Buffelskloof Boskamp

Net soos deurgegee.

Dankie julle, ons het heerlik gebly en die omgewing was rustig en stil en ons kon lekker rus. Willem is 'n uitstekende gasheer en betrokke by sy kuiergaste.

Die moeite werd. Vir elke ouderdom.

Ons het baie lekker gebly. Ons is besoek deur koedoes en njalas. Die kamplekke is ver van mekaar so mens weet nie van ander mense nie. Dit was wonderlik dat daar geen krag was nie. Die kinders moes met klippe, bakstene, sand en stokke speel, hulle het ook lekker boom geklim en het dit nou geniet. My dogtertjie van 6 was skoon emosioneel toe ons moes oppak om terug te ry. Sy wou nie huis toe kom nie. Die toilet met 'n view. Die stort onder die sterre. Die parafien donkie. Dit alles was iets wat die kids altyd sal onthou. Nog een ding. Willem was baie vriendelik en het uit sy pad gegaan om ons te laat tuis voel op sy plasie. Hy is baie besorg oor sy gaste. Die groot sinkplaat afdak by Koedoe kamp was ook 'n reuse bonus, ons kombuis en sitkamer area.

Lekker avontuur in bos vir kampers.

Heerlike rustige kamp. Ware avontuur. Gasvryheid uit die boonste rakke. Dankie.

Wat 'n heerlike ervaring!

Wat 'n heerlike ervaring! Geen krag, maar die kamp en badkamers word verlig met solar ligte. Alhoewel ons gewaarsku was teen slange en gehoor het daar is 'n luiperd op die plaas, soos by enige ander bosveld plaas waar diere is, was daar geen insidente nie en ons het veiliger gevoel as by ons eie huis in Pretoria. Die omgewing is pragtig en manne kon lekker langs die dam ontspan en lyne natmaak. Ons sal vir seker teruggaan, met ons kinders en kleinkinders.

Baie lekker rustig in die bos.

Kan dit oorweeg om 'n wasbak vir skottelgoed in te sit, en 'n wasbak in die stort. Vir die res was dit baie lekker.

Ontspanne omgewing waar jy die natuur kon waardeer.

Willem was baie behulpsaam en vriendelik. Hy laat jou gemaklik en tuis voel. Vredevolle omgewing met pragtige uitsig. Staproetes lei na mooi uitkyk met fasiliteite. Lieflike verskeidenheid van bome, groot rotse en kabbelende stroompje. Dit was 'n heerlike ontspanne lang naweek.

Excellent.

Excellent with fun and cleanliness.

Dankie vir 'n lekker naweek in die bos. Kampterrein is baie spesiaal vir boskamp, regtig net die basiese wat daar is. Dankie vir Willem wat altyd hulpvaardig was en altyd net wil help. Sal kamp aanbeveel, dit was 'n goeie wegbreek. Pragtige ligging. Baie dankie.

Terug bos toe ervaring.

Awesome!

Ons was in die bevoorregte posisie om vir 'n week lank te kamp by Buffelskloof Boskamp, Koedoe kamp. As jy na 'n boskamp ervaring soek, met 'n egte bos-stort en 'n toilet met 'n uitsig oor die Waterberge en die dorpie, Naboomspruit op die horison, is hierdie die plek vir jou. Hier teen die berg is vrede en rus vir jou siel, en 'n uitsig wat jou behaaglik laat sug en ontspan. Ons het die geleentheid gehad om die koedoes en nyalas te voer en hul teenwoordigheid elke middag te geniet. 'n Meer hulpvaardige en groothartige gasheer as Willem, die eienaar, gaan jy moelik vind. Hy het dadelik ingespring en gehelp toe van ons kamptoerusting die gees gegee het en hy het uit sy pad gegaan om te verseker dat ons tydjie onverbeterlik was. Sy gasvryheid en humor het bygedra tot 'n onvergeetlike ervaring en hy het ons op die hande gedra en behoorlik bederf. Die enigste nadeel was dat ons nie vir altyd kon bly nie. Baie dankie, Willem!

Wat 'n lekker plek!

Met bosse omring, diere wat om jou loop, 'n grondpad gebou vir 4x4 karavane en avontuur motorfietse en 'n eienaar wat regtig omgee vir sy gaste is dit een van die bestes wat ons al gedoen het met die groot fietse! Baie dankie Willem, ons kom weer.

Lekker stil en rustig in 'n regte boskamp.

Ons het Vrydag gearriveer en is na ons kamp plek vergesel. Willem het die aand opgedaag om seker te maak alles is in orde. Ons het hierdie keer by Koedoe kamp gestaan. Hierdie is 'n regte boskamp met net water, toilet met 'n uitsig, bosstort en afdak. Daar was genoeg hout vir 'n lekker kampvuur elke aand. Dit was die ideale geleentheid om ons veld toerusting te toets. Willem is ook besig om staproetes te beplan. Ons sien uit na ons volgende kamp.

In die natuur, doodstil.

