Kamas Plaas

Peaceful solitude.

Our stay of 4 nights was reduced to 3 after an emergency stop in Clanwilliam with a broken car. Ina and Elsie were very accommodating, offering to reschedule our whole booking if we couldn't get the car fixed. We ended up getting another car and checked in the next day. The house is lovely, comfortable, and very peaceful. We only had sheep for company as they wandered past the house. The WiFi was not working, but there was cell signal in the kitchen and outside near the 'boma'. We loved the quiet, and our dog enjoyed the space and running after the wildlife (birds and one hare, I think). I enjoyed mountain biking - there's enough space for a nice 25km loop along the fences and plenty more across the valley. There were a few bugs, so insect repellent is advised, but nothing serious. Nice walking too, although we missed the flowers by a few weeks, it seems. The last 5km of road is a bit sandy and rough in places but probably doable with a normal sedan, but not a low car.

Serene.

Private, peaceful and comfortable. Loved the scenery and all provided in the accommodation.

Heerlik gekuier in hierdie pragtige plekkie.

Pragtige, goed versorgde huis met alles wat jy nodig het. Pragtige plaas met die mooiste blomme.

Stilte en skoonheid.

Kamas plaas het ons siele gevoed. Oorverdowende stilte; net af en toe 'n skapie wat blêr. Verruklike omgewing. Vriendelike ontvangs deur Elise. Ruim plaashuis met alles wat 'n mens nodig het. Die asemrowende blomme 'n absolute bonus. Voeg die gekwetter van die talle voëltjies hierby en dis pure saligheid.

Heerlike blyplek in die Namakwaland.

Voorwaar 'n plek waar 'n mens kan rus, stap en blomme kyk. Die skaap-ooie met hul lammers is 'n bonuspunt. Hier kan jy sonsondergange geniet en al die sterre in die hemelruim bewonder. Die gasvryheid is fenomenaal en ek sal dit plaashuis, wat behoorlik toegerus is, aan ieder en elk aanbeveel. Baie dankie.

Fantasties.

Ons het die rustigheid en die skoonheid van die plaas en die omgewing baie helend gevind.

'n Plek om jou siel te voed.

Hierdie is 'n versteekte juweel wat oorval sal word met besprekings as dit ontdek word. Die huis is ruim met 'n asemrowende uitsig reg rondom. Die fotos kan nie reg doen aan die realiteit nie. Dit is met sorg, smaak en kwaliteit toegerus. As jy nodig het om te rus in stilte en afsondering en jou siel te voed op die natuur en sterrehemel is dit jou plek. Bespreek langer as wat jy dink jy wil bly. Daar is goeie WiFi opvangs (maar jy gaan nie werklik lus wees vir jou stadsgewoontes nie). Ons het in niks ontbreek nie. Redelike ent per grondpad, ons het dit met 'n sedan reggekry maar dit is nie wenslik nie, ry maar met ietsie hoër.

Baie goeie waarde vir geld.

Netjies gerestoureerde plaashuis 5km vanaf die hoof plaas werf op 'n werkende plaas. Gratis WiFi en sonkrag. Pragtige uitsig en lekker stapgeleenthede. Vriendelike en behulpsame gasvrouens.

Lekker gebly!

Skoon en alles wat jy nodig het. Blêrrie netjies! Ons het baie lekker gebly!

Ongelooflike natuurskoon op 'n pragtige afgeleë plaas.

As jy hou van stilte en rus, maar tog gemak soek, is dit die plek vir jou. Pragtige huis, pragtige natuur, lekker oefening om hekke oop- en toe te maak, wonderlike gasvroue. Baie lekker, baie dankie Elise en Ina!

Besonder keurige en skoon verblyf.

Die huis is smaakvol en baie goed toegerus. Die stilte is wonderlik. Die helderste sterre wat ons al beleef het.

Baie lekker

Die pragtigste huis, diep in die berge,ver van die hoofpad, maar absoluut die moeite werd. Ons is verwelkom deur 2 wonderlike susters van die Namakwaland. Sal beslis aanbeveel en self weer terugkom om langer te bly.

Kamas is 'n versteekte juweel.

Stilte vir die siel. Vriendelik, opreg, fantastiese verblyf, 'n huis weg van die huis. Liefdevolle mense, plat op die aarde baie dankie Ina en Elize. Julle sien ons definitief weer, het die stilte en plaas lewe baie geniet en kon lekker op die stoep sit of lê en sterrekyk, die sonsondergang op die eskarpment agter die huis het die mooiste uitsig en ons kon kyk hoe die sterre uitkom. Die huis is skoon en net en het alles wat jy nodig het om te ontspan, aande was daar lekker gekuier om die groot tafel met die binne braai. Kamas is werklik 'n besoek werd.

Uitstekend, rustig.

Sal weer daar bly en definitief vir 'n lang periode. Eienaars is baie behulpsaam en gasvry.

Pragtige, rustige plekkie in die middel van Namakwaland en baie goed toegerus.

Moenie afgeskrik wees deur die plaashekke nie. Dis 'n avontuur op sy eie. Dit was 'n heerlike kuier en nogal 'n lekker verrassing.

Lekker boere kuier.

Gasvryheid was uitstekend.

Stil, nagte op die stoep. Was pitkos vir my siel.

Heerlike, rustige plaasatmosfeer.

Vrede op aarde.

Baie dankie aan Ina en Elize vir hulle gasvryheid. Ons het gestap op die plaas as jy wil rus en vrede hê is dit die perfekte wegbreek Ons sal beslis weer hier tuisgaan, luukse verblyf op die plaas, nogmaals baie dankie vir 'n pragtige fasiliteit.

Baie mooi.

Die huis is goed toegerus, privaat en baie mooi.

Hartlike Namakwalandse-gasvryheid.

Ons gesin was die naweek by Kamas Plaas. Ons het die plaaspad na Kamas gevat, en ons kinders het beurte geneem om die plaashekke oop te maak. Ons is hartlik ontvang deur Elize. Liewe mens. Die huis is so mooi en baie goed toegerus met alles wat mens kan benodig. Die binnebraai en kuierarea wonderlik. Die natuurskoon is asemrowend mooi. Die enigste ding wat ons sal verander, is om volgende keer langer by Kamas Plaas te gaan bly.

Heerlike verblyf in 'n pragtige, skoon en netjiese huis.

Kamas Plaas is 'n prentjiemooi plaas met pragtige blomme! Die gasvrou het ons baie welkom laat voel.

A very pleasant farm stay.

Something to bear in mind is that the borehole water is brakish, so take your drinking water. We did, so no problem. There is no Eskom power. Their power comes from solar. Use sparingly.