Baakensrug Holiday Farm

Absolutely comfortable stopover, value for money, lovely Karoo farm and scenery.

We were travelling between Pretoria and Cape Town, and stopped over for 1 night. Absolute value for money. Braai packs of Karoo lamb chops and lamb wors were arranged prior to our trip. Was able to buy Karoo lamb, biltong, wine, etc. from the little shop on site. Had a fantastic sleep as the bed was very comfortable. The bathroom was very well decorated and had a good hot shower prior to travelling further on our journey. Would absolutely recommend a stopover if you are in the area.

Perfekte wegbreek uit die stad, tussen niks en nerens. Goed vir die siel.

Die kamers lyk presies soos die fotos, daar's 'n klimraam vir die kinders, pragtige boma en braaigeriewe en 'n plaaswinkel waar mens die heerlikste lamvleis kan koop. In die Karoo, pragtige velde en 'n groot jagplaas vir die wat lus is vir so iets.

Puik!

Ons het laat-aand aangekom en is baie vriendelik deur Lizelle, ons gasvrou, ontvang. Ons kamer was netjies, skoon en smaakvol ingerig. Na 'n lekker warm stort, het ons vinnig aan die slaap geraak in 'n baie gemaklike en skoon bed. Die volgende oggend het ons 'n gesonde "Boere-brekfis" geniet voordat ons weer in die pad geval het. Ons sal beslis vir Baakensrug Holiday Farm aanbeveel as 'n uitmuntende en veilige oornagstop op die pad Kaapstad toe.

Ons siel het die rustige omgewing broodnodig gehad.

Ons het die rustige plaasomgewing baie geniet en die gasvryheid van Lizelle en Roland. Die akkommodasie is baie mooi en gerieflik. Die plaaslam en plaasontbyt uit die boonste rakke. Ons sal definitief weer bespreek by Baakensrug Holiday Farm.

A tiny holiday on our way home from holiday.

When arriving at the farm we were pleasantly surprised by the welcoming of the staff and the splendour of the farm. The rooms were beautifully set up and even though it was a hunters' house, it was elegantly furnished and styled. Here you can breathe, you can receive the quiet nature and be at peace. This farm is definitely a place worth driving the dirt road.

Ideaal vir 'n paar aande se oorslaap; 'n bietjie ver vir slegs een aand.

Dankie vir die gasvryheid, ons het lekker oorgeslaap en gerus voordat ons verder moes ry.

Karoo op sy beste met uitstekende verblyf en fantastiese eienaars!

Die mooiste mooi van die Karoo saamgevat in keurige, asemrowende akkommodasie met die gerief van 'n klein winkeltjie! Roland en Lizelle het uit hul pad gegaan om ons baie welkom te laat voel en die ligte aan te hou tydens beurtkrag.

Kalmte en 'n dubbel reënboog laat jou die Karoo lief kry.

Die vriendelike personeel en gasvryheid laat mens dadelik welkom voel. Vars gebakte brood en plaasontbyt is 'n wenner. Die grondpad is lank maar lei na 'n oase.

Relaxing quiet.

Amazing. Quiet. Karoo lamb.

Oase in die dorre Karoo. Amazing!

Mooiste en luukse oornagkamers, alles was skoon en netjies! Ons is baie vriendelik ontvang en die personeel is baie behulpsaam. Dit was voorwaar die rit op grondpad werd. Die lamsvleis was fantasties!

Aangenaam verras.

Ons het baie lekker gebly.

Perfek.

Baie mooi en regtig wonderlike diens. Omtrent 15-20 km grondpad in die hart van die Karoo. Pad is mooi. As jy wil wegkom van alles en net ontspan, perfek.

Oornag op pad.

Rustige atmosfeer en goed ingerig. Sal beslis weer gaan.

Ons het heerlik gekuier.

Fasiliteite is puik. Ons was hoflik ontvang en het die kuier geniet. Baie dankie.

Onverwags luuks.

Vriendelike diens en behulpsame personeel.

Baie goed toegerus en die mooiste omgewing.

Ons het Sprinbok-eenheid gehuur wat slaapplek het vir 6 persone. Die eenheid was netjies en ruim en baie skoon. Die eenheid is gekoppel aan deel geriewe van 'n groot toegeruste kombuis, eetkamer en sitkamer-area wat met die ander eenhede gedeel word. Die kamer het 'n aparte braai-area wat uitloop op 'n grasperk en toegang verleen tot die natuur. Mooiste sonsopkoms en ondergange. Daar is ook 'n klein winkeltjie wat koekies en konfyt verkoop. Ons het ons tyd op Baakensrug baie geniet.

A bit of a drive out to the farm but was overall worth it.

It was worth every penny staying at Baakensrug Holiday Farm. The rooms are very clean and Lizelle was very accommodating.

'n Ware oase in die Karoo.

