Huis Oppie Rant

Extremely relaxing and rejuvenating.

The views from Huis Oppie Rant are stunning, and it is super quiet and peaceful. The cottage is completely off-grid, so you can really switch off, but the main farmhouse (a short walk away) does have WiFi if you really feel the need for connectivity . There are many nice day hikes in the area, and in summer you can even swim in the river. We will definitely be back.

A wonderful break from the world.

We stayed at Cloete House (built 1876), which is like stepping into the past with the paraffin lamps, outside and indoor fireplaces, and slow pace of life. Surrounded by flowering aloes and mountains, we had a peaceful and very happy stay. Loved the preservation of the long family history at their farm museum in the old post office. Next time I'll take enough wood so I don't have to leave to go anywhere!

Absolute hemel!

Was baie lekker, mooiste natuurskoon met stilte en sterre wat konsert hou in die aand.

Histories en nostalgies!

Uiters lekker vir 'n wegbreek aan die meer primitiewe kant, fantastiese uitsig oor die natuur, geriewe meer as voldoende. Die rit oppad na die woning is net so avontuurlik. Die ou Poskantoor daar naby is 'n juweel. Het te veel tyd aan die Portfees gespandeer, sou graag nog tyd wou gehad het vir die verskeie staproetes, 4x4 en visvang. Kortliks, die verblyf en area was die wenner!

Rustig.

Heerlike gekuier. Pragtige huis met ryke geskiedenis.

Farm stay near Calitzdorp.

Beautiful drive from the R62 to a comfortable, spacious cottage with views over the farm and valley. Happily recommend this stay for overnight or longer.

Wonderlike natuurskoon.

Ons verblyf was alles waarvoor ons kon vra, netjies en skoon met pragtige natuurskoon.

Onbeskryflik!

Selma is 'n wonderlike gasvrou. Niks is te veel moeite nie. Sy het ons geakkommodeer al was ons sommer een te veel! Dit was regtig wonderlik en die natuur is wonderlik.

Pragtige ligging en lekker naby aan die rivier, heerlike vars lug en ontsaglike mooi berge en dale met unieke staproetes sommer naby aan die huis.

Die huis was baie netjies en mooi skoon met kofiee en suiker verskaf asook vuur maak hout vir die braai plek. Die WiFi het perfek gewerk en Selomina was vreeslik behulpsaam met enige infrmasie wat ek benodig het. Sal virseker weer matjesvlei besoek!

Beautiful spot to unwind.

The combination of a spacious old house, beautiful views, hiking trails, and a river to cool off in made for a wonderful break. Plus the family are friendly and kind hosts who love their place and heritage.

Highly recommended.

Fabulous, peaceful, nostalgic. It has everything you need. The views and walks are spectacular. Loved the oil lamps, etc. It was worth the visit if you need to unwind completely!

Sien sterre.

Sien sterre.

Ongelooflike natuurskoon. Baie basiese verblyf, maar voldoende en ons het dit geniet.

Dit was baie warm tydens ons verblyf (41 grade) en daar was nie 'n waaier vir bietjie verligting nie. Die algemene netheid van die huisie kan beter. Die huisie benodig 'n bietjie finesse.

Baie rustig met 'n mooi uitsig.

Heerlik gebly, maar vir die koste van die verblyf verwag 'n mens meer as olie-lampe en 'n donkie om warm water te bekom. Ek stel voor dat daar 'n gasgeiser en sonpanele geïnstalleer word.

Baie Fantasties.

Sal beslis weer gaan kuier. Selma soos gewoonlik was 'n baie goeie gasheer. Het die plaas terdeë geniet.

Pragtig en lekker meer as wat ons verwag het.

Dit is pragtig en netjies gewees met alles wat nodig is. Die donkie water was nog die volgende oggend warm.

'n Klein paradys met die mooiste ligging en sterrehemel.

