Bergland Vakansiehuis

Relaxing and beautiful.

We had a lovely stay and Ina and Koos were such gracious hosts and always made sure we had everything we needed.

Fantastiese verblyf in 'n stylvol-gemeubileerde eenheid met mooiste see-uitsigte.

Dit was nou die lekkerste ooit! Ina is 'n besonderse gasvrou en het ons met aankoms bederf met die heerlikste platter. Daar was melk en water in die yskas en broodrolletjies en beskuit op die toonbank. Die akkommodasie is smaakvol ingerig met lieflike see-uitsigte vanuit die kamers en balkon, alles silwerskoon en daar is ekstra moeite in elke klein dingetjie ingesit. Absolute waarde vir geld, net jammer ons kon net vir 'n naweek bly. Maar ons kom beslis weer terug!

Onvergeetlik.

Dit is altyd lekker om hier te bly. Ina bederf ons altyd met iets lekkers. Die huis is pragtig en baie netjies. Dankie vir die gasvryheid.

Dit is 'n adres wat mens kan adverteer sover jy gaan!

Ons het heerlik gebly in die uiters smaakvolle eenheid waar mens Ina se hand in elke stukkie detail kan sien. Drie slaapkamer verblyf is moeilik om te bekom en Bergland Vakansiehuis bied die verblyf met soveel detail, netheid en gemak dat geen van die gaste in enige van die kamers afgeskeep voel nie. Baie dankie weereens vir die heerlike aandete met ons aankoms en dat ons vir die duur van ons kuier veilig, versorg en gemaklik kon bly.

Alles meer as perfek!

Die gasvryheid van was ongelooflik! Sy het ons verwelkom met 'n heerlike kaasplatter en 'n persoonlike welkomstekst op 'n swartbord in die woning. Sy het soos 'n mens se, "above en beyond" gegaan met alles. Sal 100% weer hier kom bly en kan dit net hoogs aanbeveel! Die uitsig op die see is pragtig en die woning self is wonderlik. Ons het ons tyd hier baie geniet!

Wow, wow, wow. Detail aan klein goedjies is gegee. Sal die plek beslis aanbeveel.

Ons het fantasties gebly! Die gasvryheid van die gasheer was uitsonderlik. Ons is so bederf. Baie dankie.

Top-klas veilige verblyf - sal nie teleurstel nie.

Beslis top-klas verblyf, sal enige tyd weer ondersteun en ander aanmoedig om dieselfde te doen. Op aankom was ons verras met heerlike eetgoed in die yskas, iets wat jy nie sommer by ander vakansiehuise of gastehuise kry nie, definitief 'n bonus! Die huis was pragtig en het alles wat nodig is, die seeuitsig is asemrowend. Kon eerlikwaar geen fout vind nie. Indien jy twyfel of jy hierdie vakansiehuis moet bespreek, hou op twyfel en bespreek dadelik!

Uitstekende diens. Baie goed uitgerus. Perfek geleë en goeie waarde vir geld.

Ons het baie lekker gekuier en gewerk in Bergland Vakansiehuis. Ina, ons gasvrou, het absoluut uit haar pad gegaan om ons verblyf aangenaam te maak. Uitstekende diens. Pragtige uitsig en so goed toegerus. Die plek is pragtig, skoon en baie goed toegerus! Bergland is definitief jou eerste keuse in Glentana.

Uitstekende verblyf, met 'n hele paar goeie verrassings wat op jou wag!

Wow, wat 'n aangename verrassing, vanaf ons aankoms tot die aand voor ons vertrek. Tannie is 'n besonderse mens, wat uit haar pad gaan om haar gaste tevrede te stel en dit so maklik laat lyk. Met aankoms die aand, was ons verras met aandete, asook al die nodige goed vir die volgende oggend se ontbyt. Alles was tot ons beskikking. Die huis is gerieflik, skoon, en alles wat jy nodig het. Die uitsig is asemrowend en die omgewing is rustig. Die strande is skoon, mense vriendelik en behulpsaam. Dit was een van die beste plekke wat ons al ooit gebly het. Weereens baie dankie, tannie.