Lizelle en haar span is ongelooflik gasvry en laat mens dadelik tuis voel, beddens is soos 'n stukkie hemel op aarde. Heerlike boere-ontbyt. Kan vir enige iemand aanbeveel. Doen jouself die guns en ry die ekstra paar kilometer vanaf die N1, sal glad nie spyt wees nie.

Vriendelik en gasvry.

Baie aangename ondervinding, eksepsionele gasvryheid en belewenis vir kinders.

Great.

Very great.

Fantasties.

Ons het ongelukkig 'n vliegplaag gehad, maar buiten dit het ons baie lekker gekuier.

Pragtige plek en ongelooflike diens. Sal verseker weer gaan.

Die verwelkoming was puik, kamer en alles omliggend pragtig, mooi en netjies. Die heerlike, varsgebakte plaasbroodjie met ontvangs 'n bonus. Die swembad (plaasdam dalk meer) was bietjie groen, maar vermoed dit moes so wees. Dit het verseker gehelp met afkoel in die Karoo-hitte.

Baie netjiese en skoon plek met vriendelike en behulpsame personeel. Sal verseker weer daar wil oorslaap.

Baakensrug gee 'n tipiese plaas ervaring met die nodige luuksheid. Baie skoon en netjies met alles wat mens nodig het.

Fantastic.

Thank you for an enjoyable overnight. Perhaps a few more tables in various spots for dining since the lounge and kitchen are communal.

Pragtig en rustig.

Met aankoms was ons vriendelik verwelkom deur Lizelle. Ons kamers was pragtig en sy het moeite gedoen om vir ons seuntjie 'n ekstra bed te gee. Die kamers en perseel is ongelooflik mooi. Die winkeltjie het die beste vleis en wors, daar is ook ys, koeldrank en lekkers vir die kinders. Ons het met aankoms, gratis roosterkoeke gekry. Die natuur en diere op die plaas was baie spesiaal en die kinders het die "dam" swembad vreeslik geniet. Ons sal vir seker teruggaan! Baie rustig en pragtig.

Groot ervaring vir kinders. Stilte onder die hemelruim.

Wonderlike ervaring.

A home away from home.

This will be our stopover en route from CPT to PTA going forward! Gorgeous gorgeous! Take into consideration that it is a farm in the middle of nowhere. So if you're a paranoid person, it might not be for you. It's quite a drive on the gravel road, but definitely worth it if you are a nature lover or want to skip out on staying in the busy town of Beaufort. We bought "skaapstertjies" already precooked and marinated and braaied them the night. It was delish! Real, Karoo farm hospitality. We will definitely return!

Stay was magnificent, Baakensrug is remote but worth the detour. Best lamb chops ever.

Load shedding, wifi signal challenging.

Het rustigheid en spasie gebied om die lang pad se sit teen te werk.

Vriendelike diens het ons laat tuis voel. Was so bietjie verder van die N1 as wat ons verwag het, maar nog steeds die moeite werd.

Unieke, regte Karoo-plaaservaring.

Baie lekker gekuier. Dink net die afstand van die teerpad en ook die afstand van die hek moet duideliker wees. Dis redelik ver in vanaf die hek. As mens dit verwag, neem dit die wonder oor hoe ver nog uit die pad. Verder kan ek nie kla nie.

Heerlike atmosfeer en fantastiese gasvryheid. Doodstil en ontspannend om af te skakel na 'n dag se ry.

Oorgeslaap saam my 2 dogters op pad Kaap toe. Wat 'n heerlike ondervinding. Baie dankie vir julle gasvryheid.

Friendly and hospitable.

Bit far from the N1 but lovely nonetheless.

Ons het slegs oornag in die paradys van die Karoo.

Verskriklike mooi omgewing van die Karoo, gastehuis is baie netjies en nuut. Net bietjie ver van die N1 af vir 1 nag se oorslaap.

Terrible flies.

There was no transparency about how far out on the dirt road you had to drive. The flies outside of the unit were unbearable. We were unable to sit outside. The Wi-Fi did not reach the bedrooms.

Fantastic.

Friendly service, beautiful and clean rooms.

Amazing. Host was great, staff ready to assist with anything we needed. A great experience!

From the moment we arrived, friendly staff was there to assist us with everything we needed. They even waited for us to come back from our walk to give the kids the opportunity to feed the lambs. We bought some lamb chops to braai in the evening, and it was delicious. The freshly baked bread with the braai was the cherry on the top. Loved our stay and will definitely be back soon!

Wonderlik.

Ons het baie lekker gebly, sal volgende keer definitief langer bly. Perfekte Karoo-ervaring, baie meer as net 'n oornagplek op pad kaap toe, het deel van die vakansie geword. Sal dit definitief aanbeveel.

Spyt ek het nie langer gebly nie.

