Leeuriet Gasteplaas

Rustige kuier.

Die huis is ruim, netjies en baie skoon. Die landskap is pragtig en goed vir die siel.

Stil plaashuisie in die veld.

Ons het heerlik gebly op leeuriet! Plaashuisie in die middel van niks en nêrens. Doodstil met net 'n paar skape vir geselskap. Ons het met 'n motorfiets gegaan, so pakplek was min, maar ons het al die geriewe wat ons nodig gehad het daar gekry, selfs hout en blits. Daar is wel nie krag nie, so vat maar 'n battery bank saam. Ons het in die veldhuisie gebly en ek sal dit vir enigiemand aanbeveel.

Heerlik stil, rustig, vreedsaam op die plaas. Mooiste sterre!

Heerlik gebly op die plaas. Die lekkerste vleis kon koop op die plaas om te braai! Dankie. Lieflike groot plaashuis op 'n werkende plaas. Binnebraai was gerieflik om te braai in die aande. Tina is baie gaaf en het al ons hordes vrae beantwoord. Ons kon rondstap op die plaas. Ons het seker die meeste vir Jackie, die hondjie, geniet! Hy is te dierbaar! Ons sal beslis weer wil kom indien ons in Nieuwoudtville wil wees. Moet by sê, jul bed het heerlik geslaap! Geen selfoonsein, maar ingeval van nood kon jy WiFi by die plaasopstal gebruik. Dit het ons geensins gepla!

A very comfortable and pleasant 3 days.

The Veldhuisie was well equipped with everything needed for a comfortable self-catering stay, in a safe and pleasantly isolated environment. Everything was tidy, clean, and fresh. Warm, sunny, slightly breezy weather was perfect for 3 days over August/September. The outdoor shower was great just before sunset with the warm sun shining through the plastic shelter, as was the outdoor braai under the stars. The last 2 km of road to the Veldhuisie is best with a high clearance vehicle, but with a little road engineering, our Camry got in and out a couple of times well enough. Our host and hostess were both most welcoming and helpful.

Ons het gekry wat ons nie geweet het ons kort nie.

Toe ek vir akkommodasie gesoek het, was ek so bekoor deur die mooi foto's dat ek nooit die beskrywing van die Veldhuisie gelees het nie. Groot was my verbasing toe Tina, die gasvrou, vra of ons reg is vir 'n paar aande sonder elektrisiteit en selfoonopvange. Net so groot was Tina se verbasing dat ek geen idee van die spesifieke details gehad het nie! Vol valse bravade het ek haar egter verseker dat dit heeltemal in orde is - ek is immers 'n rowwe, growwe man en sal maklik kan klaarkom sonder die luukshede van die normale samelewing. Met 'n paar sakke hout, battery-lampies en aanwysings het 'n simpatieke Tina ons die wildernis ingestuur. Die Veldhuisie was letterlik in die middel van nêrens. Daar was inderdaad geen elektrisiteit nie, en my selfoon kon nie eers 'n noodoproep maak nie. Die enigste teken van beskawing was 'n windpomp so entjie weg. Ten minste het alles gelyk soos in die foto's. Dit was sterk skemer teen daardie tyd en bitter koud, so ek het dadelik 'n vuur gemaak in die groot kaggel/braai. Na 'n lekker warm koppie koffie danksy die gasketel en 'n knetterende vuur in die kaggel, was ons warm en oor die ergste skok. Na 'n gegiggel oor hoe ek redelik belangrike inligting misgekyk het, het die totale stilte en rustigheid van die Veldhuisie en omgewing tot ons deurgedring. En dit was lekker! Maar die grootste verrassing sou bietjie later kom toe die natuur letterlik en figuurlik roep en ons na die buite-toilet toe moes stap: dit was so donker dat wanneer mens jou oë toemaak, daar geen verskil is nie. Totdat jy opkyk en begroet word deur die mooiste, duidelikste en meeste sterre wat jy nog in jou lewe gesien het. Dis so duidelik dat mens die Melkweg kan sien! Ons het met ons koppe agteroor gestaan en kyk na die skouspel totdat die koue en seer nekke ons oorreed het om weer in te gaan. En dis waar ons besef het dat ons nie die enigste inwoners van die Veldhuisie was nie - teen die muur was 'n akkedis so groot soos my hand wat ons nuuskierig aangestaar het. Ons het teruggestaar - wat anders kan jy doen? Ons is immers in sy omgewing! Hy het naderhand vrede gemaak met sy nuwe kamermaats en is terugdak toe om te doen wat akkedis doen. Later die aand sou ons dieselfde ervaring hê met 'n vreeslik oulike veldmuis. Ons het die aand aan die slaap geraak in 'n bed met kraakvars lakens, warm kole wat gloei in die kaggel, en stilte en rustigheid om ons. En 'n akkedis in die dak. Die Veldhuisie het ons vir 'n paar aande laat ontsnap van die lawaai en gejaag van die samelewing. Dit was so lekker om te kan fokus op mekaar sonder enige inmenging van selfone wat biep of TVs wat lawaai. En as mens so onder die sterre staan en jouself verwonder, voel al jou probleme en bekommernisse baie ver weg. Dit was regtig 'n ervaring wat ons nie besef het ons kort nie.

