Kalahari Lion's Rest

Rustig en private net wat jy nodig het vir 'n wegbreek.

Kalahari Lion's Rest was wonderlik. Dit het my siel goed gedoen.

Oase vir moeë lywe in die Noord-Kaap.

Skoon, veilige oorslaapplek met vriendelike, behulpsame personeel/eienaars. Ons het dadelik tuis gevoel en was vinnig gehelp met 'n awesome eetplek 'n klipgooi van waar ons oorslaap. Kalahari Lion's Rest is in 'n stil buurt met die mooiste uitsig oor landerye waar mens voor jou kamerdeur kan staan en kyk hoe die son sak en die nuwe dag in die oggend breek.

Skoon en netjies.

Lekker oornag, skoon en warm verwelkoming.

Was baie lekker.

Ons het baie lekker gebly.

Heel goed vir oornagplek op reis.

Kamers is goed toegerus met alle nodige. Die hout afskortings (mure) kan sommige besoekers affekteer omdat jy kan hoor wat mense langs jou praat.

Die plek was goed, maar die eenheid was nie op standaard soos ons verwag het nie.

Die badkamer se krane was heeltemal los. Daar was seep gewees maar geen sjampoe nie.

Die gastehuis is 'n houthuis, so die kamers is nie klankdig nie.

Die plek word as B&B geadverteer, maar is nie. Ek sal ook nie sê dit is regtig selfsorg nie.

Dit was gerieflik, skoon en netjies met gawe en gasvrye mense.

Dit is gerieflik in 'n stil deel van die dorp met 'n pragtige uitsig oor die rivier. Ons sal weer van die plek gebruik maak as die geleentheid hom voordoen.

Wonderlik toegerus, netjiese, skoon, alles vir 'n moë reisiger.

Sal die plek vir enige iemand voorstel, gesellig met alles wat jy nodit het in jou kamer. Ek het anklaas by 'n plek oorgeslaap wat so goed toegerus was.

Gasvrou uiters bedagsaam en behulpsaam.

Alles perfek. Behalwe dat kamers nie klankdig is as gevolg van houtstruktuur.

Vriendelike ontvangs, ekonomies vir oorslaap.

Ontvangspersoneel het verskoning aangebied vir beurtkrag.

Plek word bemark as B&B, maar geen ontbyt word bedien nie. Geen dek of plek vir gaste om te sit en rustig wees nie. Sal beslis nooit weer daar oornag nie.

Nie baie goed ingerig op boonste verdieping vir gaste om te sit nie. Bietjie stof en spinnerakke op die lys bokant die stort. Kamer goed ingerig, net 1 gemakstoel in kamer vir 2 mense!

Dit was heerlik!

'n pragtige plek, Christal was bitter oulik en baie vriendelik en het selfs vir ons raad gegee waar om te gaan eet. Kamers is super netjies en skoon. Ek sal verseker weer daar oornag. Dankie Kalahari Lion's Rest, julle is puik!

Uitstekend, skoon, en netjies.

Sal graag 'n braaiplek op perseel wil kan gebruik.

Goeie ligging, heerlike kamer.

Ons het heerlik geslaap by Kalahari Lion's Rest tydens 'n vinnige besoek aan die Upington area. Ons het nie baie tyd by die slaapplek spandeer nie, maar ek kan definitief bevestig dat ons heerlik daar geslaap het. Die ligging is buite die hoofdorp en baie stil en rustig. Neem wel kennis dat dit 'n hout gebou is en as jou bure vroeg op is, gaan jy wakker word. Dit het ons egter nie gepla nie en ons het baie lekker daar gebly. Ons was baie vriendelik ontvang en het veilige parkeerplekarea gehad. Gaan bly gerus daar oor.

Net slaapplek nodig gehad vir een aan en dit was voldoende.

Ons het drie kamers bespreek en almal was redelik tevrede, maar een kamer het nie warm water gehad om te stort nie. Ons het dit nie gerapporteer nie want dit was vroeg in die oggend en ons het vroeg gery. Alles was netjies en skoon en gerieflik, maar die mure is regtig dun en jy kan almal hoor praat en loop. As dit nie vir dit was nie, sou die plekkie regtig baie goed gewees het. Maar baie dankie vir die vriendelike ontvangs en die lekker restaurant wat aanbeveel was. Ons het lekker gerus en dit is wat ons nodig gehad het.

Rustige familie kuier

Kalahari Lion's Rest was baie gerieflik geleë in 'n voorstedelike area - 'n hele ent uit die middedorp. Dit was baie stil en rustig. Die kamer en badkamer was gerieflik en ruim. Let wel dat dit 'n houthuis is en dat die hout wel raas en beweeg as mens daarop loop - nie vir ligte slapers nie, maar ons het heerlik geslaap. Die koffie-area was goed toegerus - ek het wel 'n mikrogolfoond gemis, maar dit was nie 'n probleem nie. Ons het heerlik gekuier en rustig geslaap. Ons motor was baie veilig agter die gebou en agter 'n elektroniese hek geparkeer. Die eienaar het ons baie vriendelik ontvang en ons op hoogte gehou van die beurtkragskedule.

