Bouganvilla Hibberdene Vakansie Woonstel

Wonderlik toegeruste woonstel!

Ons het heerlik by Hibberdene Vakansie Woonstel gebly. Woonstel was ten volle toegerus en het regtig niks kort gekom nie. Rustige omgewing, naby aan die strand! Sal defnitief aanbeveel.

Great value for money. Highly recommended.

Lovely place to stay at.

Rustige waarde vir geld.

Het 'n harlike ontvangs van die aangename eienaars ontvang. Die plekkie was mooi skoon en netjies. Dis ten volle toegerus en alles werk behoorlik. Die alarmstelsel gee daai extra gemoedsrus dat jou familie en goedere veilig is. Pragtige uitsig oor die see en die sonsopkoms was besonders. Lekker rustig gebraai op die balkon met die see se gedruis in die agtergrond - ware lafenis. 'n Aangename verrassing was die sowat 60+ walvisse wat hul opwagting gemaak het en ons hul kon dophou vanaf die balkon. Beslis waarde vir geld en 'n "huis weg van die huis". Sal Bouganvilla beslis aanbeveel.

Onbeskryflik mooi en rustig.

Dit was 'n ongelooflike mooi plekkie en het dit vreeslik geniet. Ons was so goed verwelkom en sal weer soontoe gaan. Dankie aan die eienaars - hulle is ongelooflike nice mensies, en ons het ons verblyf daar geniet. Die plekkie was goed toegerus en was op 'n uitstekende plek geleë. Ons sal dit altyd aanbeveel aan almal wat sou vra en ons sal beslis gou weer teruggaan soontoe. Lieflike mense en lieflike plek en ongelooflike rustige vakansie met baie nice stappaadjies af see toe.

Uitstekend.

Ons het werklik ons Paasnaweek wegbreek by Bougainvilla Hibberdene Vakansie Woonstel geniet. Ons is persoonlik deur die eienaars verwelkom en regtig spesiaal laat voel - iets wat baie skaars is deesdae. Die woonstel is baie goed onderhou en het 'n goeie see-uitsig (lekker om in die aand met die gedruis van die see aan die slaap te raak). Die woonstel self is goed uitgelê en is ten volle toegerus met alles wat jy nodig sal hê hetsy op 'n kort wegbreek of 'n lang vakansie. Daar is LED TV, DStv, DVD speler, Radio/CD-speler, wasmasjien, strand stoele, tafel en sambreel en lekker braai plek. Boonop is dit baie naby aan die "Blue Flag" Hibberdene hoofstrand (loopafstand) en dan die private strand reg voor die woonstel. Die sekuriteit is 'n groot pluspunt (veral deesdae) en laat mens net rustiger voel om te weet jou kar is in 'n toesluit motorhuis en daar is 'n alarm in die woonstel. Ons hele gesin het die verblyf regtig baie geniet en kan die woonstel beslis aanbeveel.

Fantastiese verblyf langs 'n privaat strand.

Ons was aangenaam verras toe ons by Bouganvilla Hibberdene Vakansie Woonstel ingeklok het. Die woonstel was ruim, netjies, volledig toegerus en beslis waarde vir geld. George (die eienaar) en sy vrou het ons persoonlik verwelkom, en ons sommer dadelik tuis laat voel. Die woonstel is 'n klipgooi weg van 'n privaat strand af; en slegs 1 km weg van die Hibberdene publieke strand en winkels. Beslis die moeite werd, veral as mens op soek is na 'n lekker rustige vakansieplek, weg van die warboel van die groter kus-areas.

Fantasties!

Teenoor ander plekke waarin ons nou al gebly het teen die kus, staan hierdie plekkie ver bo die res uit. Die netheid van die eenheid en die gasvryheid van die eienaars kan net nie vergelyk word nie!

Was baie lekker, sal weer bespreek.

Baie dankie George en Joey, dit was baie lekker.

Pragtige bekostigbare verblyf.

Alhoewel dit 'n 2 slaapkamer plekkie was, het ons dit nie eers agter gekom nie, dit was regtig baie netjies en ons het ‘n heerlike rustyd gehad!