Hallo Jacobsbaai

Uitstekende verblyf!

Die plek is beter uitgerig as 99% van plekke daar buite. Die gasheer het ons bederf met 'n JC le Roux MCC, klomp baker's koekies, 'n houer met lekkergoed en selfs 2 Lindt hasie sjokolades (Paasnaweek)! Totaal onverwags en dit word baie waardeer. Sulke klein goed maak 'n mens net spesiaal voel. Daar is 2 braaiplekke, buite vir kosmaak en 'n netjiese tuintjie met tafel en sambreel en binne vir warmmaak en atmosfeer. Die kombuis is uitgerig vir al jou behoeftes: 'n airfryer, groot yskas met vrieskasruimte, ketel, coffee pod masjientjie (en baie pods!), klomp aanmaakkoffiepakkies, heuningpakkies, sweeteners en selfs cappuccinopakkies. 'n Airfryer en induksiestofie word verskof vir kossies vinnig braai en bak. Daar was selfs netjiese showergel, seepies en conditioner shampoo uitgelê op die kamerlessenaartjie. 'n Klein haardroërtjie is daar vir dié wat dit benodig. Daar was swemhanddoeke, storthanddoeke en selfs badjasse! Ek het gevra of daar genoeg hout sal wees vir 2 aande en of ek moet saambring, toe verras hulle ons en verskaf hulle ons met ongeveer 30 groot stukke, met blits. Vir meer kan mens regtig nie vra nie. Dit maak die verblyf so gerieflik! Die moeite wat die gasheer doen is meer as by die meeste luukse hotelle. Alles was spotless en netjies. Ek sal definitief weer daar gaan bly. Hulle skep 'n nuwe standaard vir selfsorgverblyf waarvolgens ek elke ander plek sal mee vergelyk. Uitstekende verblyf!

Ons gaan weer.

Ons twee nagte verblyf by Hallo Jacobsbaai was baie aangenaam. Die eenheid is met meer as wat benodig word toegerus en silwerskoon. Ons ontvangs was hartlik en vriendelik. Ons is selfs verwelkom met 'n lekker bottel wyn. Dit was op ons weeklange toer van die Weskus die beste waarde vir geld verblyf wat ons gehad het.

Die verwelkoming was baie vriendelik en warm. Die eenheid was pragtig ingerig.

Ons het heerlik gebly, dankie.

Netjiese, skoon, goed ingerigte verblyf.

Puik verblyf! Goed ingerig, met soveel ekstras. Van die beddegoed, die handdoeke tot die koffie was alles van hoogstaande kwaliteit. Ekstras wat vir ons in die eenheid gelaat was het ons baie bederf laat voel. Die eenheid en buite area was besonder skoon en netjies.

Dit was uitstekend.

Diens was puik en die netheid van die verblyf sal maak dat ek weer terugkeer. Dit was regtig 'n plesier gewees om daar te bly.

Rustig, veilig, netjies.

Ons het hierdie blyplek vreeslik geniet! Alles was so skoon en netjies. Die gasheer het regtig baie moeite gedoen om te verseker dat daar enige iets is wat 'n mens moontlik kan benodig. Beslis 'n plek om weer en weer te besoek!

Aangenaam.

Ja, ons het baie lekker gebly.

Heerlik!

Heerlik. Die fynste aandag aan detail, soos 'n warmfles en piekniekmandjie, bordspeletjies in die kas, goeie gehalte koffie, 'n bederfie vir ons huweliksherdenking, vuuraanstekers, die hout reeds gepak in die braaier en 'n kruietuintjie vir vars slaai. Ek was aanvanklik teleurgesteld toe ek sien ons het nie 'n seeuitsig nie, maar die huisie is baie na aan die see as mens uitstap buitentoe, en die lieflike uitsig oor fynbos en voëltjies wat in die tuintjie kom kuier en bad, maak op daarvoor! Ons kon diep asemhaal in die stilte van Jacobsbaai.

Wow! Enige persoon se droom!

Die stilte en gasvryheid, plus netheid, gee ek 110%. Alles wat 'n mens nodig het, is tot jou beskikking. Die kwaliteit van meubels en linne is van die luuksheid wat 'n mens soek.

Op die nippertjie bespreek en die cottage was so netjies en gerieflik.

Baie vriendelike ontvangs en klein bederfies in die eenheid het dit spesiaal gemaak. Sal definitief weer kom kuier. Fantastiese verblyf!

Fantasties.

Die gashere het aan alles gedink tot in die kleinste detail. Die plek is pragtig en ons het 'n absolute fantastiese tyd gehad in luuksheid. Ek sal beslis terug wees en ander aanbeveel.

Beauty at it's best.

Jacobs Bay is and was a real treat away from home. There was everything that we needed and was really a comfy place to stay for a weekend. Everything was on the spot and nothing was out of place. Was really impressed by the beauty of it all, will be going there in the future again, but for a longer period of time. Thank you Steve for sharing your beautiful place with us, and you're doing a really good job.

Heerlik warm oorgeslaap in 'n koninggrootte bed. Die donsduvet en kussings was 'n lekker bederf.