Baie gerieflike, goed toegeruste en netjiese verblyf, sal beslis weer daar slaap.

Ons het die Augrabiese watervalle besoek, wat 'n belewenis.

Lekker en veilige atmosfeer.

Netjies en baie lekker plek om oor te slaap, waarde vir jou geld.

Baie lekker gebly.

Mooi plek en uitsig en vriendelikheid.

Gasvryheid van gasheer en gasvrou uitsonderlik!

Fantastiese king-sized beddens vir fantastiese nagrus.

Was nie baie lekker nie.

Jy kan elke woord hoor van die mense langs jou en bo jou. Als kraak wanneer jy of die mense langs jou loop. Jy hoor elke snork. Sal nie weer daar oorbly nie.

Dit was raserig.

Ek was vriendelik ontvang. Wanneer dit slaaptyd is, kan mens elke geluid hoor.

Voortreflik.

Baie beslis 'n bestemming wat ek met geruste hart aanbeveel! Chrystal het uit haar pad gegaan om ons verblyf aangenaam te maak. En sy het ons ook aanbeveel waar om lekker aandete te geniet!

'n Gerieflike, ruim slaapplek wat ek beslis sal aanbeveel.

Dankie vir die netjiese kamer en vriendelike ontvangs.

Skoon, bekostigbare oornagplek.

Ons het hier oornag op pad Weskus toe en het die verblyf skoon, netjies en bekostigbaar gevind. Ek sal dit enige tyd as 'n oornagbestemming aanbeveel.

Verblyf netjies en skoon, en goed ingerig. Stil area.

Effens steurend omdat jy heeltyd kan hoor wanneer gaste in aangrensende kamers gesels en beweeg.

Vriendelike ontvangs en netjiese fasiliteite. Ligging is baie goed.

Die uitsig is so mooi van die Oranjerivier. Baie netjies en ontvangs was baie vriendelik.

Vriendelik.

Die eenheid is gerieflik, die vloere beweeg net baie so as enige iemand êrens loop op die boonste vloer voel jy dit.

Sal dit nie aanbeveel nie as gevolg van hout struktuur.

Die akkommodasie is in 'n hout struktuur en die kamers is teen mekaar. Wanneer iemand loop op die houtvloer voel jy in jou kamer die beweging aan. Die klankdigting tussen die verskillende kamers is ook nie goed nie en jy kan hoor wat jou buurman praat en doen.

Nie sleg nie!

Geriewe is netjies en die ontvangs gulhartig.

Goeie verblyf en vriendelike ontvangs. Goeie ontbyt.

Sien sterre.

Fantasties.

Ons is goed ontvang, alles was skoon en netjies en als was in kamer wat mens nodig het. Die ontbyt was baie lekker.

Goeie verblyf met goeie diens.

Waarde vir geld. Goeie diens.

Pragtige houthuisvesting.

Hartlik en gul ontvang deur bekwame personeel. Veilige eie parkering en goed toegeruste kamer. Lekker groot bed. Heerlike ontbyt wat reeds in die prys ingesluit was. Goeie afslag gekry. Gasvrou kundig oor omgewing en puik restuarant aanbeveel. Sal beslis in die toekoms weer daar oornag.

Skoon, netjies en gerieflik met vriendelike diens.

Die kamers is baie gerieflik en skoon en het ons 'n heerlike nagrus gehad. Die ontbyt was heerlik en ek kan die akkommodasie aanbeveel.

Ons het heerlik gebly en geslaap, beddegoed spierwit en skoon en vars.

Ons het heerlik gebly en geslaap, die kamer het 'n pragtige uitsig oor die panorama van die landerye. Baie vriendelike diens gekry en ons sal verseker die lieflike plek aanbeveel vir ons vriende.

Regtig net vir oorslaap.

Die ontvangs was puik. Alles was netjies en skoon. Ons was vooraf bewus van moontlike geluide indien jy onder slaap weens houtvloere, so nie gepla nie. Dit is goed genoeg vir oorslaap vir die aand.

Baie skoon en modern!

Lekker gebly! Sal beslis aanbeveel vir ander.

Dit is 'n mooi plek en gerieflik ingerig.

Ons is baie vriendelik en hartlik ontvang. Daar word moeite gedoen om gaste tuis te laat voel en met raad en daad by te staan. Die kamers is goed ingerig en die ontbyt is heerlik. Ons het vroeg vertrek en het 'n heerlike ontbyt-/peuselpakkie vir die pad gekry. Kalahari Lion's Rest is van hout gebou en dit lyk so mooi. Ongelukkig is die mure papierdun. 'n Mens hoor elke tree, fluistering en asemteug van jou bure, en dit is nie baie lekker nie!

