River Dance Couple Unit

Amazing en rustig.

Dit was ongelooflik lekker. Hulle het so mooi na ons gekyk en dit is 'n pragtige plekkie. Dit was ongelooflik mooi daar en netjies. Die vroutjie wat daar is en die plek beman is 'n engel uit die hemel uit. Sy is vriendelik en baie behulpsaam. Die eienaar is amazing en vriendelik en antwoord vinnig op boodskappe. Ek sal vir seker weer gaan. Inteendeel wil my kind haar 18de verjaardag daar hê. Die plek is nog mooier as die fotos. Jy moet gaan om tyd saam jou familie te spandeer en het nie WiFi nodig nie. Dit is te mooi om op die internet te sit. Ek en my kind het dit so geniet.

Uitstekende diens, beautiful plekkie.

Eerstens die diens was puik van die begin af, Marilie en Lesego was uitstekend. Hulle het uit hulle pad gegaan vandat die bespreking gedoen was. Was die heeltyd in kontak met ons. Marilie het ons opgegradeer na 'n groter eenheid, en dit was geen ekstra kostes nie. Die plekkie was pragtig en die uitsig was onbeskryflik mooi. Die ape was die hoogtepunt en hulle het die mooiste paar swart swane. Sal die plekkie beslis aanbeveel. En sal beslis weer gaan. Dankie julle vir die puik diens. Hou so aan.

Ideaal vir rus en stilte vir 'n midweek wegbreek.

River Dance Couple unit was baie gerieflik. In vergelyking met ander soortgelyke verblyf was dit egter effens skraps toegerus wat selfsorgitems betref. Dit was vir ons 'n werksgeleentheid ook en die internetopvangs/netwerkseine was baie wisselvallig - toegang tot WiFi sou baie gehelp het. Op die oog af is die woonstel baie netjies, maar by nadere ondersoek is daar heelwat klein onderhoudswerkies nodig wat toekomstige skade sal beperk. Lesego het ons vriendelik ontvang en was baie behulpsaam.

I was generally pleasant.

My stay was pleasant. The lady who assisted me is very welcoming. If you require internet assistance while at the establishment, it's going to be an issue because the network in the whole area is generally bad, and they don't have WiFi and there is no TV. So if peace and quiet is what you require, then you will be good. Overall, it is a nice place.

Rustig en stil met baie potensiaal wat nog ontwikkel kan word.

Baie vriendelike ontvangs van die gasheer. Die eenheid is baie mooi skoon. Die eenheid is nie alleenstaande soos geadverteer nie, wat 'n bietjie privaatheid inboet wanneer die lodge vol bespreek is. Nogtans lekker rustig vir 'n rus-naweek.

Vreeslik aantreklik, maar glad nie moeite of geld werd nie.

Die kamer was netjies en vreeslik mooi. Maar dit het ons heeltemal verlei! Eerstens, ons het 'n troue gehad naby aan River Dance en daarom die oorbly. Eerstens was dit 'n groot gesukkel om iemand in die hande te kry om die sleutel van die kamer te kry. Tweedens het geen muur-/kragproppe gewerk nie (hoe moet 'n mens dan hare droogblaas vir 'n troue?). Daar is 'n yskas, maar die krag werk nie so hy is vuurwarm en effens muwwerig. Derdens daar was geen warm water nie. En laastens kon die deur nie sluit nie. 'n Pragtige, bekostigbare plek, maar nou weet ek hoekom. Sal dit glad nie aanbeveel nie.