Leeuwfontein Guest Farmhouse

Pragtige Karoo-plaashuis met rustige atmosfeer.

Ons het heerlik in die groot ou plaashuis gebly. Alles wat mens nodig het is daar, van snoesige beddegoed en handdoeke tot kombuisware en braaigeriewe. Ons gasvrou het ook uit haar pad gegaan om te help toe ons vasgebrand het. Werklik 'n baie lekker, rustige plek en 'n positiewe ervaring.

Wonderlike Karoo-vergesigte vanaf die braai- en kuierarea; genoeg braaihout.

Die plaashuis op Leeuwfontein is baie ruim en goed toegerus.

Tranquil and peaceful!

Amazing. Kids had a blast and the host is very friendly. Always stay here if we can!

Baie lekker ruim gastehuis.

Ons is baie vriendelik ontvang en gasheer het ons regtig baie tuis laat voel. Het baie lekker gekuier en heerlik geslaap na Two Oceans-marathon en lang pad.

Karoo-stilte.

Pragtige ou ruim plaashuis omring met die skoonheid van die Karoo. Die huis is goed toegerus en die gasvrou het werklik aan alles gedink. Van lampies en 'n gasstoof vir load shedding tot smeermiddel vir muskiete. Ons honde was welkom en het die ruimte en stilte geniet na die lang pad. Ons kom beslis terug.

Rustige plaaskuier in 'n baie groot huis.

Ek kan dink dat mens dae lank hier wil bly! Goed uitgerus vir groot groepe. Die kombuis het als waaraan mens kan dink. Ons het ongelukkig nie warm water in ons en suite badkamer gehad nie, maar die ander badkamer was reg.

Heerlike kuier in Victoria Wes.

Groot plaashuis 10km van Victoria Wes in die Karoo. Genoeg plek vir 15 mense in 4 kamers, en gasvrye eienaars.

Baie gasvry en pragtig.

Baie mooi verblyf in veilige omgewing.

Baie rustig en voedsel vir die siel.

Die huis is baie goed toegerus met alles en nog meer. Die handdoeke en beddegoed is van uitstaande kwaliteit en ek het dit baie geniet. Die gasvrou was baie hulpvaardig en vriendelik.

Beautiful.

Beautiful old farm house with an amazing Karoo view. Very comfy and well furnished. Braai on the porch overlooking the Karoo vista was a great way to relax after a hard day's drive. House is great for little children as there is ample space for them to run around and play.

Heerlik, maklik weg van die dorp.

Dit was 'n regte plaas gevoel met mense wat alles gedoen het om ons bly net lekkerder te maak. Was net 'n plesier.

Mooi en ruim huis. Pragtige omgewing.

Net oornag oppad Johannesburg toe,

Baie lekker.

Baie lekker gekuier behalwe geen warm water in hoofslaapkamer se badkamer.

Lekker plaasgevoel.

As jy hou van die plaashuis is dit die plek vir jou, groot en ruim vertrekke.

Wonderlik!

So pragtig en rustig. 'n Wonderlike manier om die Karoo te beleef! Sussie is 'n juweel! Baie dankie!

Best Karoo farm experience in a very long time!

Excellent accommodation, very neat and tidy, more that one should expect. Rooms and bedding 1st class, A/C in rooms. Lovely braai area outside with view of Karoo sunset.

Pragtige huis op pragtige plaas, stil en rustig.

Regte Karooplaas met die mooiste huis en emo's wat wei op gras. Heerlike wegbreek.

Baie lekker en rustig.

Baie baie lekker gebly. Die rustigheid en lekker groot huis is definitief aan te beveel.

Alles wat jy nodig het, stilte en vrede.

Baie goed toegerus. Heerlike huis met oorgenoeg ruimte. Die beste beddens en kraakvars linne. Ideaal vir ver stap en ontspan met 'n boek. Lugversorging in kamers en sitkamer sorg vir warm dae. Gasvrye eienaars wat sorg dat jou verblyf gemaklik is. Selfs kaggel en koolstof vir die winter. Definitief 'n besoek werd om veilig sterre te kyk en te vlug van stadgewoel.

Karoogasvryheid op sy beste!