Pragtige, gerieflike vakansieverblyf. Ons sal dit beslis aanbeveel.

Ons het 'n paar heerlike dae deurgebring by Bergland. Ina is 'n sorgsame gasvrou wat alles in haar vermoë gedoen het om die huisvesting goed in te rig en dit gemaklik vir gaste te maak. Sy het ons selfs verras met die allerheerlikse 'platters' met ons aankoms! Glentana is 'n lieflike vakansiegebied, en Bergland is lekker sentraal en naby al die mooi besienswaardighede in die Tuinroete geleë.

Alles en nog meer. Gasvrou 1000.

Wow! Ina jy is tops. Wat 'n wonderlike ervaring. Netjies, huislik, warm atmosfeer. Met aankoms word mens bederf met 'n ete en yskas vol ontbyt-goedjies, beskuit en letterlik alles wat benodig sou word. Soveel meer as wat mens verwag. Baie dankie vir alles Ina. Ons beveel Bergland Vakansiehuis sonder twyfel ten sterkste aan.

Pragtige verblyf en 'n wonderlike gasvrou!

Bergland is pragtig, netjies, skoon en ten volle toegerus. Pragtige uitsig, nie te ver van die see. Ina is 'n wonderlike gasvrou en het ons regtig bederf. Ons was ook altyd op hoogte gehou omtrent kragonderbrekings. Ons sal definitief weer van haar gebruik maak. Dankie Ina vir 'n heerlike naweek, ons het dit ongelooflik geniet.

Uitstekend!

Pragtig huis en smaakvol ingerig met meer as wat jy nodig het. Ina het ons verras met aandete en wyn met ons aankoms en kruideniers vir ontbyt. Lieflike uitsig en stil omgewing. Gastevrou van formaat!

Gasvryheid op 'n ander vlak!

Ons was bederf met 'n smaaklike ete met ons aankoms en 'n bederfpakkie met ons vertrek. Ons vlug was met 5 ure vertraag vanaf George na Jhb, maar Ina het sonder om te skroom die huis beskikbaar gestel vir ons om te wag, sonder enige ekstra kostes. Baie dankie vir 'n baie skoon huis met ons aankoms en al die bederf!

Dit was amazing.

Baie dankie vir al jou gasvryheid Ina, was skoon verras met die oulike plek daar is nie 'n ding wat nie aan gedink is nie, lekker koffies, beskuit, vars vrugte en die heerlikste hoenderpastei. Die kinders was te bly vir die WiFi. Ons sal beslis weer kom. Beste geriewe.

Prentjiemooi.

Baie dankie vir die onvergeetlike tyd by jul asemrowende rustige plekkie. Jul is die mooiste mense en jul moeite en liefde het so baie vir ons beteken. Dankie vir die heerlike kossies en moeite om ons tyd so gemaklik moontlik te maak. Ek verlang sommer terug, en ons kan nie wag om weer te kom kuier nie. Van die tuin, huis, diens en liefde was alles net perfek. Rus vir my siel. Vir die eerste keer in jare het ek dood geslaap en die mooiste prentjie oor die see gehad as ek wakker geword het elke oggend. Skoonste plek waar ek nog ooit was. Prentjie mooi. Baie baie dankie vir alles. Ons het dit vreeslik baie geniet.

Familiewegbreek oor die Paastyd.

Ons het al in vakansiehuise gebly waar die eienaars geringe moeite met detail doen en dan duur pryse vra. Nie by Bergland nie. Daar was aandag gegee aan die kleinste detail om alles te bied wat 'n mens by jou eie huis sou nodig kry - soos ekstra linne, skottelgoedseep, vars melk en brood en tot 'n ete by aankoms! Ina en haar man verstaan die woord "gasvry" en het rigtig alles in hulle vermoë gedoen om die plek gerieflik in te rig. Voorwaar puik en sal dit definitief aanbeveel.