Die naweek was heerlik! Kon wegkom van die stad en net weer rustig raak.

Lekkerste, rustigste plek!

Ons het 'n ongelooflik lekker ervaring by Buffelskloof gehad. Die Koedoekamp is besonders skoon en netjies. Willem is 'n fantastiese host, wat mens net só welkom en tuis laat voel!. Ons het klaar ons volgende kamp bespreek!

Great break from the city. Disconnect from technology and reconnect with nature.

We had a lovely break at Buffelskloof. Because I had no signal most of the time, I could really disconnect and enjoy the surroundings. It is recommended to bring games or a book along to avoid getting bored. We had no power, so we had to drive into town (10 minutes away) to get ice in order to keep our food fresh. Our Labrador had the best time swimming in the dam. It gets very hot, so we had cold showers often during the day. Overall we really enjoyed our stay. Willem and Josef are very friendly and will make sure you have everything you need.

As jy rustigheid vir jou siel wil hê, gaan doen die boskamp.

Die gasvryheid van Willem, die omgewing, die stilte, die bos - ons het dit vreeslik geniet - dit is vir mense wat die bos geniet en nie wil glamp nie. Ons sal verseker weer die kamp gaan besoek en weer so lekker kuier en stap en net rustigheid vir ons siele kry.

Baie rustig, ontspanne.

Die kamp was baie lekker, maar eers na aankoms is ons teen slange gewaarsku. Kon dus nie werklik die omgewing verken soos beplan was nie. Die badkamers was baie vuil. Ons moes dit self skoonmaak. Die asblikke het oorgeloop.

Diep in die bos - net jy en die natuur - sielsverrykend!!

Baie, baie, baie dankie Willem - dit was nou net wat ons nodig gehad het. Pragtige kampplek in 'n kloof met groot rotse, baie bome en heerlike stap paadjies - wat meer wil jy hê. Jou gasvryheid, reëlings en omgee het ons baie welkom laat voel. Die donkie is die beste! Ek wil nou ook so een hê - ons het na 'n warm stort heerlike brood in hom gebak! (Die donkie is 'n wonderlike ding). Ons kom beslis weer!

Rustig en ontspanne.

Ons het heerlik gekamp. Om vir 'n paar dae niemand te sien en niks te hoor nie, is fantasties.

Definitief een van die mooiste plekke waar ek nog gekamp het.

Die natuurskoon in die Buffelkloof Boskamp is regtig iets besonders. Ons was gelukkig om die hele kamp vir die naweek vir ons self te hê. Gereiwe is basies, water met 'n klein badkamer met twee spoeltoilette en twee storte en 'n opwas wasbak onder die afdak, maar dit is hoe ons dit verkies. Dit het gevoel of ons iewers diep in die bos is, want jy hoor net die veldgeluide die heeltyd terwyl jy daar is. Ons het die stilte baie geniet en het die heeltyd veilig gevoel. Daar is 'n lekker dam om in af te koel en ons kon ons vier honde ook saamneem. Die pad in en uit die boskamp is wel definitief net geskik vir 'n volbloed 4X4 veral as jy 'n swaar boskaravaan gaan saamsleep. Sal dit definitief aanbeveel vir enige kampeerders wat daarvan hou om tyd in die natuur deur te bring.

Rustig is wagwoord.

Sodra die toegangshek agter jou toemaak is jy in 'n ander wêreld, die daaglikse sorge agtergelaat. Willem laat jou dadelik tuis voel (boerseun). Ons het by koedoekamp gebly met basiese geriewe en dit baie aangenaam en voldoende gevind. Om daar saam met familie te kamp is 'n wenner want 'n mens kan ongesteurd kuier omdat die kampplek as geheel bespreek word. Dit was lekker! Sal weer gaan.

Absolute rustigheid.

As jy wil "off the grid" kamp, is Buffelskloof Boskamp die plek vir jou. Veilig, rustig en stil. Vriendelike mense en diens. Raak weg in die bos en ervaar die natuur.

Rustig, skoon, aangenaam, avontuur, opsies, gemaklik.

Ek en my man het met twee van ons vriende gaan kamp. Met die aankoms het Willem ons vriendelik verwelkom en na die kampterrein geneem. Ons was aangenaam verras - skuduryk, skoon, ruim braai-area. Daar was nie 'n enkele papier of selfs 'n beentjie by die vuurarea nie (ideaal as jy jou hond daar het). Ons het 'n paar keer in die dam geswem (skoon) en gaan draf/stap, daar is lekker paadjies. Alles wat 'n mens nodig het, twee identiese badkamers met 'n opwasarea. Een van die hoogtepunte was om na die uitkykpunt te ry. Baie mooi uitsigte en ideaal as jy jou kaasbord en 'n paar 'sundowners' inpak. Ons hond het dit net so baie geniet.

Ideaal.