Baie dankie aan Marise en Barry vir opregte Karoogasvryheid! Leeuwfontein Guest Farmhouse het aan al ons behoeftes voldoen. Die lieflike ou plaashuis het ons harte gesteel. Ons sal beslis weer daar oornag. Barry en Marise het ook uit hul pad gegaan om ons te help met 'n pap band. Nogmaals dankie!

Rustige en stil plaasatmosfeer.

Heerlik om in 'n plaasopstal te kon slaap. Die Aggastoof in die kombuis was 'n bonus. Die huis is ruim met baie slaapplek en die toebehore puik - alles werk en dit is skoon! Word sterk aanbeveel veral vir groot groepe.

Excellent value for money and very pet friendly.

The house needs a little maintenance (sliding door to stoep and globes in some rooms), but was extremely comfortable and well-equipped.

Ruim, skoon, netjiese plaashuisverblyf met 'n rustige atmosfeer en pragtige Karoo-uitsig.

Ons het baie lekker gebly in die groot ou plaashuis. Baie goed toegerus en mens voel sommer die rustige plaasatmosfeer aan. Die vuur wat reeds aangepak was en net gewag het om aangesteek te word was die kersie op die koek! Die feit dat die plek daarby nog ons 3 klein hondjies verwelkom het was 'n bonus. Sal volgende keer langer oorbly!

'n Heerlike vakansie na ons vakansie.

Dit was ons heerlike voorreg om vriendelik ontvang te word. Die plaas het onmiddellik rustigheid verleen aan die vermoeiende rit van die dag. Ons sal enige tyd weer hier wil uitspan as halfwegstasie op ons reis. Die uiters skoon en voldoende geriewe het bygedra tot ons vakansie-ervaring. Baie dankie aan almal wat ons gehelp het om te kon ontspan.

Rus, vrede en sielerus!

Ons het een aand by Leeuwfontain Guest Farmhouse oorgeslaap. Ons het die hele ou gastehuis vir onsself gehad. In die kombuis was filter koffie beskikbaar. Ou koolstoof wat gemaak kan word. Ons het dit baie geniet en ons gasheer was behulpsaam. Omtrent 10 km grondpad na plaashuis wat nie 'n slegte pad is nie.

Geen water in warm krane nie.

Sien die sterre.

Lieflik!

Die plek is baie ruim en die mense is baie vriendelik!

'n Absolute lafenis vir die siel na 'n lang warm dag op die pad.

Ek sal Leeuwfontein beslis aanbeveel. Prys is billik. Verblyf netjies. Gasvrou baie gaaf en hulpvaardig. Aanwysings wat baie duidelik. Die grondpad is ook in 'n goeie toestand. Ons het net een nag gebly (op pad Kaap toe vir die vakansie). Die stilte van die plaas is 'n absolute lafenis vir die siel. Ons twee Labrador honde het dit geniet om hul bene te rek op die werf.

Dit was 'n groot voorreg om in so rustige, groot huis op die plaas as gesin tyd saam te kon te kon deurbring. Marise was uiters hulpvaardig en tegemoetkomend.

As jy wil wegkom van alles en 'n waardering het vir die stilte en oopte van die Karoo sal jy hierdie massiewe plaashuis en omgewing baie geniet. Dit was vir ons 'n baie spesiale naweek en ons sal graag weer daar oorbly.

Perfect dog friendly accommodation.

It was perfect for us traveling with three dogs (lots of space for them to run and unwind after a long journey). For us, it was wonderful to have such spacious, clean and comfortable and well equipped accommodation. Plus we were most impressed by the service offered by TravelGround regarding this booking. We will definitely book it again.

Baie rustig, bietjie verder as wat ek verwag het, maar alles was piekfyn!

Ons het heerlik oornag op Leewfontein. Ons was maar bietjie skrikkerig toe ons besef ons is stoksielalleen in die yslike plaashuis - regte Gautengers! Dit is die ideale plek vir 'n groep familie/vriende om te kuier op pad Kaap toe of sommer net vir 'n plaasondervinding. Wonderlike diens van eienaars wat gesorg het dat selfs ons aandete aangekoop is en in yskas gebêre is.