De Kamp Gasteplaas

Aangename plaasgevoel.

Lekker gebly, heerlike plaasgevoel. Aangename gasvrou en -heer. Let wel, hierdie eenheid vorm deel van eienaar se plaashuis, nie losstaande.

Die stilte, die rustigheid, slegs die sterre en naggeluide in die aand was so lekker.

Die verblyf by Dekamp Gasteplaas was heerlik gewees.

Verblyf tydens blommetoer.

Het ons vooraf gekontak met aanwysings en inligting. Ons is baie vriendelik ontvang deur Lynette en Christo. Dit was heerlik om by hulle oor te bly en te kuier. Die plaas is pragtig en die eenheid is keurig gemeubileer. Hulle gaan uit hul pad om te sorg dat gaste gemaklik is.

Aangename gasvryheid en omgewing. Sal verblyf hier vir seker aanbeveel.

Baie vriendelike ontvangs. Alles netjies gewees, geen tekorte. Daar is ook 'n klein stofie en oondjie beskikbaar. Werkende plaas, te lekker om te hoor wanneer die skaap na die kraal aangejaag word. Goeie ligging vir blomme kyk. Heelwat blomme op die plaas asook in die omgewing. Naby Nieuwoudtville met sy blomme en waterval.

Lekker plaaskuier, nie te ver van alles.

Rustige verblyf op 'n skaapplaas. Die gasvrou is baie behulpsaam met raad en hulp. Pragtige tuintjie gemaak voor gaste-ingang en 'n lekker braai waar jy die sonsondergang kan bekyk. Alles wat jy nodig het, is met sorg beskikbaar gemaak. Lekkerste beddegoed.

Veilige en gemaklike verblyf in 'n pragtige omgewing.

Goed ingerigte oornagkamer op 'n werkende skaapplaas op die Kaapse roete na die Kgalagadi. Veilige omgewing. Lynette is 'n baie behulpsame en sorgsame gasvrou. Ons het baie tuis gevoel.

Bevoorreg om die plaaslewe te kan ervaar, ongelooflike gasvryheid.

Wat 'n voorreg om op 'n werkende plaas te kan oornag, die akkommodasie is pragtig en die gasheer en gasvrou het uit hul pad gegaan om dit vir ons lekker te maak. Ons sal beslis weer teruggaan. Ook naby aan verskeie dorpe en plekke om blomme te sien.

Gasvrye mense en goedtoegeruste kamer.

Ons het heerlik gebly. Alles wat mens nodig het, was in die kamer beskikbaar. Ons was veral dankbaar om vol DSTV-kanale te hê. Die gasouers was baie vriendelik en toegewyde gelowiges met wie ons lekker kon gesels. Ons het in reënweer aangekom en die 3,4 km plaaspad (grond) was baie glad en ons motor het baie gegly. Die gasouers het ons gehelp deur agter ons te ry om seker te maak ons sit nie vas of gly van die pad af nie. Dit was baie gerusstellend. Die gasteplaas is bietjie ver (15 km) van Vanehynsdorp af en moes ons 15 km in ry dorp toe en weer terug om by 'n restaurant te kom. Alles in ag genome was ons verblyf baie heerlik.