Kleinerivier Cottages

Uitstekende verblyf in 'n pragtige omgewing met 'n vriendelike gasvrou.

Dit is werklik 'n uitstekende blyplek, volledig toegerus, die mooiste omgewing en die vriendelikste gasvrou. Ek sal dit vir almal aanbeveel.

Mooiste ligging, rustig en goeie waarde vir geld.

Daar is 'n kort grondpad tot by die eenheid, maar mens kan dit met 'n klein kar ry. Die eenheid het die mooiste uitsig en is baie goed ingerig met selfs vuurmaakhout. Beslis goeie waarde vir geld!

Fantastic farm for a quick stay or longer!

We loved the views, kind owners and well equipped cottage. This time it was just a one night stop over but we'll be back for longer next time!

Kan aanbeveel.

Baie lekker wegbreek, in 'n historiese interessante streek. Huisie was skoon en netjies, en die eienaars het uit hul pad gegaan om die kuierervaring lekker te maak.

Uitstekend.

Verblyf was uitstekend en was al die moeite werd. Ideale plek vir stilte.

Vriendelike ontvangs.

Rustige mooi omgewing; gemaklike verblyf - skoon en netjies; lekker warm stort. Ons het op kort kennisgewing bespreek om by Kleinerivier Cottages oor te bly en aangesien ek tydens die Tuinroete Camino saam met 'n groep vriende daar oorgebly het, was dit 'n natuurlike keuse. Ons was nie teleurgesteld nie en is hartlik ontvang deur die gasheer en gasvrou.

Oornag gebly.

'n Lieflike plekkie om 'n moeë lyf te laat rus. Veilig, rustig en skoon.

Uitstekende ligging, uiters netjies en silver skoon. Alle geriewe denkbaar voorsien.

'n Rustige, skoon en moderne kothuis in die stilte van die Langkloof Vallei wat alle verwagtinge oortref het.

Perfect farm sytle tranquil and peaceful, loved it.

What an absolute gem. We loved everything about our stay at Kleinerivier. The view over the valley was perfect and the peace and quiet just what we needed. Amanda and George went out of their way to assist us with fishing rods and the bass were given "tandpyn". Even using the "donkie" for hot water was great fun and added to the farm style of the cottage. I highly recommend staying at Kleinerivier Cottages, we will definitely be back.

'n Heerlike rustige plaasverblyf-plekkie in 'n pragtige omgewing.

Ek het my besoek baie geniet. Die kothuis beskik oor al die nodige fasiliteite. Ek wens ek kon langer gebly het. Op aanbeveling van die gasheer het ek 'n kort staproete gevolg. Dit was werklik iets besonders, die appelboorde, die natuurlike plantegroei, fynbos en baie veldblomme, voëllewe, ens.

Baie lekker plaasgevoel met baie netjiese geriewe.

Pragtig ingerigte huise met 'n lekker groot stoep vir kuier. Baie mooi omgewing en baie vriendelike diens van die eienaars. Die braaiplek op die stoep se kaggel trek nie goed nie, maar dit is al kritiek wat ek op hierdie oulike plekkie kan lewer.

Rustig, pragtig en vriendelik.

Mooi skoon kothuis, vriendelike mense ons so welkom laat voel. Rustig en mooi. Die beddens is ongelooflik lekker en sommer heerlik geslaap.

Cottage was cosy and comfy.

We were made to feel very welcome, fireplace all laid ready.

Most warm farm feel with a picture perfect view of the mountains.

We loved staying here and will definitely come stay again, definitely value for your money.

Ons het heerlik gekuier.

Die huisie is splinternuut en goed toegerus. Die eienaars het ons baie welkom laat voel.

Baie lekker gerus.

Stil en privaat op die plaas.

Oornagstop en route na Vrystaat.

Was mal oor die plaas atmosfeer, het gewens die braai was onderdak, as dit op daai manier beskut was sou ek dit gebruik. Die verblyf is prakties en netjies ingerig. Ek kan nie onthou dat die webtuiste aangedui het dis 40 km van die dorp af nie. Ek het dit nie verwag nie, sou elders bespreek as ek geweet het dis so ver. Maar die diens was puik.