'n Hartlike verwelkoming deur Bennie & Selma Nel. Die huisie was so netjies en het voldoen aan al ons behoeftes. Die stilte en natuur was een van die grootste geskenke.

Heerlik, fantasties.

Wat 'n belewenis. Huisie opi Rant is voorwaar die rustigheid vanself. Die huis het als wat nodig is vir selfhelp. Het gewonder oor die kragloosheid van die plek, máár nie eens agtergekom dat dit nie daar is nie. Selma is ook 'n uitstekende gasvrou! Het altyd gedog die FAK-liedjie van daar stap 'n mannetjie in die vlei Godliep Antoni is net 'n liedjie, toe sien ek hom daar teen die muur in die sitkamer. Ons kom weer anderdagmôre. Vir seker.

Behulpsaamheid en vriendelikheid vanaf die eienaars was regtig 'n bonus.

Pragtige, gerestoureerde, ou huisies goed toegerus met alles nodig om 'n kuier gerieflik te maak. Sal beslis teruggaan soontoe. Een van die weggesteekte toerisme-juweeltjies.

Uitstekend.

Puik omgewing en rustige atmosfeer.

Mooi omgewing waar jy vrede vir jou gejaagde lewe kry. Baie mooi.

Ek gaan weer daar kuier.

Peaceful and inspiring but too short.

At the top of our list for a longer stay. Thank you.

Salige stilte in pragtige natuurskoon.

Kan die venue met vrymoedigheid aanbeveel. Alles wat mens nodig het is daar.

Remote and functional.

Excellent placement for peace an tranquillity.

Beleef ouwêreldse verblyf.

Dit was heerlik om net weer bietjie ouwereldse verblyf te geniet met egte olielampe, warmwater donkie, ens. Die bonus was die pragtige uitsig op die Swartberge en landerye. Heerlik verby, net jammer ons kon nie langer bly.

Very peaceful and beautiful.

Would love to go back and spend more time winding down.

Goed.

Goeie akkommodasie. Maar aanwysings om daar te kom is verwarrend.

Ongelooflik mooi.

Dit was 'n onvergeetbare bly, die huisie was so mooi en goed toegerus. Selma, die gasvrou, was wonderlik en goeie geselskap. Ek kan Matjiesvlei Gasteplaas nie sterk genoeg aanbeveel nie. Ek gaan baie beslis weer daar bly. Vir langer volgende keer.

Dit was ongelooflik!

Wonderlike gasvrou! Niks is te veel moeite nie!

'n Juweel in die berge.

Baie spesiale plekkie in die berge om weg te breek van stad of dorp. Die omgewing bied baie verrassings vir mense met liefde vir die buitelewe. Hier is geen telefoon of internetopvangs nie en dit is asof dit so moet wees. Ons wou langer bly.

We had a lovely stay with all the normalities eliminated. No electricity or reception. Fantastic.

Beautiful scenery, especially with the snow on the mountain tops surrounding Matjiesvlei.

'n Weg-van-als-wegbreek.

Die stilte sonder selfoonsein is hemels. Die berge omhels jou en dis heerlik om selfs sonder elektrisiteit te wees. Oulik toegerus en gemaklik.

Mooi natuurskoon en lekker rus.

Die kloofroete is asemrowend, die rustigheid van die Karoo is aansteeklik!

Pragtige omgewing. Besonderse mooi huisie.

Die huisie is besonder netjies en goed ingerig met 'n lieflike atmosfeer. Die omgewing is pragtig en die uitsig vanaf die stoeparea is werklik iets besonders. Baie gawe en gasvrye mense wat ons welkom laat voel het. Ek sal die plekkie beslis aanbeveel.

Asemrowend, terug in tyd.

Cloete Huis vat 'n mens terug in tyd. Gebou in 1876. Tussen die massiewe berge besef jy hoe klein die mens eintlik is. As jy die geskiedenis lees (wat baie vermaaklik was) van die omgewing en jy stap, sien jy wie waar gebly het en waardeer 'n mens net weereens alles. Sal dit hoogs aanbeveel. Daar is huise wat meer modern ingerig is vir die wat nie sonder tegnologie kan klaarkom nie.