Ek het grotendeels baie lekker gebly.

Omdat die gastehuis 'n hout struktuur is, is dit minder privaat vir gaste, want mens kan alles hoor wat langsaan en bo jou aangaan. As ander gaste se doen en late nie pla nie, is hierdie werklik 'n heerlike plek om te bly.

Gerieflik, skoon, doeltreffend.

Ons is ontvang deur die eienaar; alles werk; gerieflik, skoon. Bekostigbaar.

Dit was vir ons albei baie aangename verblyf.

Ons was baie goed ontvang en die diens was baie goed. Dit was baie koud, maar ons het lekker warm geslaap.

Fantasties!

Heerlike ruim kamers, met baie vriendelike diens! Ons het baie vroeg gery die volgende oggend, toe pak hulle vir ons ontbytpakkies. Dit was so groot en het so 'n groot verskeidenheid kosse gehad dat ons die hele dag kon eet op die pad Hentiesbaai toe. Sal Kalahari Lion's Rest aan enige iemand aanbeveel!

Beslis waarde vir geld!

Baie vriendlike en behulpsame personeel baie goed ontvang. Plek baie netjies en skoon sal beslis vir iemand anders voorstel. Sal beslis weer terug kom. Net een ding wat ek persoonlik wil in die kamer hê is 'n microwave.

Veilig, skoon en baie vriendelike mense wat jou dadelik laat tuis voel.

Goeie waarde vir geld.

Heerlik ontspannend.

Die gasvrou en gasheer is baie vriendelik en behulpsaam.Ons het heerlik met hulle gekuier. Hulle het ons van 'n braaier voorsien sodat ons ons eie kos kon maak en selfs vir ons tafel gedek. Die ontbyt die volgende more is spesiaal vir ons vervroeg omdat ons 'n lang pad gehad het om te ry. Plus dit was 'n heerlike ontbyt.

Die rustigheid was wonderlik!

Ons het baie lekker gerus tydens ons verblyf. Die kamer was skoon en baie netjies en die nuwe bed was presies wat ons moeë lywe nodig gehad het na ons lang reis.

Stadse luuksheid met plattelandse gasvryheid

Dit was 'n wonderlike ervaring, baie skoon, luuks, met vriendelike gasvryheid. Lekker slaaplek en geriewe, heerlike ontbyt. Sal enige tyd weer gebruik en defnitief aanbeveel aan alle familie en kenisse. Baie dankie vir julle goeie verwysings,ons het heerlik geëet by BI LO bistro en Spice Route besoek soos aanbeveel, baie geniet.

Lekker en baie aangenaam.

Vriendelike, baie lekker en gerieflik.

Was 'n pitstop vir my ouers se verrassingsvakansie na Kgalagadi.

My ouers het heerlik gebly by julle, dit was hartlike verwelkoming, alles is goed georganiseer. Die ontbyt was heerlik. Baie dankie.

Dit was baie goeie diens, fantastiese ontbyt en sal beslis weer daar oornag!

Fantatiese diens! Beslis aanbeveel.

Heerlike oornagstop!

Dit is 'n relatiewe nuwe plek (Oktober 2016 opgemaak) dus is alles pragtig en netjies. Stil rustige area met pragtige uitsig. Glad nie bewus van enige verkeer nie. Kamers is baie gerieflik en smaakvol ingerig. Koffie en tee met beskuit was uitgesit en 'n 250 ml melk en 2 bottels water in die yskassie. 'n Heerlike ontbyt is die volgende oggend voorgesit op die tyd wat ons verkies het. Sal hulle beslis aanbeveel!

Baie rustig.

Baie netjies en die eienaars is baie vriendelik en behulpsaam.

Ongelooflike uitsig met die vriendelikste mense.

Ons het ons tydjie daar baie geniet. Die mense was so vriendelik en hulpvaardig. Dit was ongelooflik ontspannend vir ons klomp vriende. Sal beslis weer daar gaan bly.

Puik - baie vriendelike en effektiewe diens.

Dit was baie netjies, baie vriendelik ontvang.

Lekker oorslaap plek met baie goeie diens.

Sien sterre.

Skoon, netjies en vriendelike eienaars.

Die eenheid is baie ruim, skoon en netjies. Eienaar baie vriendelik en behulpsaam met aanwysings en hulp met restaurantkeuses. Ontbyt was ook baie lekker.

Bekostigbare en netjiese oornagverblyf.

Baie netjies en met goeie smaak ingerig. Lekker ontbyt ingesluit by die prys. Regtig goeie waarde vir geld. Enigste hindernis is die vibrasie van die vloer wanneer iemand in ander eenhede rondbeweeg, wat veral steurend kan wees ná slaaptyd, maar dis te verwagte van houtstrukture.