Ons het Maandag by die kamp aangekom nadat ons in die reën gery het. Die reën het net lank genoeg opgehou om kamp op te sit. Die terrein het die reënwater goed gedreineer. Die kampterrein was netjies en skoon en daar was genoeg hout om die donkie elke aand te stook met genoeg warm water vir 'n oggend stort. Willem was nie op die plaas met ons aankoms nie, maar het alles gereël gehad. Hy het ons met sy aankoms ons verwelkom. Ons het van die wandelpaaie gestap en Willem het aanbeveel dat ons na die uitkyk punt ry. Die ongerepte natuur, stilte en rustigheid was net wat ons nodig gehad het. Ons sal beslis weer gaan.

Heerlike, rustige bos-ervaring!

Wat ’n ongelooflike naweek! Die eienaar het lekker kom kuier en so bietjie meer van die omgewing en sy planne rondom eko-toerisme gedeel! Gaan beslis weer kuier, nog mense saam vat! Maar maak seker jou voertuig is 4x4! As jy eers onder in die kloof is, moet jy weer bo kom! Geen selopvangs, tensy jy gaan berg klim! Kan nie wag om te sien hoe die spruite lyk na goeie reën nie!

Motorfietskamp-trip.

Lekker motorfiets-trip gevat. Excellent mense. Regte bosveldkamp, sal my en nog motorfietse weer sien. Dankie.

Dit was albsoluut fantasties - baie stil, netjies en mooi bosveld. Kon lekker gaan stap en die bos geniet.

Dit was werklik 'n wonderlike ervaring - in die bos met wild rondom die kamp. Het die rustigheid en stap baie geniet.

Baie vriendelike ontvangs vanaf die eienaar. Privaat, stil, goeie diens.

Koedoekamp is privaat met 'n warm stort (jy moet self water warm maak). Mag oor hele plaas stap. Wild kom tot in die kamp om te vreet, wildspille word voorsien.

Dit was fantasties, rou bos, geen krag, geen sein.

Net wat die siel benodig. Dit was fantasties. Pure bos. Lekker om “off the grid” te wees. Elke dag gaan stap, en saans lekker gekuier om die vuur. As iemand dink hulle wil gaan glamp, sleep dan jou boswa saam. Maar as jy wil kamp en rus kry, ek sal maklik daar gaan bly vir 'n week! Dis beeldskoon en kry opnuut waardeering vir natuur. Willem is baie vriendelik en het 'n fantastiese diens gelewer.

Heerlik gekuier op Buffelskloof.

Ons het heerlik gekamp by Buffelskloof Wild. Die kamp plek is naby genoeg aan Pretoria vir 'n vinnige naweek wegbreek en ons kon ons honde saam wat die beste deel was. Ons het die hele kamp vir onsself gehad en kon lekker saam met ons groot familie kamp. Ons sal definitief weer teruggaan.

Vriende en familie wegbreek.

Dit is 'n boskamp vir mense wat nie gepla is oor elektrisiteit nie. Perfek as jy nie tussen klomp mense wil kamp nie en jy jou sonpaneel en battery het om jou yskaste aan die gang te hou. Daar is 'n donkie vir warm water asook opwasplek vir jou skottelgoed. Die badkamer sluit 'n stort en wasbak en toilet in een vertrek in wat ruim is. Almal moet self skoonmaak na jy die badkamer gebruik het - wat nie 'n probleem is nie. Daar was genoeg skoon water. Ons het ons hond saamgevat en het heeldag by die dam gekuier en geswem en gebraai. Hout is voorsien vir die donkie en vir braai en Willem het vir ons 'n groot krat nartjies en aarbeie ook kom gee. Jy sal nie met 'n gewone kar by die opdraende sommer kan uitry nie, maar die pad is goed en nie 'n probleem vir 'n 4x4 nie.

Opwindend, salig, ontvanklik.

Aangenaam verras deur die rustigheid en natuuurskoon by die Buffelskloof Boskamp! Weggesteek in die kloof se inheemse bos het ons vinnig van alles anders laat vergeet. Die hoogtepunt was die donkie en warm stort in die netjiese en ruim ablusiegeriewe. Willem en sy gesin het ons hartlik ontvang en was opgewonde vir ons part om daar te kamp - met goeie rede! Wens ons kon langer bly om die dam en volle staproete te geniet. Sien julle vir seker weer!

Los hande die beste naweek weg!!

Willem en sy gesin het ons met ope arms verwelkom en gemaklik laat voel. Ware hartsmense wat voel soos goeie ou vriende. Die perseel is netjies, privaat, skoon en baie goed uiteengesit. My vrou was veral uiters beïndruk met die ablusiegeriewe. Waldu (Willem se seun) het ons op 'n staptoer geneem om die pragtige uitsig van die kloof se uitkykpunte beter te waardeer, 10/10 vir diens!! Onder 2 ure se ry vanaf Pretoria het verseker dat ons Buffelskloof gedurig gaan besoek, dit is die perfekte wegbreek vir paartjies en groepe. Sien uit om weer te gaan kuier, rus vir die siel op Buffelskloof!! Groete Louwrens en Leandri