Dit was 'n wonderlike ervaring.

Ons was mal oor die styl van die cottage en die pragtige hout het dit uitsonderlik gemaak. Op kort kennisgewing was ons geakkommodeer en die ekstra moeite was baie waardeer.

Rustige verblyf

Dit was baie rustig, gasvrye mense, pragtige omgewing!

Veilig, knus en heerlik stil.

Hierdie is 'n ware rusplek vir moeë reisigers. Ons kan dit sterk aanbeveel. Die gasheer en gasvrou maak seker dat hulle gaste goed ontvang word. Hulle sien ons weer!

Langkloof is pragtig maar koud.

George & Amanda is baie ’n spesiale gasheer & gasvrou. Hulle doen regtig ekstra moeite vir 'n mens. Plekkie is pragtig, ons het ongelukkig net slegte weer gehad, dus was dit maar koud. Omgewing is ongelooflik mooi. Dit was rustig en daar was nie geraas in nabyheid nie, iets waarna ons altyd soek. Baie dankie julle!

Pragtige en rustige omgewing met ongelooflike natuurskoon.

Pragtige huisie met al die nodige geriewe. Ongelooflike natuurskoon rondom die huis. Ons het lekker gerus en ontspan.

Dit was 'n voorreg om op 'n werkende plaas te kuier, wonderlike gasvrye mensies.

Amanda het n ekstra matras vir ons kinders gebring met lekker koekies en koffie. Kinders het vroeg oggend die beeste gaan melk voer. Wonderlike plaas verblyf. Ons gaan beslis terug.

Ongelooflike kos vir die siel.

Dit was beslis die beste keuse vir 'n Paasnaweek nog. George en Amanda is wonderlike gashere wat soveel trots in hulle plaas insteek. Die kothuis is pragtig, privaat en op 'n ongelooflike plek geleë. Toegerus met net die beste en natuurlik die vars plaasmelk en beskuit was 'n wenner. Ons het die eerste oggend die plaas te voet verken en die natuurlike skoonheid van hierdie pragtige omgewing waardeer. Dit was beslis nie die laaste keer wat hulle ons gesien het nie. Dankie vir 'n perfekte Paasnaweek vir 2 pasgetroudes.

Asemrowend.

Dis n wonderlike plek en ons droom huisie. Mense is ongelooflik gasvry en vertel jou presies hoe die appel boerdery werk toe ons vra. Wonderlikste bass plekkie laat hengel waar my vrou n rekord vis gevang het en my neus behoorlik daar in vryf????. Kannie wag om weer te gaan. Rustigheid en bosveld tv saans(vuur in boma) is regtig hemels met die karoo sterre hemel snags met stilte en wind deur die bome. 'n Moet-bestemming.

Baie rustige alleen plekkie ver van almal af.

Baie rustig gewees en dit vreeslik geniet na 'n lang dag se rondry in die Karoo, jammer dit was bewolk die aand wou so graag sterre afneem. Baie mooi skoon en alles was op hulle plek.

Farm fantastic.

Fresh air, farm-style experience was what we loved and owners George and Amanda were amazing hosts, always checking that all was well and sharing places of interest for us to visit. Wonderful, beautiful, thank you, it was worth every cent.

Aangenaam en ideale oornag-verblyf.

Die mense is gaaf en behulpsaam. Dit is regtig die ideale plek vir oornagverblyf. Dit sal net gaaf wees as alle oornagplekke so was.

Heerlike rustige wegbreek.

Netjiese kothuis in rustige omgewing. Lieflike plek om by weg te breek vanaf die stad. Eienaars was baie hulpvaardig en het ons selfs verras met vars melk, heerlike beskuit en koekies. Sal dit vir seker aanbeveel.

Pikante plaashuisie met 'n pragtige uitsig oor die plaas.

'n Lekker wegbreek van die besige dorpslewe. Het heerlik op die stoep gesit en bak in die wintersonnetjie. Skoon, netjies en bekostigbaar. 'n Verwarmer sal welkom wees in die winter en veral saans, maar danksy die elektriese warmkomberse het ons lekker geslaap! Huisie sal heerlik koel wees in die somer. Dankie vir die koffie, beskuit en lekker vars melk!