Was fantasties om die oggend in so 'n pragtige omgewing te beleef.

Tina het kom inloer en ingelig oor huidige verwikkelinge in die Noord-Kaap wat baie insiggewend was. Haar kort kuier was spesiaal en ons welkom het ons entoesiasties laat voel.

Lekker rustige plaas ervaring.

Lekker gebly, ons was ongelukkig te vroeg vir die mooi blomme in die omgewing. (middel Aug 2024). Meeste reën het in Julie geval en dit was nog nie warm genoeg nie, maar ons sal definitief weer terugkeer!

Rustig en gasvry.

Wonderlike oorstop! Ons is baie gasvry ontvang en het die stilte van die plaas baie geniet.

A rustic century-old farmhouse being restored gave us a wonderful insight.

We enjoyed our stay.

Agesonder onder 'n fantastiese sterrehemel, voortreflik.

Ons het die afsondering in die veldhuisie baie geniet.

Delightful rustic accommodation.

Delightful rustic accommodation on a farm. Three of our party enjoyed the farm feeling, but one felt it was too rustic. A grab handle in the shower would be a plus.

No words, did not enjoy my stay, and cut it short.

Did not like the place or the hosts, they need to learn about hospitality service, the client is first and don't just start a place just because you're in a popular destination.

Comfortable, peaceful, clean and beautiful! Highly recommend.

Such a lovely comfortable stay in a tastefully decorated original farm house. Great Karoo hospitality and plenty of space to walk and enjoy the fresh Karoo air, big skies and great birding too! We enjoyed beautiful Karoo lamb from the farm on our braai, with a view of a beautiful sunset and later, a sky full of stars. A memorable stay!

Ideaal vir iemand wat wil wegkom van die stad se gewoel. Vriendelik ontvangs.

Gas toerusting maak jou onafhanklik van Eskom. Geen internet en selfoon sein is net 'n bonus op totale wegbreek van die stad.

Ons het heerlik gekuier in die groot plaashuis.

Tina het ons dadelik tuis laat voel en sy en Jacques het graag hul kennis van die omgewing met ons gedeel. Die huis is baie goed toegerus en ons het aan niks tekort gehad nie. Sal vir seker weer by Leeuriet oorbly as die geleentheid hom voordoen.

Blomme besoek.

Tina & Jacques is die mees gasvrye mense. Hulle het ons met ope arms en harte ontvang. As jy opsoek is na 'n wegbreek, dan is Veldhuisie vir jou. Perfek vir 2 mense, hier sal niemand jou pla nie. Geen opvangs wat beteken jy skakel behoorlik af. Ons het dit gebruik as 'n basis vir blomme kyk in die area.

