Die Perdestal

Overberg Wegbreek naweek.

Heerlike plattelandse plaashuisie met kaggel en uitstekende geriewe. Veilige parkering, die hoederhaan wat jou outomatiese wekker is, en saans die son wat sak oor die berge. Geen tyd nodig, net rus vir die siel. Baie lekker gebly.

Plaas akkommodasie van hoe gehalte.

Dit was ons 2de keer by Die Perdestal. Goeie kommunikasie van gasvrou, pragtige skoon verblyf met alles om jou verblyf gemaklik en gerieflik te maak. Daar was baie hout voorsien om mee te braai, asook om 'n lekker vuur te maak. Dit maak die huisie lekker warm en is gesellig om by die tafel te sit en kuier voor die vuur. Ons was bederf met baie ekstra goedjies soos 'n vars broodjie, konfyt en koeksisters. Dit was heerlik, baie dankie. Die Perdestal is baie gerieflik geleë vir daguitstappies na Waenhuiskrans, ook bekend as Arniston, en L'Agulhas. Die plaasdiere soos die perde, koeie, skape en varkies was 'n plesier om mee te kon interakteer. Ons het ons tyd op die plaas baie geniet, en ons sal weer teruggaan. Sonsopkoms en sonsondergang was pragtig. Ons kan Die Perdestal aanbeveel as uitstekende akkommodasie.

Peaceful, relaxed, comfortable, and somewhere you'll want to go more than once!

This cottage was perfect and I love that it's pet-friendly - my lab was welcomed as warmly as I was! The hosts are incredibly friendly, thoughtful, and really care about making your stay special. Everything you need has been thought about. And the bread, homemade and hand-delivered, was an extra-special touch (and delicious). The bed was comfy, the WiFi was excellent, and the peace and tranquillity on the farm was wonderful. Sitting on the stoep with a cup of coffee, watching the farm activities was a favourite spot, where you can't help but relax into 'country life'. It's close enough for a quick trip to town but you won't want to leave this place! I'll definitely be back.

Die Perdestal bied uitstekende akkommodasie op 'n plaas, jy sal dit baie geniet.

Die Perdestal is in Napier geleë, wat dit die ideale afskopplek maak om die omgewing te verken. Die akkommodasie bestaan uit 'n oopplan-area waar die sitkamer, eetkamer, kombuis en kaggel/braai-area is. Daar was opwasseep, waslappe en afdrooglappe by die wasbak in die kombuis. Die kombuis is toegerus met nuwe elektriese toerusting: yskas, mikrogolfoond, ketel, broodrooster, pragtige breekware en het alles wat jou verblyf gerieflik maak. Die eetkamertafel is net langs die kaggel/braai-area, wat dit 'n uitstekende kuierplek maak. Hout was voorsien, maar ons het ons eie hout saamgevat. Die eenheid loop uit op 'n groot stoep met 'n tafel en stoele om by te sit en te eet, as jy buite wil sit, of net om die natuurskoon te bewonder. Die deur vou heeltemal oop om die hele leefarea oop te maak. Jy voel amper jy sit buite, maar tog binne. Die slaapkamer het 2 enkelbeddens en 'n en suite-badkamer met 'n stort, wasbak en toilet. Handeseep was voorsien by die wasbak. Die stortkop kan dalk vervang word vir 'n lekkerder stortervaring en waterbeheer. Die gasgeiser het gesorg dat daar altyd vuurwarm water was vir stort en skottelgoed. Tee, koffie, suiker en melk was voorsien, maar ons het ons eie saamgebring. Gratis WiFi was beskikbaar en het lekker gewerk. Ons was bederf met 'n varsgebakte broodjie, botter en vyekonfyt wat die gasvrou self gemaak het, asook koeksisters in die yskas. Dit was heerlik en was so gasvry van die gasvrou om ons ervaring uniek en aangenaam te maak. Let wel: Die water kom uit 'n rivier en kan dalk bruin voorkom. Daar was wel 'n houer met drinkwater voorsien. Ons het ons eie gebottelde water saamgebring. Ons het ons naweek baie geniet en ons kan Die Perdestal aanbeveel vir 'n uitstekende ervaring, en ons is binnekort weer terug. Die akkommodasie is dierevriendelik en die hele area is omhein, wat maak dat jou hondjie veilig is. Jy kan ook jou motor reg voor die eenheid parkeer wat jou in- en uitpak gerieflik maak. Dit was 'n heerlike naweek wat ons nie gou sal vergeet nie.

Heerlike rustig om jouself te herondek.

Heerlik gebly met 'n lekker vuurtjie wat knetter. Enigste iets wat nie daar was nie, was 'n bottel oopmaker. Het 'n lekker tuisgebakte broodjie en vyekonfyt gekry. Heerlik!

Pure plaas.

Pragtige kothuis met al die nodige geriewe - en 'n ietsie ekstra vir die bederf. Die vars plaasbrood met botter en konfyt met ons aankoms was net wat ons nodig gehad het na 'n lang dag. Die huis is prakties en smaakvol gemeubileer. Die braaihout was ongelukkig nat, maar gelukkig is die dorp net 5 km ver vir Plan B.