Belmar Guesthouse

Rustig, weelderig, elegant, sakpas en absoluut jou tyd werd.

WoW, wat kan ek sê! Die oomblik dat jy deur die voorportaal stap, is dit asof jy 'n ander wêreld betree. Dis ruim, keurig gedekoreer en stylvol. Dit was 'n totaal laaste minuut tipe van 'n vat dit of los dit tipe bespreking, maar ons was aangenaam verras. Van ons ontvangs tot ons kamer oopgesluit het, het dit gevoel of ons op Cloud Nine loop. Ons verwagting geweeg aan die tarief per nag; die werklike toedrag van sake het ons asems weggeslaan. Ons was stil verras en het ons self verskoon nadat ons ons bagasie neergesit het om net ons asems te kry deur ons gasvrou te vra om ons te verskoon, ons gaan gou iewers. Ek en my kollega het soos voëls gekwetter in die voertuig, soos wat ons net eers wou wegkom om tot terme te kom met die skatkis juweel van 'n gastehuis waarop ons so heel toevallig op af gestrompel het. Toe is dit asem ophou tot ontbyt die volgende oggend. Mens, wat 'n lekker ontbyt waardeer vir geld! Geurig en smaaklik voorberei! As ek nou daaraan dink, is ek nogals spyt ek het nie aandete 'n try gegee nie, maar ontbyt het my versadig gehou deur die dag dat ek saans net 'n glas vrugtesap, 'n vruggies of 'n yoghurt kon eet. Dankie, ons het lekker gebly en sal weer, as die geleentheid hom voordoen, u kies met oop oë! Daar is alles in die kamers: yskas, haardroër, strykyster, strykplank, tot 'n naald en garen vir emergencies. Die tuin, gaan kyk self.

Dit was 'n totale gemors.

Die kamertjie wat ons gekry het om in te slaap was 'n gemors. Dis piepklein, maar dis nie die ergste probleem nie. Dit lyk glad en geheel nie soos die foto's wat vertoon word nie. Dit was 'n gesukkel om by die plek in te kom. Ek het geskakel en nie antwoord gekry nie en daarna kom die gasvrou uit. Die mense het verskoning gevra dat die res van die huis deurmekaar is, want hulle's besig met herstelwerk. Die huis is vuil en grillerig. Ons (ek en my 86-jarige ma) moes in 'n kamer bly waar nie veel werk nie. Sy't probeer stort die aand, maar water was koud. Die kraan by die 1 klein, pieperige wasbakkie is los. Die ketel se deksel is stukkend. Die een waterglas was vuil. Die stort is sommer so in die kamer. Daar is 'n televisietjie wat ook nie eintlik werk nie. Hy het ook blykbaar net SABC1, 2 en 3 op. Die beddens was skoon oorgetrek, maar die hele kamer lyk glad en geheel nie soos die foto's nie. Ek wou eintlik nie daar ingaan nie, maar ek wou nie, 2 vrouens alleen, verder ry nie. Ek's jammer ek't nie foto's van ons kamer geneem nie. Ek het dus ook gisteroggend net aangetrek en gery. Ek wou nie koffie drink of enigeiets anders daar doen nie. 1 positiewe ding wat wel gebeur het is dat ek my koue goed in hul vrieskas kon stoor vir die nag. So, dit was darem goed gewees. En nog 'n positiewe punt is dat ons kar binne-in 'n toesluit-garage was. Ek sou net voorstel dat as jy jou huis as gastehuis aanbied en jy's met restourasies besig, bly uit die mark vir daardie tyd. Ek verwag ook van die gasvrou/-heer om ten minste netjies te lyk as ek opdaag.

Place is beautiful place to stay in. We are definitely booking it again for next year.

Owner need to take more pics of the place. The ones on the website don't do any justice of how the place looks. Beautiful I tell you.

It was great friendly.

I felt at home from the time I arrived.

Eienaar se ma rook en orals is daar asbakkies met stompies.

Ek het getrek na Natal van die Kaap af. Plek gesoek om te oornag met my hond. As jy 'n hond het is dit sekerlik ok, maar dit is 'n ou huis en die hele plek ruik na rook. My hond kon binne slaap en ek kon my bakkie en waentjie in die motorhuis trek wat puik was.

Badkamer/kamer geen privaatheid. Slegs gordynskeiding. Geen warm water.

Sien sterre.

Vriendelik en skoon.

Het baie lekker gebly, uit hulle pad gegaan om dit lekker te maak. Was veilig gewees en baie skoon. Sal weer daar gaan bly. Dankie.

It was a present stay.

I was received with open arms every evening when I came back from the hospital. I had support for all at Belmar.

Baie skoon en netjies.

Ons het heerlik gebly. Die plek was baie skoon en netjies.

Lekker gebly!

Ons is baie vertroud met Belmar Guesthouse, ons assessors (ingenieurs) wat daar gebly het, was baie tevrede met die akkommodasie wat aan hulle verskaf is.

Gerieflike, netjiese akkommodasie en goeie ligging.

Sien die sterre.

A very nice place to stay. Will do it again in future.

Bella is very friendly and helpful. Guesthouse is very clean and your vehicle is safe in a garage. Only a pleasure to stay their and we will stay their again.

Aangenaam.

Baie vriendelike diens, bekostigbaar en veilig.

Die gasvrou het regtig moeite gedoen om die verblyf so aangenaam moontlik te maak.

