Die Geel Huis Guesthouse

Tuin is netjies en groot.

Vir oornag aanvaarbaar.

Gemiddeld.

Omdat ek op 'n sakereis was, was die onbeskikbaarheid van WiFi en die feit dat my Telkom WiFi glad nie daar kon konnekteer nie nogal 'n frustrasie. Die kamer het deur-en-tyd 'n klam reuk gehad.

Restaurant vir aandetes gerieflik op perseel.

Goed vir oornag doeleindes. Goed vir Nampo verblyf.

Die restaurant se kos was great. Die kamer het nie goed geruik nie. En die beddens baie ongemaklik.

Ons was geplaas in 'n kamer langs 'n kamer met baie mense in so ons het gesukkel om warm water te hê. Hulle was baie lawaaierig en ons kon skaars slaap vir 2 aande. Hulle het ook op dag 2 die ander bed in ons kamer kom kry om nog mense in die kamer langs ons te sit, ek het 6 volwasse mense getel. Alhoewel ons bespreek was vir 3 aande, het ons die volgende dag ons goed gepak en ander verblyf gesoek. Dit was baie teleurstellend vir die prys van R1100. 00 per nag. Die beddens was baie deurgeslaap. Die restaurant se kos was baie lekker.

Absoluut puik.

Personeel vriendelik, behulpsaam. Gerblyf netjies, rustig geleë en ruim.

Lekker gebly.

Kamer mooi. Badkamer stortvloer het gat in, water loop oor vloer. Geen melk vir koffie.

Not a great breakfast.

Room was ok, breakfast was not great.

Met aankoms was hulle nie eens bewus van ons bespreking nie.

Ons het toe 'n groter kamer met yslas gevat waar ons moes, wat ons verstaan het. Die kamer se badkamerlig het nie gewerk nie. Later toe ons wou stort was daar nie water. Etes was hulle nie voorberei gewees nie. Ons moes vra vir alles. Met ons laaste aandete kon die bestuurder nie eers gewag het dat ons klaar geëet het nie. Het ons sommer aan tafel kom sê ons skuld nog op die kamer. Ons was 'n groot groep mense en ek dink dit was onvanpas.

Duur vir wat dit is.

Ek het in kamer 15 gewoon vir een aand. My kamerdeur se slot het nie lekker gewerk nie. Hulle het my darem daarvan ingelig, so hulle weet van die probleem. Dit het my seker twee minute se sukkel gevat om die deur oop te kry. Die volgende oggend om van binne af uit te kom, het my seker vyf minute gevat van spook om die ding oop te kry. Wat as die gebou begin brand en ek kan nie by die deur uitkom nie? Die krane by die wasbak skok 'n mens op sekere tye. Hierdie het laasjaar ook gebeur by kamer 14. Plekke waar minder dringende verbetering gedoen kan word: nie 'n probleem vir my nie, maar het opgemerk dat die stort se vloer nogal glad is; die TV afstandbeheer se batterye is vasgeplak met sellotape; en die blindings laat lig deur en doen niks aan die klank van die trokke wat in die nag verby ry nie. Al goeie goed wat ek kan noem, is die groot bed en die lekker waterdrukking by die stort, en die ontbyt wat by die prys ingesluit was. Verder as dit was dit nes die vorige jaar wat ek daar gebly het, onaangenaam. Ek het weer hier gebly die jaar om hulle nog 'n kans te gee, maar sal nie dit aanbeveel nie.

Kos was nie van die beste nie, stort het gelek.

Ons aandete was nie great nie, pasta was oorgaar en steak rou. Die stort het water gelek.

Funksioneel. Heerlike ontbyt.

Harde musiek uit afleweringstrokkie vir 1 uur nadat ons gearriveer het. Eenheid 16?

Baie teleurgesteld.

Ontvangs was onvriendelik, en na 15:00 op Sondag geen staf meer beskikbaar nie. Restaurantpersoneel was vriendelik. Baie dinge kort aandag. Stortkop moet vervang word. Drie bedelaars het ons gepla. Eenheid kort 'n yskas. Blindings is stukkend en werk nie goed nie. TV en DStv is buite TV-kas met los an slordige drade. Moet DStv-afstandbeheer hoog bo jou kop hou anders sien decoder niks. Nie eers kerse of noodligte beskikbaar nie. Badkamervloer pal onder water. Iets lek. Geen WiFi in kamer.