Jou eie huisie op die plaas.

Baie privaat. Bitter skoon. Vriendelik. .

Lekker huisie op die plaas.

Ons was in die kontrei vir 'n troue en het baie lekker gebly. Amanda het vir ons melk, koffie, beskuit en koekies reggesit en die beddens het warmkomberse wat heerlik is. Daar is ook braai hout en 'n lekker stoepie vanwaar mens die sneeu op die berge kan sien terwyl jy na die plaasgeluide kan luister. Lekker vir 'n naweekwegbreek!

Rustig op die plaas.

Ons het lekker gekuier. Die huisie is goed toegrus en ons gashere het onmiddellik gehelp met versoeke en is baie vriendelik. Baie privaat, perfek vir lekker rus!

Uitstekende akkommodasie!

Ons het die verblyf by Kleinerivier aangenaam gevind. Volpunte! Alles is mooi skoon en netjies, uitstekende ligging, stil en landelik. En ons het 'n vriendelike ontvangs gehad.

Cosy, warm, comfortable, well-equipped cottage in pleasant, quiet surroundings.

Cosy cottage on a working farm. Well-equipped and comfortable, warm fireplace inside with firewood provided. Perhaps it would be a good idea to include GPS coordinates on the booking confirmation.

Ideaal vir twee mense.

Ons het die twee dae baie geniet.

Baie vriendelik ontvang. Alles wat mens nodig het was beskikbaar. Baie aangename verblyf.

Ten spyte van die koue het die Martins die verblyf baie aangenaam gemaak deur selfs moeite te doen om warm komberse en elektriese komberse te voorsien. Werklik 'n aangename belewenis. Baie dankie.

Neat, quiet and peaceful surrounds, kind and caring owners.

A delightful stone cottage in the middle of a farm. Quiet surrounds and privacy. It was a delightful experience having a herdsman taking the flock of sheep past the cottage. The cottage was sufficiently equipped, clean and neat with a few nice touches, like fresh milk in the refrigerator and more than enough firewood. The owners were most accommodating and helpful. We did have slight problems in finding the place and a few signposts from the main road might help. Make sure that you stock up on groceries etc before Noll's Halte. It is a tiny place with only basic provisions.

Wonderlike waarde vir geld in ’n rustige plaasomgewing.

Die kothuis is fantasties toegerus en het alles wat mens nodig het — selfs plastieksakkies vir oorskietkos. Dis klein deurdagte dingetjies soos dié wat prys en danksegging verdien. Ons kon boonop net die vuur aan die brand steek — die houtjies was reeds met ons aankoms gepak! Die ontvangs was besonders vriendelik en Amanda was deurentyd net 'n e-pos of oproep ver. Die ligging is ideaal vir ’n rustige wegbreek en dat die TV nie tydens ons verblyf in die kothuis was nie, het ons glad nie gepla nie. Die uitsig oor die Langkloof is lieflik. Die plaas is naby die grootpad vir maklike toegang, maar ver genoeg weg sodat die geraas van motors nie gehoor kon word nie. Ons kan Kleinerivier Cottage ten sterkste aanbeveel. Dis regtig die perfekte plek om op die R62 te oornag of selfs om vir langer aan te bly.

Ideale plek waar mens rustig kan wees en ontspan in stilte.

Kleinerivier Cottage bied meer as wat mens verwag of vra; lekker plaas stilte en rustigheid, mooi voëlgeluide en selfs skaap geblêr in die verte. Die eienaars is gasvry en hulpvaardig en bederf mens ook met 'n plaasrit na die dam en uitkykpunt met fantastiese uitsig. Vleisbraai onder die sterrehemel was wonderlik en mens kan ook vuur maak in die herd binne die cottage gedurende die winter. Indien ons die lewe behou, gaan ons beslis weer kuier.

Rustige verblyf in 'n netjiese en goed ingerigte kothuis.

Ons het heerlik vuur gemaak en gebraai binne-in die vuurherd, en gewens ons kon nog 'n dag bly! Baie vriendelike en gasvrye ontvangs, baie dankie. Ons sal dit sterk oorweeg om weer van die verblyf gebruik te maak, baie dankie.