Hello Jacobsbaai is een van die min gastehuise wat net mooi aan áls gedink het wat hul gaste mag nodig kry. Hulle het ook flitse vir gebruik tydens loadshedding. Dis keurig en netjies gemeubileer. Dit was lekker koud, so ons het die kaggel ook geniet. Weskusplek se hake en chips is ook definitief aan te beveel as jy in Jacobsbaai bly.

Amazing stay with an awesome host, Steven really went the extra mile.

Amazing comfortable Flatlet with great facilities and an amazing host. We were made to feel very welcome.

Goeie ligging, baie netjies en definitief aanbeveelbaar.

Ons was 2 nagte hier en dit was eintlik te min. Alles was perfek en daar was soveel lekker verassings in die huis wat mens nie altyd verwag om te kry nie. Die ligging is stapafstand van die see en baie lekker rustig en stil. Ek sal vir seker weer wil terug gaan. Baie dankie vir julle gasvryheid.

Dit was 'n heerlike wegbreek naweek.

Uitstekende akkommodasie, al ons verwagtinge oortref! Dit is 'n asemrowende plekkie, toegerus met alles wat jy nodig het en nog meer!

Uitstekende waarde vir geld.

Die akkommodasie was perfek vir ons. Dit was skoon, netjies en baie goed toegerus. Mens het niks gekort nie. Die ligging is uitstekend. Sal verseker weer van hulle gebruik maak.

Excellent value for money. Clean, safe and very thoughtful owners.

We enjoyed staying there, even the smallest item were thought of, umbrella, medical bag, shopping bags etc. A free bottle of wine, slab of chocolate and rusks were thoroughly enjoyed. I would just recommend getting DStv Extra view so that the flat can also watch DStv. We would definitely recommend the place and stay there again.

Lovely stay with lots of extra spoils and little details. Thank you.

See stars.

Vakansie in Jacobsbaai.

Ek sal ter eniger tyd weer gebruik maak van Hallo Jacobsbaai. Die diens en netheid was uit die boonste rakke. As ek meer as 5 sterre kon gee sou ek. Die varsgemaalde koffie was 'n treffer. Baie dankie daarvoor. Ons het voorwaar baie lekker gebly en heerlik ontspan. Die ligging is perfek naby aan die see vir heerlike wandelings langs die kus langs.

Beautiful little apartment with everything you need for a short stay.

Close to the beach and walks. At the back of the owner's property so no sea view. Extras such as coffee, tea and biscuits and wine and chocolate are a bonus. Very well-equipped and beautifully furnished. Thank you for putting in a gas cylinder during unexpected load shedding. Thank you for your friendly welcome.

Baie lekker en skoon woonstel.

Die eienaar het ons ontavng en het vir ons alles gewys. Ons was ook bederf met sjokolade en lekkernye. Goeie waarde vir geld en goed geleë.

The place is absolutely serene and beautiful. The living space is adequate for two people. Very comfortable and contains everything you need.

The owner of the place was very friendly and easy to speak to. The location is absolutely amazing. Peaceful, beautiful place with just what one needs to relax and get away from the everyday city environment. The accommodation is very comfortable and beautifully decorated. It's a short walk away from the beach. The location also seems to be perfectly suited for surfing. We really enjoyed our stay.

Skoon en baie netjies.

Sou graag see uitsig wou hê vanuit verblyf. Woonstel is pragtig en skoon, geen seeuitsig vanuit die verblyf.

Net die beste.

Eienaar doen baie moeite vir sy gaste. Sal weer daar bly. Pragtige plekkie. Lekker naby aan die see.

Uitstekend!

Hallo Jacobsbaai is 'n uitstekende plek om te ontspan. Hulle fasiliteit en diens is top gehalte.

Very pleasant. The owner went to a lot of trouble to make our stay comfortable.

A clean and comfortable cottage with a pretty harbour nearby.

Gasvry en baie netjies, kon lekker kaartspeel tydens beurtkrag.

Sien sterre.

'n Definitiewe aanbeveling vir 'n paartjie wat wil wegbreek en rustigheid en gemak ervaar.

Die eienaar was baie vriendelik en tegemoetkomend. Klein details in die eenheid gee 'n gevoel van waardering.

Rustig.

Pragtig en netjies, by die see.

'n Pragtige plek en "attention to detail" was ongelooflik!

'n Pragtige plek met 'n gasheer wat jou welkom en tuis laat voel. Daar is in al ons behoeftes voorsien en die "attention to detail" was ongelooflik!

Dit was wonderlik!

Lekker rustig, skoon en netjies met orderntlike toebehore en die klein dingetjies wat die gasheer gedoen het om die huisie tuis te laat voel.

Rus en vrede.

Baie skoon en netjies. Besondere aandag aan detail. Baie vriendelike gasheer. Die bottel wyn en sjokolade was 'n groot verrassing. Kan dit absoluut aanbeveel.

Baie welkom ontvang. Waardeer al die ekstra bederfies. Baie dankie Stephen en Freek.

Smaaklik gemeubileer. Netflix was lekker. Ligging effe teleurstellend, tog het ons heerlik uitgerus. Buitebraai nie baie vriendelik met geen beskerming teen wind en reën.