Alika's

Alikas word hoog aanbeveel. Waarde vir geld.

Asemrowende see-uitsig. Die huis is ruim en smaakvol ingerig. Die kombuis oortref alle selfsorgbehoeftes met alles wat benodig word. Rilda gaan uit haar pad om sorg te dra dat alles skoon en netjies is. Sy dra dit op haar hart om dit so gerieflik as moontlik te maak vir die gaste en gee aandag aan klein detail.

Pragtige huis met die beste uitsig wat jy kan kry.

Heerlik gebly, pragtige huis, netjies en skoon, veilig, met meer geriewe as enige ander vakansiehuis wat ons nog in gebly het.

Net wat my siel nodig gehad het!

Alika is versekerlik die huis met die mooiste uitsig oor die see! Die woonstel is baie netjies, lekker groot en baie goed ingerig. Met kragonderbrekings het ons steeds WiFi gehad, kon TV kyk, en daar is 2 gasstofies wat baie verbruikersvriendelik is. Die groot (en baie groen) grasperk was verseker my 3 jarige se hoogtepunt. Ons is reeds besig om ons volgende besoek aan Alika's te beplan. Hulle het die standaard vir selfsorghuise baie hoog gestel!

Die plek waar gaste soos vriende ontvang word.

Rilda doen alles in haar vermoë om gaste gemaklik te maak. Vanaf die voorlopige bespreking tot bevestiging hou sy persoonlike kontak met jou. By inkloktyd ontmoet sy jou by die eenheid om jou te verwelkom. Alles wat jy benodig is in die eenheid en van goeie gehalte. Die woonstel is puik en word pynlik netjies skoongemaak. Pragtige uitsig oor die see en lekker stil. Ons beveel die plekkie graag. aan. Dankie Rilda vir die voorreg om jou plekkie te kon huur.

Droom seevakansiebestemming.

Die huis is pragtig, skoon en netjies. Die uitsig oor die see vanaf die stoep is asemrowend mooi. Ons het dit so baie geniet en sal die plek definitief aanbeveel en gaan vir seker met 'n volgende vakansie weer kom oorbly.

Perfekte vakansieplek vir ons gesin.

Alika's het ons verwagtinge oortref. Dit bied alles wat mens tydens jou vakansie nodig het en nog meer. Baie gerieflik met pragtige uitsig. Wonderlike gasvrou. Baie dankie dat ons heerlik kon vakansie hou by Alika's.

Pragtige blyplek, goed toegerus, mooi uitsig.

Die blyplek was netjies en toegerus met alles wat ons nodig gehad het. Die kwaliteit van die toebehore en kombuisware is goed. Die uitsig is baie mooi. Die gasvrou was baie vriendelik en behulpsaam en te alle tye besorg oor ons en ons verblyf.

Baie lekker.

Eienaar is baie vriendelik en altyd beskikbaar. Stapafstand van die strand af. Lekker privaat.

Wonderlik.

Heerlike verblyf, ons familie het dit vreeslik geniet! Lieflike huis met pragtige uitsigte!

Alika's is fantasties geleë in 'n stil straat naby aan 'n surf strand met mooi uitsigte. Die chalet is goed toegerus en gemaklik.

Ons het die chalet gehuur. Ons is 'n gesin van vier, ons dogters is 11 jaar en 12 jaar oud. Ons het baie gemaklik gebly. Rilda is die eienaar en was baie hulpvaardig en ons het maklik ingeboek. Die chalet is baie goed toegerus en het al die benodighede om gemaklik vakansie te hou. Ons het by die plek gewerk en die WiFi was goed genoeg om konferensie-oproepe te neem. Ek het on-line opleiding vir 2 dae ondergaan en die Wi-Fi het dit gemaklik hanteer. Ons sal beslis weer die eenheid huur as ons in Jongensfontein vakansie hou.

Alles wat jy nodig het.

Die huis is goed toegerus met alles wat jy nodig het. Lekker uitsig oor die see en Rilda is altyd gewillig om te help. Ons sal beslis teruggaan.

Alika’s het elke (goeie) verwagting oortref.

Ons het die hoofhuis sowel as die woonstel gehuur vir ons hele familie. Dit was absoluut perfek. Een ekstra badkamer in die hoofhuis sal ideaal wees. Die kamers is luuks, ruim en gerieflik. Die leefareas ruim en pragtig ingerig. Ons kan braai op die stoep wat 'n pragtige uitsig op die see het of die binnebraai gebruik op koeler aande. Die see is 'n kort stappie van die huis af. Alles was regtig fantasties. Rilda het uit haar pad gegaan om dit gerieflik en veilig te maak vir 'n drie jarige en verder was sy sommer net hulpvaardig en vriendelik.