Pragtige plek, veral nou in blomseisoen.

Heerlik gekuier in die rus en vrede van Leeuriet. Pragtige plaas. Braaiplekke agter op die stoep, heerlik beskut, kon lekker daar kuier ten spyte van die koue. Tina is 'n gawe gasvrou, sommer met inligting van die omgewing ook!

Pragtige plaas, gasvrye eienaars.

Oupa se huise is gerieflik ingerig met als wat noodsaaklik is.

Ons het die verblyf by Leeuriet baie geniet.

Die huis is skoon en netjies en ruim en het alles wat mens nodig kan hê. Ons is baie vriendelik en hartlik ontvang en ons sou graag nog langer wou bly. Ons beveel Leeuriet aan vir een en almal.

Baie lekker gekuier op die plaas. Dankie aan Jacques en Tina vir hulle gasvryheid.

Die plaashuisie is pragtig gerestoureer!

Netjiese, stil verblyf naby blomme.

Tina is gasvry en gaan uit haar pad om in ons behoeftes te voorsien. Dis veilig op die werkende plaas. Die plaaswerkers is vriendelik. Dis 'n groot plaashuis met sonkrag. Ek is langer as 1.8 m en slaap ongemaklik op 'n bed met 'n hoë voetenent.

Stil en rustig.

Tina het moeite gedoen om seker te maak dat alles reg was tydens die 2 dae wat ons daar tuis was. Baie dankie vir jou gasvryheid, Tina.

Lekker plaasatmosfeer.

Het in Springbokhuisie tuisgegaan. Heerlik ruim met alles wat nodig is. Die dubbelbed kan gerus stywer wees, want ons het pal na die middel bly rol.

Die Veldhuisie is nie vir die winter nie.

Ons het die Veldhuisie bespreek wetend dit het 'n buite-badkamer. Ons het baie gehou van die ou huisie met nog die vuurherd binne. Stofie met lekker groot yskas en goeie bed, maar, die badkamer - skadu-netdak en seile twee kante. Ons eerste dag was stormagtig met sterk wind en reën en dit was natter in die badkamer as buite. Dit is net nie bruikbaar in slegte weer nie. Regtig jammer, want ons was mal oor die afsondering en die stilte.

Stil en rustig.

Was interessant, kan doen met 'n bankie of stoele vir buite sit.

Very very cold (No heater nor doors in rooms and leaking roof).

New establishment and has "teething problems" which is understood and should thus be priced a lot cheaper! Also no Wi-Fi or cell phone reception.

Authentic farm stay in the perfect setting.

House is well equipped and the combination of solar, gas and generator energy caters for all one's needs. The location is within easy reach of all the must see attractions in the Nieuwoudt area and would be special at any time of the year and not just the flower season. Highly recommended. Being able to walk in the veld on the farm enabled one to experience the environment in the best way possible.

Well-equipped and spacious.

The Leeuriet house is well-equipped and very spacious. We were able to go for walks on the farm. It was far enough off the road to feel like a farm stay but close enough to Nieuwoudtville to make visiting the spring flower attractions easy.

Wonderlik! Wens ons het langer gebly.

Groot, ruim en pragtige huis. Baie spasie en vriendelike mense. My seun het in die hoofhuis se tuin gaan sit en werk aangesien hy internet nodig gehad het. Die feit dat ons geen sein by die huis het nie het ons nie gepla nie.

Vrede rustigheid en kalmte.

Het die verblyf terdee geniet, alles was skoon en gerieflik. WiFi is egter beperk en net by die hoofhuis beskikbaar so indien dit belangrik is vir mense, mag dit 'n probleem wees.

Baie lekker.

Vriendelik ontvang. Huis was baie netjies en skoon met alles wat ons nodig gehad het vir ons verblyf. Die sonkragstelsel en hoe om daarby in te pas het 100% gewerk en geen ongemak of probleme gegee nie. Tina en Jacques is werklik aangename mense. Ek sien uit na julle kampplek wat gereed moet wees teen volgende blommeseisoen.

