. Selfs met beurtkrag het ons dit geniet. Baie dankie.

Waarde vir jou geld.

Waarde vir jou geld, net jammer die inkom en uitkom te is onredelik. Dit kan aangepas word.