Rustige pragtige plek. Dit was 'n seevakansie duisend.

Baie volledig toegeruste huis met genoeg leefruimte vir 8 persone. See uitsig asemrowend vanaf die braaiarea.

Fantastiese ligging. Plek goed ingerig en baie netjies. Eienaar is super vriendelik en hulpvaardig. Ongelooflike lekker vakansieplek - stukkie hemel op aarde.

Wonderlike omgewing, pragtige en gerieflike verblyf. En dierbare eienaar wat uit haar pad gaan om dit so lekker as moontlik te maak vir huurders.

Wonderlike, kort vakansie.

Van die oomblik van aankoms tot vertrek was ons verwonderd deur die fantastiese uitsig en netjiese verblyf en geriewe. Die gasvrou is 'n besonderse dame wat uit haar pad uit gegaan het om alles aangenaam te maak. Sal definitief graag weer daar wil kuier. Hoogs aanbeveel.

Rus vir jou siel.

Ons het baie lekker gekuier by Alika's. Die see-uitsig was fantasties. Dit is 'n goed toegeruste huis met alles wat jy nodig het.

Dis 'n pragtige uitsig en 'n netjiese, skoon, goed toegeruste huis.

Rilda is 'n puik gasvrou. Ons is bederf en verwelkom met groot vriendelikheid. Die steilte van die parkeerplek af is bietjie erg vir bejaardes maar ons is nie spyt dat ons daar gebly het nie. Die uitsig en stilte is oor en oor die moeite werd. Dankie Rilda.

'n Juweel in Jongensfontein.

Alika's is 'n lieflike, groot huis en het alles wat mens nodig het. Rilda gaan uit haar pad uit om seker te maak ons voel tuis en ook om ons te vertel van al die lekker plekkies, wat 'n moet is in Jongensfontein en Stilbaai! Ons het Alika's se groot stoep en lieflike braai area vreeslik geniet!

Verfrissend vir die siel.

Lekker gekuier. Baie rustig en Rilda is 'n goeie gasvrou.

Uitstekende vakansiebestemming!

Die huis is ruim, uitstekend toegerus, baie netjies en skoon en het 'n pragtige ligging. Die uitsig van die stoep af en uit die woon- en slaapvertrekke is prentjiemooi. Boonop is die gasvrou, Rilda, hulpvaardig, vriendelik en gasvry. Ons het die week daar geniet en heerlik uitgerus.

Mooiste uitsig en lieflike huis.

Die huis is uiters goed geleë en alles en meer wat mens benodig vir 'n heerlike verblyf en vakansie! Die uitsig is ongelooflik mooi!

Ongelooflik lekker.

Rilda is 'n ongelooflike gasvrou. Niks is te veel moeite vir haar nie. Sy het selfs ons wasgoed vir ons gewas. Die woonstel is so goed en mooi ingerig, mens kan letterlik net kos inpak, alles anders is daar. Ongelooflike uitsig oor die see en strand. Ons kan nie wag om weer terug te gaan nie.

Mooiste uitsig! Beste vakansie ooit!

Alles wat mens nodig het en nog meer. Gasvrou was fantasties. Ons sal beslis weer 'n draai maak.

Mooiste mooi met see-uitsig wat jou asem wegslaan.

Rilda, pragtige gasvrou, het ons dadelik laat tuis voel met haar vriendelikheid. Pragtige huis met alles wat jy nodig het, ongelooflike uitsig oor die pragtige omgewing en see. Baie dankie Rilda.

Skoon, goed toegerus.

Pragtige uitsig, baie gerieflik.

Awesome.

Baie groot en netjiese huis met 'n asemrowende uitsig oor Sandstrand en die see. Daar is alles wat nodig is in die huis om dit 'n onvergeeflike vakansie te maak. Rilda was ook baie besorg om seker te maak ons geniet ons vakansie. Hoogs aan te beveel.

Modern, skoon netjies met pragtige see uitsig.

Ons het die voorreg gehad om vir 10 dae te kon uitspan by Alika's waar ons ook ons 50ste huweliksherdenking gevier het. Ons het ons verblyf terdeë geniet en kan oor niks kla nie. Die gasvrou, Rilda, was baie behulpsaam en het selfs vir ons 'n geskenkie gebring wat ons sal herinner aan Jongensfontein en die lekker tydjie wat ons daar kon deurbring.

Fantastiese plek.

Fantastiese plek. Ongelooflike uitsig, baie lekker huisie. Super vriendelike gasvrou. Sal definitief weer terug wees.

Baie volledige fasiliteite.