Rustig.

Stil en rustig. Lekker gebly, skoon en netjies.

Salig, rustig, ouwêreldse sjarme, pragtige natuur-omgewing.

Alles soos bo beskryf. Voëls en voëlklanke pragtig, rivierswemplekke en kampplek lieflik, huisies uniek en smaakvol gemeubileerd en gerieflik, gasheer en gasvrou baie vriendelik, behulpsaam, gasvry en interessant.

Lovely ambiance. Very pleasant host.

Found nature, quiet and history. The accommodation well conceived and unfussy. Could have stayed longer.

Pragtige natuurskoon. Stilte.

Dit sou lekker gewees het om 'n lig te kan aanskakel, maar die lampe was OK. Wat wel gepla het was die donkie. Alhoewel ons vuurtjie gestook was, het ons net louwarm water gehad (nader aan koud). Die braaiplek op die stoep was baie lekker.

Heerlike rustige en pragtige omgewing met staproetes en kos vir jou siel.

Natuurskoon is absoluut pragtig en daar is so baie te sien en te doen.

Verrassende mooi omgewing, gerieflike huisie met persoonlikheid.

Selma het ons self verwelkom en die pad na die Wahuis beduie. Ons sou langer wou bly as net ons oornagbespreking, want die rustigheid en karakter van Matjiesvlei kom binne-in mens nesmaak, net soos die swaeltjies met wie ons ons uitkykstoep gedeel het. Die lente-veldblomme en riviermusiek van agter die bome was 'n ekstra onverwagte toegif. Ons het heerlik gebraai met die kurkdroë hout wat ons daar kon koop, en gerieflik geslaap totdat die voëls ons wekker was. Onthou om jou verkyker in te pak om daardie voëls te kan bekyk. Ons sien uit om weer en langer te gaan! Dankie aan die Nels vir puik lekkeslaapplek!

Rustige langnaweek in pragtige omgewing, sonder selfoonopvangs!

Heerlik gebly in Douglas-huis. Die staproete op die plaas is lieflik, ons het 'n hele paar keer op die rivier geroei, en piekniek gehou op die rivierbank. Ons het 'n paar koue, winderige dae gehad, en die huisie is dan lekker koud (definitief gebou vir die baie warm somers). Maar op mooi dae het ons lekker gestoepsit en gebraai, en die rustigheid en tegnologie-breek vreeslik geniet.

Lekker plaasatmosfeer.

Geen krag. Donkie geyser en parafienlampies, skep 'n baie rustige atmosfeer. As jy wil afskakel, ideale plek.

Rus vir jou siel.

Ons het in die Huis Oppie Rant geslaap. Het die uitsig geniet! Die huisie het 'n ou bekoring en alles was skoon en gerieflik. Dit was interessant vir die kinders om te sien en ervaar hoe 'n “donkie" werk. Jy rus werklik daar.

Stay to absorb nature and sky.

For the very young and older adventurer, peaceful and secure stay minimum of 3 nights to absorb nature and sky. Excellent.

Besonderse stil Karoo-verblyf.

Die huis oppie rant het 'n pragtige uitsig bedags en bied wonderlike sterrekyk-nagte. Ons sou graag langer hier wou bly en ook die 4x4-roete wou doen. Steering se kloof bied 'n mooi, gemaklike staproete 'n klein entjie weg. Ons sal Matjiesvlei graag weer besoek.

Rustige omgewing met alles wat jy nodig het verblyf.

Die huis het als wat nodig is vir 'n wegbreek en baie gerieflik. Geen selfoonopvangs kry 10 uit 10, mooi uitsigte oor die vallei en die huisie smaakvol gemeubileer. Jy kan ure op stoep sit en ontspan soos die vorige inwoners seker ook gedoen het. Die ou poskantoor het interessante items en genoeg leesstof om jou besig te hou en kykie te gee in die lewens van vorige inwoners en families. So bly dit word vir ons beskikbaar gestel en bewaar.