Baie teleurgesteld.

Ons is baie teleurgesteld in Die Geel Huis. Toe ons daar aankom het die ontvangsdame nie geweet ons gaan kom nie. Sy het ons gevra watse kamer het ons gereël en of ons in 'n groot kamer of klein kamer geboek het. Ons het toe die sleutel gekry by haar nadat sy twee keer agtertoe was. Ons was in die kamer en het net vinnig deurgeloop en gesien die spieël in die stort is verskriklik vuil en daar is 'n reukie in die kamer. Ons het nou maar die spieël aanvaar en gedink dit is maar skoonmaakmiddels wat die reukie afgee. Na 'n gesukkel het ons die kamer se deur gesluit van buite af. Ons het toe Die Geel Huis verlaat en 11 uur die aand teruggekeer. Die kamer het toe verskriklik gestink en die reuk was toe baie erg. Ons het toe agtergekom die plafondak in die badkamer is gemuf en dit gee die reuk af. Dit het ook gereën, so dit kon die reuk erger gemaak het. Ons het die deur bietjie oopgelos en spuitgoed gespuit en gehoop die reuk gaan weg. Toe ons probeer die kamerdeur sluit aan die binnekant wou die kamerdeur glad nie sluit nie. Ons het toe gesien op die muur is daar ook vuil merke. Ons het toe besluit ons gaan nie daar slaap met die reuk en die deur wat nie kan sluit nie. Ons het voor 12 besluit ons gaan nie daar slaap nie en ander reëlings vir slaapplek gemaak. Ons het die wag op die perseel gebel en hy het gevra of ons nie 'n ander kamer soek nie. Ons het egter nee gesê, want as een kamer so vuil is en se deur nie kan sluit nie, gaan die res seker ook so wees. Ons het die wag die sleutel gegee en vertek.

Ons het net oornagverblyf gesoek. Dit het vir ons gewerk.

Ek sal weer daar oornag as dit nodig is.

It was a peaceful and safe night.

There were no sanitizers in the dining hall.

Goeie waarde vir jou geld!

Die Geel Huis is baie gerieflik geleë en die feit dat daar 24 uur ontvangs is beteken jy hoef nie bekommerd te wees as jy dalk bietjie laat sou wees nie. Die feit dat hulle 'n baie lekker ontbyt insluit maak dit baie goeie waarde vir jou geld. Die restaurant op perseel is baie gerieflik en maak lekker kos. Die kamer kort n bietjie aandag (die TV het nie gewerk nie en die blndings op voorste venster was gebreek) maar hulle het sommer vinnig daarna omgesien.

Rustig. Goeie etes.

Daar is egter geen mikrogolfoond. As dit selfsorg is waarom nie? TV het nie gewerk nie. Toiletbak lek aanhoudend. Diens egter goed en vriendelik. Skoon en netjies.

Okei.

Die kamers kan doen met 'n opgradering. Ons badkamer was nie baie aangenaam nie. Die plafon was oop. Sal definitief nie weer daar slaap nie.

Veilig.

Personeel was baie vriendelik. Het ongemaklik gevoel toe eienaar met ons in kontak was tydens ons besoek aan die restaurant. Daar was nie bedlampies nie en die badkamer kan opgeknap word.

Slegs vir oornaggebruik.

Die ligging en opset werk goed as mens 'n lang pad het en net oornag wil rus. Ek het al 'n paar keer hier oornag. Het die plek van eienaar of bestuur verwissel? Ons moes vroeg vertrek, voor ontbyt. Daar was 'n aanbod vir 'n ontbytpakkie (toebroodjie en vrug) wat ons aanvaar het, maar het nie verwag om hamburgers wat die vorige aand gemaak is te kry nie! Koue hamburger vir ontbyt?

Die Geel Huis het nie ons op hul lys as gaste vir die aand gehad nie, maar my volle betaling is afgehandel.

'n Bietjie liefde, aandag en belangstelling sal die plek baie goed doen.

Nie te sleg nie.

Die ekonomiese kamer se handdoeke is regtig nie op standaard nie. Kamer was skoon, maar deur sukkel om te sluit en oop te sluit.

Lekker geslaap en verskriklik lekker geeët!

Personeel maak 'n verskil, vriendelik en behulpsaam. Die kos is 'n treffer!