Ons Paasnaweek by Bergland Vakansiehuis het gevoel soos huis, weg van die huis. Ina is 'n wonderlike gasvrou, sy het ons bederf met aandete, lekkernye en 'n heerlike ontbyt die volgende oggend, alles deel van haar liefde vir haar gaste. Die huis self is skoon, stylvol gemeubeleer. Die beddegoed en handdoeke is vars. Sien uit na heerlike warm storte of 'n ontspanne bad. Die huis het alles in en nog meer. Pragtige uitsig, vars seelug. Ons sal beslis weer kom kuier Ina, baie dankie vir jou wonderlike gasvryhei

Ons Paasnaweek by Bergland Vakansiehuis het gevoel soos huis, weg van die huis. Ina is 'n wonderlike gasvrou, sy het ons bederf met aandete, lekkernye en 'n heerlike ontbyt die volgende oggend, alles deel van haar liefde vir haar gaste. Die huis self is baie skoon en stylvol gemeubeleer. Die beddegoed en handdoeke is vars. Sien uit na heerlike warm storte of 'n ontspanne bad. Die huis het alles in en nog meer. Pak net jou klere en gaan. Pragtige uitsig, vars seelug. Ons sal beslis weer kom kuier Ina, baie dankie vir jou wonderlike gasvryheid en al die bederf. Groete, Malan-gesin Durbanville.

Fantastic! What a beautiful place, extremely well equipped and spoiled with tons of treats by the hostess.

Ina is the most amazing hostess. We have travelled globally and stayed in several AirBnB's but nothing can compare to the super time we had at Bergland Vakansiehuis. We had a family emergency and Ina was so supportive. You will love your stay!

Uitstekend.

Die huis is stapafstand van strand! See-uitsig uit elke kamer, huis het alles wat by jou eie huis is. Die Gasvrou gee uitstekende diens. Ons het dit baie geniet!

Wonderlik, opwindend en great.

Ons was ontvang met 'n lekker aandete. Ina en haar man is wonderlike, vriendelike mense. Ina het ons verras met geskenkies die Sondag. Ek sal enige persoon aanbeveel om hul vakansie by hulle te geniet.

Amazing host and stunning place!

We had the best stay ever, Ina takes such good care of her visitors and pays extreme attention to all the little things. We would definitely be staying over again and recommend Bergland Vakansiehuis to anyone looking for a relaxing getaway!

Ina was 'n fantastiese gasvrou wat ons so welkom laat voel het.

Bergland Vakansiehuis het als wat jy nodig het en nog meer. Dit is skoon en netjies en die feit dat jy wasgeriewe het maak dit nog meer gemaklik. Ons is bederf met hoenderpastei met ons aankoms en sjokolade met ons vertrek. Dankie Ina en Koos, julle is uitstaande.

Ons het die rustige kuier by Bergland Vakansiehuis verskriklik baie geniet!

Bergland Vakansiehuis is 'n pragtige plek met soveel aandag aan detail. Tannie Ina het ons so baie bederf en dít saam met haar gasvryheid het ons stomgeslaan. Ons sal beslis weer daar gaan kuier.

Rus en vrede.

Bergland Vakansiehuis was soveel meer as wat ons verwag het. 'n Ware juweel. Daar is meer as wat jy nodig het en alles was super skoon. Ina is 'n warm mens en het ons baie welkom laat voel. Ons beplan om beslis die jaar weer te gaan.

Dit was die heerlikste ervaring!

Huis is super netjies en skoon en Ina se attention to detail het ons bederf! Sy gee vir ons haar beste in alle opsigte! Stapafstand van die strand. Alle kamers gaan uit op die dek en het see-uitsig! Dit is my nuwe go to.