Baie goed ontvang, verblyf goed ingerig, baie rustig en stil.

Baie goed ontvang deur Selma, en sy't gereeld kom hoor of als nog reg is. Huis Oppie Rand goed ingerig, baie rustig en stil.

Matjiesvlei is die weg van wegbreek!

Regtig die plek om weer tot stilstand te kom, afgesonder sonder selfoonseine en elektrisiteit.

Stil en baie rustig.

'n Moet vir diegene wat na stilte en baie donker aande verlang.

Rustig, veilig en uitstekende gerief.

Ons het baie lekker gekuier en Selma is 'n wonderlike gasvrou wat na al mens se behoeftes omsien. Die eenheid is baie smaaklik gemeubileer met besonder aandag aan detail. Die 7 km grondpad van die teerpad af het aandag nodig, maar dit was vir ons die enigste negatief. Ons sal Oupad se Kloof beslis by almal aanbeveel. Baie dankie Selma en Bennie.

Heerlik!

Ons het heerlik gebly in Die Wa Huis. Dankie Selma vir jou vriendelikheid! Pragtige plek en heerlike stilte!

Stukkie hemel op aarde.

Wat ‘n belewenis. Alles was perfek, en ons sal beslis weer wil gaan oorbly.

Lovely peaceful location, real authentic Karoo farm experience. We loved our time there.

We stayed at Matjiesvlei for one night on our way back to KZN. What a lovely spot. The old farm house Huis Oppie Rant is beautiful, it feels rustic but has all the comforts. My son loved lighting the fire for the hot water and we had a peaceful, restful evening looking at the spectacular stars. We will definitely be back.

Hemels!

Die heerlikste verrassing, hoe ontsettend mooi dit hier is en hoe keurig en die plekkie met oudhede tipies "ou Kaaps" ingerig is. In die Wa-huis selfs 'n kleine Grandfather Clock, pragtige koperbed - slaap heerlik - en ander besonderhede soos die ou yster as deurstop, die 3-sitplek kerkbankie vir jou tasse in die slaapgedeelte, die mooi Victoriaanse deure na die stoep. Tog bly alles in eenvoud nes dit eertyds sou wees. Daar is 'n tweede huis, "Huis Oppie Rant", redelik naby, maar meer as genoeg privaatheid word gebied deur die lekker ingeboude braai op die stoep. Kan moontlik raserig wees as groot groep langsaan is of 'n familie met klein huilerige kindertjies. Sal definitief weer kom bly as ons in daardie geweste is, maar dan vroeër om ook die Bobjaanskop 4X4-roete wat op die plaas geleë is, aan te pak.

Heerlike rustige naweek, weg van selfone en die alledaagse gejaag.

Heerlike plaasatmosfeer, ver van alles en almal af. Hier kan 'n mens regtig afskakel en net die natuur om jou in neem. Die ou Poskantoor is ook 'n moet sien, kan ure daar spandeer en verdwaal tussen die geskiedenis va die area.

'n Wonderlike ervaring wat aan al ons verwagtinge voldoen het, sien uit daarna om weer te gaan!

Die rustige skoonheid van die omgewing, stilte en lieflike herfsweer laat jou geen keuse as om te ontspan, weg van alles, tog naby ander plekke van belang om te besoek. Ons verblyf was baie gerieflik en heel spesiaal in die ou plaasopstal met geen luukshede, maar vol karakter en met alles wat nodig is, silwerskoon, heerlike beddens en linne om in te slaap en 'n stoep om op te sit en kuier. Die rivier daar naby roei en swem beter as die see!

Tranquillity and silence in wonderful nature.

