The Bush Hut

Lieflike boshuisie naby die dorp.

Die Bush Hut bied netjiese, skoon verblyf met mooi, ruim kamers en gemaklike beddens. Die eenheid is privaat gelee en omring deur natuurlike bosveld. Die trappe na die boonste verdieping is nogal steil en glad, maar nie 'n probleem vir ouer kinders. Ons was mal oor die Hoedspruit Wildlife landgoed waarbinne die Bush Hut gelee is; dit bied stap- en fietsryroetes, asook bos-skuilings waarvandaan mens diere kan besigtig. Ons het verskeie boksoorte, kameelperde, kwaggas en vlakvarke gesien op die landgoed en selfs 'n hyena. Die hoogtepunt was egter die oulike nagapies wat by die Bush Hut woon en elke aand kom groet het! Daar is verskeie goeie restaurante en winkels naby die landgoed, en 'n gesellige braai-area by die eenheid self. Ons sal graag weer daar tuisgaan.

Definitely coming back soon!

We absolutely loved our stay at the bush hut.

'n Moet, sal definitief weer gaan. Baie dankie.

Dit was regtig baie lekker.

'n Rustige bosveld wegbreek.

Die snoesige boshuis was perfek vir 'n rustige wegbreek - net wat ons nodig gehad het. Dankie dat ons bietjie later kon uitboek!

Ons het heerlik by The Bush Hut gebly, wat aan al ons verwagtinge voldoen het.

Sien sterre.

A wonderful stay apart from the weather.

Perhaps a few more lamps with all the loadshedding.

Kort maar net wat nodig was.

Ons het die huisie meer net vir 'n slaapplek gebruik tydens 'n kort naweek na Hoedspruit, maar kan dit beslis aanbeveel. Die nagapies se vroegoggend-besoek, soos die son opkom en hulle oppad bed toe is, was werklik besonders vir ons.

Netjies, skoon en volledig toegerus. Puik.

Pragtig, netjies, skoon en volledig toegerus met bederfies in die yskas soos sjokolade, melkies, koffie, tee en suiker. Wonderlik rustig. Vriendelike gasvrou Engela! Alles was vooraf gereël en in die plek bv. toegang met spesiale kode. Kaart van area in die Wildlife Estate, voëlboeke en bordspeletjies. Die verblyf was heerlik en die buitestort was almal se gunsteling. Sal enige tyd terugkom en vir almal aanbeveel. Dankie Engela.

Privaat, veilig en rustig.

Die plek is regtig baie goed uitgerus met alles en meer wat mens sal benodig. Ideaal vir n gesin van 4 met jong kinders. Die Wi-Fi is vinnig en hou die kinders besig saans. Daar is ook 'n klomp bordspeletjies en boeke om te geniet. Engela het letterlik uit haar pad gegaan om ons by te staan toe ons kar 40 km uit Hoedspruit op die dag toe ons vertrek gebreek het. Sy het gereël dat iemand ons kom oplaai toe die versekering die kar kom haal het en het vir ons nog 'n aand laat oorslaap. Ons was regtig langs die pad gestrand en te danke aan haar is my gesin veilig. Ek sal beslis weer die plek besoek en beveel die beslis aan.

Mooi huisie in die bos.

Dis 'n klein reservaat met 'n paar wilde diere in. Eekhorings, vlakvarke, sebras, blouwildebeeste, apies, kameelperde, baie bokkies, akkedisse, likkewane, klomp voëls en vreeslike slange. Die spoedgrens is 40km/uur op die teerpad. As jy te vinnig ry, kry jy 'n onnodige groot boete. 'n Waarskuwing vir mense wat daar wil kom bly. Dit was lekker om die diere te sien daar rondbeweeg. Ons het lekker in die huisie gebly. Baie ekstra goedjies wat ander plekke nie voorsien nie, soos Doom, vuurhoutjies, badseep, noodligte. Daar was vir ons elk 'n choccie en melk in die yskas. Dit was baie bedagsaam gewees. Die weer was heerlik en ons het lekker in die splash pool afgekoel. Die wifi is uitstekend. Werk selfs as die krag af is.

Baie lekker, maar te kort.

Pragtige plek, skoon en netjies en Engela is baie behulpsaam. Sal definitief weer gaan.

Love the silence, and privacy, the game was awesome. Will definitely visit again.

Wonderful, awesome bosveld feeling. Shower outside was great.

'n Aangename, pragtige en netjiese plek.

Ons het die kuier baie geniet. Dis 'n baie oulike plek, wat fantasties toegerus is. Daar is baie plek vir stap in die estate self. Die veiligheid is werklik goed. Die buitestort was uiters uniek.

Veels te kort.

My enigste verwyt, ons verblyf was te kort. Ons is verlief op hierdie plekkie en het vreeslik lekker gebly. Die eenheid is perfek toegerus en volgende maal gaan ek beslis minder goed inpak want hulle voorsien regtig meer as verwag. Ek wens ek kon 'n maand lank wegbreek hierheen. Engela se diens was ook uitmuntend: iemand het die haardroër verwyder en Engela het dieselfde dag nog 'n nuwe een kom aflewer. Die plek was skoon en netjies, alles in werkende toestand en die kontaklose inboek sonder enige probleme. Voorwaar elke sent die moeite werd.

