Canyon Cottage

Fantasties.

Ons het ongelooflik heerlik gebly - pragtigste plek en net wonderlik.

Prentjiemooi ligging.

Fantastiese ligging, goed ingerig, heerlike familie kuier plekkie.

Vyf stêr akkommodasie in algehele afsondering te midde van pragtige natuurskoon.

Ons het ons verblyf terdeë geniet! Dis 'n uitstekende wegbreek uit die stad, en bied 5-ster gerief te midde van die wonderlikste natuurskoon en stilte. Die wandelpaaie word baie goed onderhou en mens voel veilig oral op die terrein. Ons hele geselskap wil baie graag weer kom en beslis vir langer bly. Ons kan dit aan almal aanbeveel.

Ons het die privaatheid en stilte baie geniet.

Canyon Cottage se ligging aan die einde van die toegangspad, in die kloof en tussen die bome maak dit ideaal in terme van privaatheid.

Dis 'n groot, ruim en baie mooi plek.

Was baie beïndruk met Canyon Cottage. Die watervalle bring 'n rustigheid. Sal dit definitief aanbeveel.

Snoesig en ontspannend.

Kombuis was 'n groot pluspunt asook die patio en hot tub.

Dit het alle verwagtinge oorskry. Die Canyon Cottage is in 'n skilderagtige woud met 'n bergstroom en watervalle geleë, dis prentjiemooi in herfstyd. Die huis is goed toegerus met genoeg kaggels, verwarmers en vuurmaakplek vir 'n koue wegbreek. Ons sal vir seker weer daar wil bly as dit ons beskore is. Dis uitstekende waarde vir jou geld.

Die Canyon Cottage was ons keuse om my vrou se 70e verjaardag saam met die kinders en kleinkinders te vier. Die naweek was ideaal omdat die herfsblare die omgewing met ekstra kleur ingekleur het. Die waterstroom met watervalle was 'n asemrowende belewenis. Die kinders het langs die water gespeel, fiets gery en blare opgetel. Die lieflike, ruim huis, het vir elkeen genoeg ruimte gebied. Die aande om die vuur en voor die kaggel sal lank onthou word. Ons het kosbare herinneringe saamgebring huis toe.

Pragtige ligging.

Die Canyon Cottage is pragtig geleë - die watervalle en dammetjies laat mens deel voel van 'n baie spesiale wêreld. Daar is genoeg spasie en hoekies vir 'n heerlike kuier saam met vriende.

Uitstekend vir 'n wegbreek van die stad en rustigheid.

Ons was baie beïndruk met die netheid en die geriewe wat beskikbaar was tydens ons verblyf. Die aandag vir detail was indrukwekkend. Die rustigheid van die water en die mooi natuur uitsig het ons onmiddellik laat ontspan. Die huis is privaat geleë en die buite jacuzzi was n verrassing. Ons kan nie wag om weer binnekort die Canyon Cottage te besoek nie.

Canyon Cottage is 'n pragtige huis in 'n pragtige omgewing. Kos vir die siel.

Daar was alles en nog meer om ons verblyf gemaklik te maak. Gemaklike beddens en beddegoed. Die kombuis het van alles uit die boonste rakke.

Ongelooflik.

Sal dit vir enige persoon aanbeveel.