Daar was vir een dag en een nag nie water nie, maar die gasvrou het probeer om alles moontlik te doen om my so min as moontlik te verontrief. Sy was selfs bereid om vir my die verblyf geld terug te gee, net omdat daar nie water was nie. Dit was voorwaar 'n baie besonderse gebaar van haar kant af.

Baie teleurstellend.

Ons het vir twee nagte bespreek in Pearl Room met 'n dubbelbed en 'n en suite-badkamer. Met ons aankoms was daar gaste in die kamer en is ons geneem na die woonstel. 3 slaapkamers, maar geen dubbelbed nie. 2 badkamers, maar ver van die slaapkamer. Die kamerdeur kon net van buite sluit en daar was nie 'n deur of hek tussen die woonstel, die ander gastekamers, die garage en die voordeur nie. Daar is 'n toesluit garage direk op die straat, maar die garage deur kon net van buite sluit. Al die motors was dus onveilig. Enigeen kon van die straat af direk tot binne die gebou kom.

Nie heeltemal wat ek verwag het nadat ek vorige resensies gelees het nie.

Die garage moet met die hand oop- en toegemaak word. Ek het baie blootgestel en onveilig gevoel toe ek laat in die aand by die gastehuis aangekom het as 'n enkelvrou. Die kamer is baie ruim en netjies met alle bykomstighede soos op die webwerf genoem met twee uitsonderings: Die kamer waarin ek oornag het is geadverteer "vanaf R300 pp". Ek was alleen, het nie ontbyt geneem nie, maar ek het R400 betaal. Daar is ook geen waaier nie en aangesien die kamer uitloop op 'n onderdak patio, was daar geen ventilasie nie en het ek baie warm en benoud gekry. Toe ek die volgende oggend wou bad, was daar geen warm water in die geyser nie en ek moes ketels water kook om eindelik in lou water te kon bad. Die gasvrou was baie ontsteld toe sy dit hoor en wou my na 'n ander eenheid skuif. Blykbaar was die batterye van die gas-geiser pap. Ongelukkig bederf so iets 'n mens se hele ervaring.

Teleurstellende diens.

Verkeerde sleutel gegee om motor die aand in motorhuis te bêre. Antwoord nie foon om probleem op te los nie. Geen krag gehad nie. Geen noodligte. Geen deure was gesluit nie, onveilige gevoel.

Fabulous stay.

Lovely clean accommodation with hosts who go out of their way to help, my dogs were treated ike guests and the whole ambience there is wonderful.

Very homely, very hospitable and definitely value for money - thank you so very much for everything Bella!

See star rating.

Baie lekker.

Great gewees en gasvryheid was fantasties.

Baie gasvry ontvang.

Gerieflike kamer. Goed toegerus. Maklik toeganklik. Het reeds vir 'n tweede besoek later in die jaar bespreek.

Dit is waarde vir geld.

Ek en my vriendin het ons verblyf regtig baie geniet en sal vir seker in toekoms weer van Belmar Gastehuis gebruik maak. Mense is baie vriendelik en het die oulikste hondjies. En ons is veilige parkering gebied ook!

Gerieflik en netjies.

Gerieflik en naby bestemming. Hulpvaardige gasheer, baie netjiese en skoon verblyf. Lekker ontspannend.

Net 'n probleem met die water.

Daar was net 'n probleem met die water, het met gasvrou bespreek.

Baie netjies en het baie lekker gebly.

Ons het baie lekker geslaap en baie veilig gevoel. Sal dit definitief aanbeveel.

Ons het basies net geslaap. Die beddens en beddegoed was puik.

Die badkamers kort bietjie aandag, met betrekking tot waterinsulasie van die stortdeure, ens.

Gemaklike oornagverblyf, vriendelike ontvangs.

Gemaklike verblyf vir winter, heerlike ontbyt. Huisgeraas kan verminder. Televisie opvangs is swak.

Dit is die naaste aan om by die huis te wees.

Ek was met 'n glimlag ontvang en sonder moeite was my versoeke opgelos. Dit was die minste ontwrigting weg van die gerief van jou huis af. Nooit gevoel of ek in gevaar verkeer nie.

Uitstekende oornagplek langs die N1 met toesluit-motorhuis.

Die gastehuis is enkele kilometers van die N1 en maklik bereikbaar. Daar is ook 'n inkopiesentrum net om die draai met eetplekke en sowat 5km van die Casino waar ook eetplekke is. Privaatheid kan dalk party gaste pla, maar as oornagplek maak dit nie saak nie.

Baie oulike plek om te oornag.

Baie vriendelike mense en baie netjiese kamers. Word beslis aanbeveel.

Baie lekker.

Vriendelike diens en ontvangs. Baie lekker kamers. Dit was skoon en gemaklik.

Gemaklik, skoon en pragtige tuine en decor.

Die gastehuis is maklik om te vind, die tuine is beeldskoon en daar is baie plekkies om rustig te sit en die buitelug te geniet in privaatheid. Die kamers is verskriklik mooi en netjies. Parkeerplek is in 'n toesluit-garage. Ek het my tyd daar geniet.

Attention needs to be given to detail.

The accommodation was comfortable, but certain aspects such as cleanliness and hot water in the hand basin need attention. We arrived fairly late on 11 June (after 16:00) and I must say that the reception was disappointing. The microwave was dirty on the outside and the coffee table still had rings on from previous coffee mugs. Noticed the microwave on the 11th and when we returned on the 18th it still had not been cleaned. The hand towel was also not replaced with a clean one on our return journey.