Kuier altyd lekker daar, netjies en skoon. Bly altyd lekker daar. Michelle is baie vriendelik en behulpsaam, laat mens tuis voel. Alhoewel die ontbyt nie op standaard was nie, hulle adverteer en ek kopie. Ontbyt beskik oor verskeie ontbytgraan, jogurt, 2 opgesnyde vrugte afhangend van die seisoen, 'n bak vrugte, sap en warm koffie. Dit sluit ook 'n warm ontbyt in met eiers, spek, 'n stukkie boerewors, sampioene en tamatie. Daar was geen vrugte of 'n stukkie boerewors nie.

Dit was glad nie 'n aangename ervaring nie. Michelle het ons om 08:30 vm gekontak om te vra of ons vroeër as 14:00 kan aanmeld en genoem wat ons kamernommer is. By aankoms by die gastehuis om ongeveer 12:00, was Michelle nie daar nie, maar 'n huishulp het, met die melding van ons kamernommer, ons na ons verblyf geneem. Ons het besluit om die omgewing te gaan verken en het om en by 16:45 nm weer teruggekeer na die gastehuis om ons wegneemete te nuttig. Met die aankoms was daar meer gaste wat raserig was met hulle musiek en harde gebabbel. Nie te lank daarna nie, het nog meer vriende van die raserige gaste opgedaag met 'n boom box, 'n groot ronde bak en 'n brood. Ons het besef dat daar groot makietie gehou gaan word en dit op Kersdag wat ons graag rustig sou wou spandeer. Daar was 'n dame wat slegs met 'n handdoek om haar lyf rondgeloop het. Daar sou beslis geen rustigheid wees vir ons nie, want die boom box was 'n aanduiding dat 'n groot partytjie deur al die gaste, wat bekend aan mekaar is, beplan is. Ons was nie bereid om deel hiervan te wees nie, want dit is nie hoe ons Kerstyd spandeer nie. Die swembad was ook gebruik en dit is tussen die verblyf eenhede. Ons is ook nie ingelig dat daar dalk so 'n partytjie beplan is nie. Ons het vir Michelle gekontak net na 17:00 (wie nog nie op die perseel was nie) en gevra waar ons die sleutel van ons verblyf kan laat aangesien ons nie daar gaan oorslaap nie. Ons het ook aan haar genoem dat ons nie verantwoordelik gehou kan word vir enige skade wat aangebring mag word in ons verblyf omdat ons die sleutel op haar tafel moes los nie. Sy wou die rede weet waarom ons nie gaan aanbly nie en aan haar verduidelik wat ons bevinding was toe ons teruggekeer het van ons verkenning. Ons het toe vertrek. Ons het haar weer om 18:20 nm gebel om met haar hieroor te praat en te verneem of sy bewus is van wat op die perseel aan die gang is, maar sy het nie ons oproep beantwoord nie. Ons was genoodsaak om ander verblyf te kry omdat ons nie daardie tyd van die aand wou terugkeer Kaapstad toe nie.

Baie hartlik ontvang, netjiese, skoon kamer. Sal weer daar oornag, personeel baie vriendelik, veilige omgewing.