Will definitely stay there again.

Everything you need, well equipped and clean. Home away from home. Thanks.

Baie lekker gebly daar, vlakvarke, nagapies, eekorings, Inyalas, Grys Duiker, en klomp voel soorte by eenheid kom kuier.

Baie goeie diens en terugvoer van eienaars af. Engela was baie vriendelik. Goed toegeruste chalet!

Pragtige plekkie in die bos.

Ons het die Bush Hut vreeslik geniet. Die eenheid het alles en meer in wat mens sal benodig. Als was so netjies, die bosveld was pragtig met nagapies, voëls, vlakvarke, sebras ens. wat kom groet het. Ons kinders het die swembad ook baie geniet. Baie dankie vir 'n onvergeetlike naweek.

Hoe lekker is dit nie om terugvoering te gee oor die lieflike Bush Hut nie!

Vroeg die oggend wat ons moes inklok het Engela geskakel en volledige aanwysings, sleutel relings asook WiFi password ens deurgegee op WhatsApp. Verder het sy dadelik laat weet toe die eenheid gereed was en ons kon toe al 12 uur inklok aangesien ons vroeër al in Hoedspruit aangekom het. Die eenheid was kraakskoon en netjies met baie ekstras soos: sanitizer, skuimbad, heerlike vars diffusers, shampoo ens. Ons het sommer bederf en spesiaal gevoel! Die veiligheid is puik en met al ons diere besoekers het ons 'n onvergeetlike tydjie by die Bush Hut gehad.

Baie aangename ervaring.

Die ligging van die Bush Hut binne die eco estate is uitstekend. Die geriewe is baie goed en die rustigheid van die omgewing verkwikkend.

Baie rustig en bekostigbaar.

Baie goed geleë vir besoeke in en om die Kruger. Baie rustig, bekostigbaar en gerieflik.

'n Baie lekker en rustige wegbreek.

Ons was aangenaam verras met die reelings van Engela, veral die feit dat ons voortydig ingelig is dat die eenheid voor die tyd gereed was. Die eenheid was baie netjies, skoon en gerieflik. 'n Mens voel veilig in die estate, en die feit dat die eenheid so na aan alles gelee is, maak dit ideaal. En laastens, die diere besoekers is spesiaal. Dankie vir 'n baie lekker kuier.

Heerlik gerus.

Pragtige omgewing met wilde diere reg rondom jou.

Wonderlike wegbreek vir goeie sielsmedisyne.

The Bush Hut was fantasties. Die huisie is goed toegerus, dit is privaat, dit is netjies en gewoon net 'n lekker plek om in te bly. Toegang was maklik in die Wildlife Estate en dit is super veilig. Die diere kom kuier gereeld in die tuin. Ons kan dit met groot vrymoedigheid aanbeveel. Engela het alles puik gereël en dit was vir ons 'n baie goeie ervaring. Sien julle sommer gou weer as ons Hoedspruit se kant toe kom.

Skoon en netjiese selfsorg-eenheid.

The Bush Hut is 'n skoon en netjiese selfsorg-huis wat aan al my verwagtinge voldoen het. Ek was wel ietwat ongerieflik om die braai te gebruik omdat die skoorsteen se bo-punt minder as 1 meter van die grasdak is en dit 'n brandgevaar inhou. Moontlik kan die eienaar oorweeg om die skoorsteen van die braai op te bou tot bo die vlak van die grasdak.

Die foto's is nie naastenby 'n goeie prentjie van hoe lekker en mooi die plek is nie! Ons het só lekker gebly al was dit net een aand.

Skoon. Goeie diens. So mooi en rustig.

Lieflike boservaring!

Skoon en netjiese verblyf. Wonderlik om in die bos wakker te word en die vlakvarke voor die venster te sien. Sal die plek aanbeveel.

In die bos op sy beste!

Ons verblyf baie geniet! Pragtige plek met 'n buitestort. En groot bad. Kombuis goed toegerus. Lekker braai- en kuier-area. Aircon was verwelkomend, area baie warm. As jy van die bos hou, wild op jou stoep wil sien en goeie geriewe geniet met uitstekende diens, besoek die Bush Hut.

Vlakvark Prethuisie.

Oulike oornaghuis. Baie goed toegerus, maar klein bietjie vuil hier en daar. Hier kort net 'n groot blik beskuit vir die gereelde vlakvarke wat elke dag kom kuier - dis vet pret. Oppas hulle kan byt. Hou hande weg en bly op die stoep. Nagelang van ons land se Eskom probleme kan oornagplekkies asseblief mini gasstofies in die kombuis sit. Dankie vir die solar liggie ─ dit werk oulik. Dankie aan die eienaar van die huisie vir die gebruik daarvan - ek sal baie beslis weer die huisie bespreek.