Sal baie gou graag weer terug gaan. Lizelle was so gasvry en het baie moeite gedoen.

Uitstekend

Heerlik gebly, braai en sterre gekyk. Ons sien julle gou weer.

Waarde vir geld.

Lizelle was baie akkommoderend en het uit haar pad gegaan om ons welkom te laat voel.

Ongelooflik!

Baakensrug is 'n onvergeetlike juweel in die middel van die Karoo! Gevul met gasvryheid, 'n uitsonderlike gasvrou en die vriendelikste helpers! Sal hierdie plaasatmosfeer jagter-lodge enige tyd aanbeveel en ons sal beslis gou weer gaan kuier! Varsgebakte brood (gevul met hope liefde) as welkomgeskenk en hul eie slaghuis vir alles wat jy benodig! Hierdie besonderse plek moet heel bo aan jou "bucket"-lys kom!

Lieflike plek!

Lieflike plek, sal beslis weer terug kom!

Sal verseker weer gaan.

Is wel grondpad, maar die pad is in 'n goeie toestand. Die mense gaan uit hul pad om dit vir jou so gemaklik en gerieflik moontlik te maak en is baie vriendelik. Beveel dit regtig aan, huis is ruim en skoon. Daar is ook 'n klein winkel waar jy lekker wildsbiltong, droëwors en vleis kan koop, en nog 'n hele paar ander plaasgoed. Die hoogtepunt was natuurlik die vars plaasbrood elke oggend - hulle ken van!

Karoo plaas op sy beste.

Uitstekende verblyf vir goeie prys. Werklik 'n juweel in die middel van die Karoo. Kinders het gehelp om hanslammers melk te gee. Goeie plek om die sterre te kyk. Die grondpad was verder as verwag.

Goeie bestemming.

Baie netjies. Die pad is net bietjie sleg.

Pragtige oase na 17 km se grondpad. Jag- en familieplaas met eienaars wat vriendelik en uiters gasvry is. Die groenste gras wat ek nog in 'n lang tyd gesien het!

Akkommodasie is in 'n groot huis wat gewoonlik tydens die jagseisoen vir groot groepe gebruik word. Ons was 'n gesin van 4 en Lizelle-hulle het vir ons ons eie braaigeriewe organiseer. Daar was wel 'n ander gesin wat ook oorgeslaap het en hulle was aan die ander kant van die groot huis doenig. Die klein slaghuisie is 'n perfekte plek om aankope vir jou verdere vakansie te doen en ek beveel hulle lamswors sterk aan.

Lekker familie kuier.

Perfek vir groot groep. Gerieflik en vleis en vetkoeke uit die boonste rakke.

Rustig en lekker. Hul help met vleis en jy kan ver stap.

Alles was goed, net skoonmaak van kamer kan beter en boerekos het nie skyfies nie. Porsie vir ete kan groter, want 'n man word honger van die vars lug. Selfsorggeriewe was goed en genoeg.

Uitstekende geriewe.

Die kamers en fasiliteite was baie aangenaam en skoon.

Besonderse plek met uiters gasvrye mense.

Baie dankie Lizelle, Roland en Anneke vir julle gasvryheid. Wonderlike ervaring. Alles was fantasties.

Gasvryheid was puik, verblyf was voldoende en netjies.

Was baie verbaas hoe ver dit van die hoofpad af was waarvan de groter meederheid grondpad was. Ongelukkig wys die roete aanduidings op die webwerf dit nie en iets wat aangebring moet word.

Fantasties.

Ons het die lekkerste oorslaap gehad, dit was so heerlik om so rustig te wees en so naby aan die natuur te wees. Baie dankie vir al die vriendelikheid en gasvryheid.

So outstanding. Friendly, kindhearted and helpful.

Lizelle and her husband were so kind and warmhearted. We received a platter with fresh, warm bread, biltong, jam and something to drink. Felt like family.

Beste plek om van die stad te vergeet.

Ek het onmiddellik verlief geraak op die plaas. Die stil en rustigheid. Net wat 'n mens nodig het om van die stad te vergeet. Die vars gebakte plaas broodjie en botter was 'n goeie gebaar. Het dit so baie geniet. Baie dankie.

Lafenis vir die siel en terapie vir 'n moeë liggaam.

Heerlik gekuier. Dankie dames vir jul gulhartige ontvangs en heerlike vars plaasbrood.

Dit was heerlik om die rustigheid van 'n Karooplaas te ervaar. Baie vriendelik ontvang en goeie diens van Anneke gekry.

Vriendelike diens en heerlik om rustigheid van n Karooplaas te ervaar. Heerlike Karootjoppies gekoop en gebraai.

Op die warmste dag van 2018 het ons in 'n pragtige plek 'n lugverkoelde ruim kamer gekry.