Goeie nagrus - heerlike ontbyt.

Naby aan Wolmaranstad, 800 m buite die dorp, reg langs die N12, heerlike ontbyt, baie vriendelike diens. sal definitief weer daar slaap.

Baie lekker, goed geleë en vriendelik.

Was baie lekker, dankie. Kamer baie lekker, gemaklike bed en aandete baie lekker.

Nie so heeltemal tevrede nie.

Beddegoed was netjies en skoon, maar res van kamer kort aandag. Die tafels en rakke is verwaarloos, die badkamerdeur is bitterlik vuil en kort 'n ordentlike skoonmaak en verf. Gordyne se hakkies is uitgehak of gebreek, maar nie herstel of reggemaak nie. Die lugverkoeler is geïnstalleer in die badkamer so die slaapgedeelte word nie baie koel nie. Die noodlig vir load shedding het nie gewerk nie. Die plafon in die badkamer skilfer af. Met 'n bietjie aandag sal die gastehuis met 'n geruste hart aanbeveel kan word.

Gemaklike en vinnige oornagstop.

Oor die algemeen tevrede met verblyf behalwe dat die pad so naby aan verblyf is. Vreeslik raserig dwarsdeur die nag. As jy nie oorpluisies het nie, sal jy glad nie slaap nie.

Swak!

Kontrakteurs maak gebruik van die venue. Geen beheer oor diegene. Laataand geraas. Nagwag antwoord geen oproepe en word as leuenaar volgende oggend uitgemaak na WhatsApp-boodskap deur myself na elf gestuur was! Kamers in swak toestand. Laminating vloere is afgeloop. Nie aanbeveelbaar!

Baie vriendelik en gasvry.

Sal die plek enige tyd aanbeveel.

Baie netjies en vriendelik.

Ons beveel die plek enige tyd aan.

Aangenaam en baie gasvry.

Een nag oorgeslaap op pad na Namibië. Personeel baie vriendelik en behulpsaam. Het sommer onmiddellik tuis gevoel. Heerlike komplimentêre ontbyt. Baie geniet. Kamer was skoon en netjies. Sal beslis weer gebruik en aanbeveel.

Baie goeie diens.

Van aankoms tot vertrek baie goeie vriendelike diens ontvang, almal hulpvaardig, restaurant maak die lekkerste kos en is bekostigbaar, sal vir seker hulle weer gebruik.

Ons kuiertjie by die Geel Huis was regtig baie lekker.

Mense kan gerus met vrymoedigheid oorslaap by die Geel Huis.

Rustig en veilig!

Die diens is uitsonderlik, en die personeel baie behulpsaam en vriendelik!

Dankie.

Ek sou dalk net ontbyttyd aanpas, indien 'n persoon vergadering in Wolmaranstad het op 'n Saterdag.

Gemaklik, netjies en ontbyt baie smaaklik.

Sien sterre.

Gemaklik.

Algemene goeie ervaring. Die kussings is net nie aangenaam nie.

Alles was reg dankie.

Alles was reg dankie. Niks meer nodig gehad nie.

Waarde vir geld, presies wat ons nodig gehad het.

Ons het net 'n oornagkamer nodig gehad, die kamer was skoon en netjies, lekker stort. Heerlike restaurant waarby ons kon gaan eet, en 'n groot ontbyt ingesluit by die prys. Definitief waarde vir geld.

Werkers is baie vriendelik.

Die kamer was netjies en skoon, die wag en kombuiswerkers was baie vriendelik en die ontbyt was heerlik.

Lekker gebly.

Kamer was skoon en netjies. Onderdakparkering. Lekker kos!

Baie aangenaam met lekker kos.

Die Geel Huis Guesthouse is beslis aan te beveel en goeie waarde vir geld. Ontbyt is ingesluit en baie goed. Die Geel Huis Guesthouse se kos is ook baie smaakvol.

Onder gemiddeld.

Teleurstellend. Waarde vir geld is swak. Geen WiFi. Geen bedlampies.

Redelik.

Baie vriendelike diens. Kos was geurig. Daar was geen wasbakprop nie. Stort se vloer is hol, voel of jy gat deur die vloer kan trap. Stort was nie baie netjies nie, ander besoekers se badbenodighede was nog in stort gewees. Muurprop by bed werk nie.