Gerieflike plaaskuier wat gerus langer as oornag kan wees.

Jacques en Tina is hartlik en gasvry. Alle geriewe is beskikbaar, skoon en netjies. Leeuriet is beslis ook 'n gesinsbestemming.

Baie goeie verblyf!

Dit is die ideale verblyf vir 2 of 3 paartjies. Uitstekende kombuis en kamergeriewe. Heerlike spasie!

We enjoyed our stay on the farm. Very peaceful.

House on solar power. Generator power from 18:30 to 21:30 and on morning of our departure for ladies to use a hair dryer. Good amount of crockery and cutlery. Bed in main bedroom not comfortable.

Heerlike, groot plaashuis.

Ons is vriendelik ontvang deur Tina wat ook deurgaans uit haar pad gegaan het om ons op hoogte te hou van waar om blomme te gaan kyk. Gerieflike groot plaashuis met pragtige antieke meubels. Ons het die plaasgevoel baie geniet en sou graag langer wou gebly het. Sal weer kom kuier.

Skoon, netjies, rustig. Heerlike skaaptjops.

Die gastehuis is baie netjies en skoon en daar is als wat jy benodig. Die eienaars het heerlike skaaptjops en wors voorsien soos ons vooraf gereël het. Die ingang na die plaas is net nie baie duidelik sigbaar van Calvinia se kant af nie want daai pad is redelik besig en mens kan nie te stadig ry nie, nietemin ons het dit raakgesien toe ons verby dit gery het. Baie dankie vir die goeie verblyf! Ons sal julle graag weer besoek.

Netjiese, skoon en rustige plaashuis om by te ontspan na 'n lang reis.

Vriendelike gasvrou en gasheer. Slegs solar krag en geen selfoonseine nie, wat 'n heerlike breuk van die gejaagde stadslewe gee.

Rus en vrede in plaashuis vol atmosfeer.

Ons het heerlik oornag in die keurig gemeubileerde plaashuis. Alles wat nodig is daar, top, netjies en skoon. Goeie basis om wonderlike natuur in omgewing te verken.

Very relaxing.

Clean and Covid-safe.

Pragtige, karaktervolle huis en baie vriendelike mense, 'n heerlike kuier.

Dit is die ideale oorstaanplek vir 'n Namakwaland reisiger. In die natuur, op die plaas - met alles wat 'n mense nodig het. Dankie vir die warm kaggelvuur op die koue nat aand!

Ons het baie lekker gekuier en oornag op Leeuriet. Pragtige antieke meubels het 'n besondere atmosfeer aan ons kuier verleen.

Netjies, vriendelik en kan Leeuriet aanbeveel.

Stilte en sterre!

Ouma se ou wêreldse huisie, met plek vir baie. Lekker oorslaap tussen Noord-Wes en Kaapstad. Sal 'n heerlike blommekyk-basis wees, absoluut sentraal. Ons gaan beslis probeer terugkom vir vanjaar se beloofde skouspel.

Wonderlike en egte boeregasvryheid.

Netjiese en aangename oornagverblyf of dalk vir 'n paar dae se kuier om die stilte en plaaslewe te geniet. Ons maak weer so.

Ons het baie lekker daar gebly. Kan dit aanbeveel.

Die huis is goed toegerus met alles wat nodig is vir selfsorgverblyf.

Heerlik gekuier

Rustige atmosfeer. Vriendelike mense. Sal beslis weer gaan. Sal bly wees as daar WiFi kan wees.

Gerieflike, skoon huis maar sonkrag laat dit soos 'n koshuis voel met ligte uit 9 uur.

Ons het lekker tuisgegaan, maar het gesukkel met die GPS-koördinate wat ons op 'n ou pad geneem het en ons 40 km verkeerd laat ry het voor ons omgedraai het en besef het ons ry verkeerd. Die sonkrag moet opgegradreer word sodat daar altyd krag beskikbaar is vir gaste en daar nie beperkings daarop is nie.