Die lodge lê soos 'n oase in die Karoo. Anneke het ons vriendelik ontvang en trots vertel dat hulle as plaaswerkers al verskeie bekers as beste span verwerf het. Ons het die lekkerste lamstjoppies en varsgebakte brood vir aandete gekoop en gebraai. Daar is alles wat nodig is vir 'n behaaglike rus en kuier. Ook die plaasdam-swembad was verkwikkend! Sal vir seker weer daar oorslaap.

Absolutely awesome.

We loved it! Amazing farm with warm, friendly people! Safe and spacious! Food was out of this world! Loved everything!

Absolutely wonderful! Karoo peace and tranquillity with great hospitality to match.

This is the best travel stay we’ve ever experienced. The setting is stunning and the accommodation excellent value for money. We’ll be back!

Heerlike wegbreek van die stad.

Ons het heerlik gekuier, alles was netjies en skoon. Baie ontspannned. Vriendelike gasvrou en bediendes. Gebakte brood was heerlik. Presies geweet hoe om daar te kom met akkurate aanwysings. Sal dit beslis aanbeveel.

Asemrowende mooi area, en heerlik stil.

Vriendelike personeel en 'n heerlike, stil atmosfeer. Opregte gasvryheid soos net plaasmense dit kan doen. Lugversorging in kamers en lekker groot kuierareas.

Regte Karoo-plaas met baie vriendelike mense!

So lekker stil en rustig! Entjie uit die dorp uit, maar beslis die moeite werd!

Besbewaarde geheim van die Klein Karoo.

Alles op Baakensrus is groot. Die vertrekke, die vriendelikheid, die plaas, die omgewing. Alles is silwerskoon en daar is niks wat mens meer nodig het nie. Perfekte plek om te rus en van die normale dag tot dag bestaan te vergeet.

Baie lekker gekuier en die braaipakket was heerlik.

Ons het die kuier vreeslik geniet en sal weer daar gaan bly.

Baakensrug was 'n heerlike plek om te oornag. Dit was deel van ons vakansie in plaas van net 'n noodsaaklike oornagplek. Uitstekende diens en smaakvolle mooi kamers.

Ons was ontvang toe ons aankom met baie vriendelike gesigte en diens. Heerlike kamer en beddens. 'n Ekstra matras was ingedra vir ons 2 jarige. Pragtige plaas en heerlik om rond te loop en na die skape, bokke en perde te kyk. Heerlike swembad om in af te koel. Lekker braai geriewe en kos. Ons sal enige tyd weer kom.

Lekker oornag of 'n paar dae rus op jou reis.

Lekker plaas, vriendelike mense met great diens. Ons het dit baie geniet en sal vir seker weer daar oorslaap. Lekker Karoo-boservaring, nie op die hoofpad nie, dus kan jy die stilte van die Karoobos ervaar.

Heerlike Karoo verblyf.

Alhoewel die eienaars self weg was met verlof, is ons baie professioneel en baie vriendelik deur die personeel ontvang wat hul bes gedoen het om ons verblyf aangenaam te maak, (well done) en dankie. Alles wat benodig was daar. Die kinders het die plaas ook geniet. Sou graag nog 'n dag wou bly. Hoogs aanbeveel.

Rus vir die siel!

Lekkerste wat ons nog ooit oornag het op pad Kaap toe. Lizelle en haar span is ysters.

Lekker, stil plek ver van die ligte en mense.

Ons het een aand op die plaas oorgeslaap op pad Kaap toe. Dit was presies wat ons in gedagte gehad het. Die huis is ruim en baie netjies, die ete was heerlik (braaipakke) en die lugversorger in die kamer baie welkom. Daar is baie min lugbesoedeling en die sterre was fantasties. Ek sal dit beslis aanbeveel en sal beslis weer daar oornag, of selfs langer bly.

Was baie lekker ondervinding.

Almal was baie vriendelik en behulpsaam. Die braaipakke was heerlik en asook die bykosse. Het baie lekker oornag vir ons trippie Kaapstad toe.

Uitstekend!

Ware Groot Karoo plaaservaring. Ruim huis met al die geriewe en lekker braaiplek. Die braaipakke en bykosse was ook besonders. Belangrikste is seker die mense - almal is vriendelik, gasvry en gaan uit hulle pad om jou te ontvang. Dankie aan Lizelle en haar span!

'n Wonderlike ontspanne plaasatmosfeer.

Ons het die kuier vreeslik geniet. Die eienaars asook die plaaspersoneel was behulpsaam, vriendelik en hulle gasvryheid is uit die boonste rakke. Ons het gebruik gemaak van hulle braaipakkette asook die ontbyt en dit was smaaklik, oorgenoeg kos en waarde vir geld. Die kinders het die plaas baie geniet en kon lekker verken in 'n veilige atmosfeer. Ons sal definitief weer daar gaan oorslaap.