Die eerste gedagte wat 'n mens kry is hoe ontsettend netjies en volledig die woonstel is. Die meubels, prente is van hoë gehalte en die uitsig is ongelooflik. Daar is meer fasiliteite besikbaar as in meeste mense se woonhuise. Dit word hoogs aanbeveel dat dit nie net 'n slaapplek is nie, maar een wat 'n mens 'n dag of twee moet opsy sit net om die plek te geniet.

Breathtakingly beautiful.

Truly a home away from home. Everything you have at home you will find here.

Het heerlik gebly!

Hierdie huis is nie net fantasties geleë, skoon uitsig oor die see nie, maar het als wat jy begeer! Baie luuks en baie goeie diens, ons het net te kort hier gebly. Ons sal vir seker weer hier bespreek!

Heerlik.

Selfoon opvangs swak. Geen veilige parkering. Gasvrou baie gul en vriendelik en behulpsaam.

Ongelooflik!

Ons gasvrou, Rilda, het ons met heerlike plaatkoekies bederf met ons aankoms. Sy laat geen steen onaangeroer om verblyf so heerlik as moontlik te maak nie. Fantasties!

Pragtige, gerieflike verblyf met wonderlike see-uitsig!

Baie skoon en netjiese huis. Baie goed toegerus. Pragtige see-uitsig!

Fantasties.

Ons het baie lekker gebly by Alika's. Ek beveel dit vir enige iemand aan en is baie veilig vir die kinders.

Pragtige blyplek met 'n lieflike uitsig!

Baie vriendelike gasvrou - sy het selfs moeite gedoen om ons kamera wat ons daar vergeet het, weer veilig aan ons terug te besorg. Die blyplek was uiters netjies gewees.

Uitstekend.

Wonderlike uitsig uit al die vertrekke. Baie goed toegerus. Vriendelike en behulpsame gasvrou. Stil area.

Fantasties.

Dit is soos om 'n geskenk oop te maak en beter te kry as wat jy verwag. Die woonstel is ruim met oorgenoeg spasie. Dit is silwerskoon en baie netjies. Die kombuis en woonstel is goed ingerig veral vir gaste wat langer as 'n naweek wil bly. Die kersie op die koek is die asemrowende see-uitsig vanuit al die vertrekke en absolute privaatheid. Ons gasvrou Rilda is baie hulpvaardig en maak seker dat haar gaste gelukkig en tevrede is. Ons sal dit graag in die toekoms weer wil besoek.

Dit was ongelooflik lekker.

Alika's is 'n pragtige plek met 'n asemrowende see-uitsig. Pragtig binne en baie netjies. Die eienaar is 'n baie vriendelike dame en ook baie behulpsaam. Ons sal beslis eendag weer daar gaan oorbly. Alika's bied soveel meer as wat op 'n foto vasgevang kan word.

'n Huis weg van jou eie huis!

Van begin tot einde was alles meer as perfek, het ek alles en meer gekry! Rilda het uit haar pad gegaan om ons tuis te laat voel en het soos 'n ou vriendin gevoel met ons vertrek. Baie dankie vir 'n wonderlike tyd!

Baie aangenaam.

Verblyf was uitstekend, stylvol en netjies met goeie gasvryheid. Baie netjies en skoon met 'n pragtige uitsig.

Pragtige uitsig en privaat.

Alika's is 'n woonstel onder 'n huis, maar is uiters privaat. Dit is baie goed toegerus, met o.a. 'n skottelgoedwasser en wasmasjien. Die woonstel is baie netjies, maar steeds kindervriendelik. Die trappe vanaf die pad na die woonstel is steil, so ek sal nie die woonstel vir persone met liggaamlike beperkinge aanbeveel nie. Die matrasse is lekker ferm en ons het heerlik geslaap. Die uitsig is waarlik so goed soos op die foto's en die area is lieflik stil. Ons sal so gou as moontlik weer by Alika's oorbly. Ons kinders was 4 en 7 tydens ons besoek.

Dit was baie lekker en ek wil sommer vir altyd daar bly.

Die woonstel het die pragtigste uitsig oor die strand en see! Verder is dit baie gerieflik met meer as wat jy nodig het. Dit is stil en jy kan regtig net kom agteroor sit en ontspan. Ons sal beslis weer gaan.

Baie, baie lekker gekuier!

Sien asb. die sterre.

Stil en rustig met 'n fantastiese uitsig.

Ons was absoluut tevrede met ons verblyf by Akila's. Dit is 'n woonstel onder 'n woonhuis met 2 slaapkamers, 2 badkamers, met 'n lieflike uitsig op die see. Die woonstel was baie goed toegerus, gerieflik en baie ruim. Die hele area is besonder rustig en stil. Ons sal dit beslis aanbeveel.