After following the clear directions to the farm on the very well-maintained gravel road, we arrived at the farm house and were warmly welcomed by the owners, Bennie and Selma. The Wa-Huis stands alongside another cottage - both have stunning views over the river valley. The cottage has no cell-phone reception and no electricity, which is why we chose this venue - we needed a complete break. The cottage was clean and well-equipped. I would like to suggest the inclusion of an oven-glove and a second drying up towel. The area is gripped by a severe drought and the water situation was clearly explained. There is a special tap for drinking water in the kitchen. The braai is well-built and works efficiently, under the shaded stoep. The donkie boiler has clear instructions and a daily supply of wood. One concern was the amount of water we had to run, before the warm water came to the shower, in the light of the drought. In the shower and above the basin, the soap racks are for tall people only - it may be helpful to short people like me to have them a bit lower! We absolutely loved the silence (no sound of traffic/town noise at all), the plant and bird life, the walks, the clear air. We had a wonderful holiday!

Lekker stil en salig.

Ons het baie lekker gekuier. Die ou huis was pragtig en alles was baie netjies. Behoort fantasties gedurende die winter te wees. Ons sal weer kom kuier.

Absolute rus.

Stap terug in tyd met stilte en vreedsaamheid jou metgesel. Ons het in die bekoorlike Cloete-huis gebly, op die stoep gesit en kyk hoe die son sak oor die Klein Karoo, vir die sterre gekyk en die stilte ingedrink. Selma se gasvryheid en bewaring van 'n ryk geskiedenis word hoogs waardeer. Ons sal enige tyd teruggaan en beveel Matjiesvlei Gasteplaas ten sterkste aan.

Wonderful holiday in the Klein Karoo.

We had a wonderful holiday at Matjiesvlei and were made to feel so welcome. Our "huis oppie rant" had so much character with spectacular views of the Swartberg mountains. The kids loved riding their bikes, swimming in the river (which is running very low with the drought) and watching the cows being milked. There's a great 10 km trail run along the 4x4 track and braai's under the Karoo sky are amazing. This is a very special holiday spot!

Salig.

Netjies, gerieflik en die interieur pragtig gemeubileerd. Kerse en olielampe versterk die lieflike atmosfeer. Lekker!

Heerlike totale wegbreek van moderne gejaagde, tegnologiese wêreld.

'n Gul en baie gasvrye ontvangs. Alles was gereed en in orde by die chalet, tot die kleinste detail. Met geen krag of selfoonsein nie is dit beslis 'n plek om heen te vlug as die druk van die wêreld te veel word.

Baie ontspanne en rustige verblyf in plaashuis sonder elektrisiteit.

Ons chalet, Cloetehuis, het geen elektrisiteit nie, en is daarom perfek vir ons wat stilte en eenvoud verkies. Geen TV, of radio. Olielampe en kerse, en die lieflike donkerte as die son gesak het, het ons verblyf ongelooflik lekker gemaak. Die ou huis is pragtig opgeknap en het nog plankvloere en opskuifvensterrame. Daar is slegs 'n bad en nie 'n stort nie, wat vir ons geen probleem was nie. Die tweeplaat gassstoof in die kombuis was baie gerieflik om te gebruik. Ons kon ook buite braai en het dit baie geniet om die plaas- en naggeluide te hoor. Ek sal hierdie oulike plek beslis aanbeveel vir mense wat eenvoud en stilte soek. Ons gasheer en gasvrou, Bennie en Selma, is vreeslik gaaf en vriendelik en het moeite gedoen om ons verblyf aangenaam te maak.

Goeie waarde vir geld.

Vriendelike gasvrou en beslis 'n salige wegbreeknaweek, weg van gewoel, nie eers selfone wat kan pla nie.

Salig!

Ons het heerlik gebly in Thiarthuis - wat goed toegerus is. Dis in 'n rustige omgewing met geen geraas en net die geroep van bobbejane en jakkalse. Dit is omring deur pragtige natuurskoon en beste van alles - daar is geen selfoon-ontvangs nie! Ons besoek aan die museum was insiggewend en ons volwasse kinders het die visvang in die rivier baie geniet. Ons sal graag weer wil teruggaan.

Bly gerus hier.

Pragtige ou huisie met alles wat jy nodig het plus 'n lieflike uitsig. Ek sal hierdie verblyf aanbeveel as jy stilte soek weg van die alledaagse gejaag.

Eenvoudige, private wegbreek in die middel van nêrens!

Privaatheid: 100%. Selfoonsein (Vodacom): 0%. Elektrisiteit - 0% (Bring maar jou 'powerbank' saam). Uitsig - 100%. Netheid - 100%. Bring saam: 'Powerbank' wat selfone of kameras kan laai, flits, fietse, bordspeletjies en goeie wyn. Ek en my vrou het by Matjiesvlei aangekom laat die aand. 'n Vriendelike Selma Nel het ons gewhatsapp en verduidelik om by die huisie aan te kom. Sonder wete het ons die donkie gesien brand langs die waenhuis en toe besef ons eers dat ons huisie geen elektrisiteit of selfoonsein het nie. Dit was great! Ons het die hele naweek nie een persoon op die plaas besigtig nie, net beeste, volstruise, duisende spekboomplante en asemrowende berge gesien! Sal weer 'n draai op Matjiesvlei maak.

Eenvoud. Vrede. Karakter.

Sien gerus die sterre.

Altyd genotvol.

Dis ons tweede keer, altyd 'n belewenis!

Baie interessant.

Baie mooi uitsig en uitsonderlike sonsondergange.

Slaap, eet. fietsresies, rus, braai ontspan, lekker rus en herstelplek.

Rustig, netjies, braaihout is voorsien met ekstra ligte vir buite om te braai. Alles was net great.

Die verblyf was uitstekend.

Die huisies is in 'n pragtige omgewing geleë. Dit is baie goed toegerus.

Die ontvangs was hartlik en die blyplek was baie netjies en skoon.

Hierdie skoon en pragtige geleë gastehuis is net om aan te beveel. Hier kan 'n mens lank bly, want die plek voldoen aan al die behoeftes vir 'n gastehuis.

Ons het in die Wahuis oornag.

Die karakter van hierdie ou huisie, die omgewing en die vriendelikheid wat ons ervaar het was besonders.

Terug na eenvoud en rustigheid.

Heerlik om te ontspan. Die "donkie" se warm water was een aand nie baie warm nie. Hartlike ontvangs en fantastiese uitsig.

Ouwêrelds en idillies!

'n Hartlike ontvangs en voortreflike diens. Stil en rustig. Uniek. Pragtig.

Fantasties, sal weer daar gaan bly!

Sien die sterre hieronder.

Wonderlik!

Ons het die naweek baie geniet. Die toerusting in die huis is baie goed, alles is baie skoon en netjies. Die uitsig is pragtig en die stilte perfek om in te rus.

Absoluut heerlik en sal weer daar gaan kamp.

Die kampering was baie aangenaam en die omgewing is besonders mooi. Sal in toekoms weer daar gaan kamp.

Een van die beste blyplekke in die Wes- Kaap!

Ongerep, pragtige Klein Karoo. Lieflik ingerig.

'n Heerlike ingerigte huisie met die mooiste uitsig oor die Klein Karoo.

Eenvoud. Uitisg. Natuur. Dis presies waarna ons opsoek was en presies wat ons as stadsjapies hier gekry het. Die eenvoudige (maar goed ingerigte) huisie is op die mooiste ligging met uitsigte oor die berge en karoo. Ons is baie vriendelik ontvang en daar is baie moeite gedoen om ons te laat welkom en tuis voel. Sal die Wa-huis by Matjiesvlei Gasteplaas aanbeveel aan enige iemand, veral as jy hunker om naby aan die natuur te wees.

Aangenaam verras. Was heerlik, kort net 'n lugversorger of waaiers aangesien dit baie warm was.

Was eerlikwaar heerlik!