Thorntree Lodge

Gemaklik, en waarde vir geld akkommodasie.

Dankie dat julle ons op die laaste nippertjie kon help met verblyf, asook om ons die laat inboek tyd tegemoet te kom.

Heerlik gebly in die natuur maar naby genoeg aan die universiteit.

Die eenheid was netjies en skoon en ek het heerlik gebly.

Was baie lekker bosveld gevoel! Gaan beslis in die toekoms weer gebruik.

Die verblyf en fasiliteite was bakgat. Die buurman het ongelukkig tydige en ontydig gerook wat sleg was. Dis egter buite die beheer van die verblyfplek.

Gerieflik en skoon .

Dit was baie lekker, dankie!

Baie lekker.

Ons het baie lekker gebly. Omdat ons 4 van die eenhede bespreek het, was dit lekker om 'n groot gemeenskaplike kombuis te hê.

Heerlike verblyf naby aan Potch maar in die bosveld.

Ons het baie lekker gebly, naby aan Potch maar nog steeds in die bosveld.

Fantasties.

Baie skoon en netjies. Geen probleem gehad om in en uit te beweeg nie en baie veilige ligging.

Rustige atmosfeer, voel of jy diep in die bos is maar enkele minute van alles. Werklik lekker.

Julle sal nie spyt wees nie.

Rustigheid met die bosveld.

Thorntree is 'n rustige oornagverblyf, is grondpad tot daar maar sal die plek vir enige iemand aanbeveel.

Netjies en skoon, puik kliëntediens!

Die eienaars en bestuurder van Thorntree Lodge was uiters vriendelik en baie tegemoetkomend teenoor ons behoeftes. Die aard van ons besoek het ons verblyf baie onvoorspelbaar gemaak, maar niks was vir Thorntree Lodge te ongerieflik of te veel moeite nie en hulle het ons in alles geakkommodeer. Welgedaan en baie dankie!

Voel soos Bosveld, maar naby dorpsgebied.

Baie vriendelik mense en stil atmosfeer. Kamers netjies en skoon. Sal aanbeveel.

Goed, maar ander gaste/inwoners het die hele aand geraas.

Ons kon glad nie slaap nie. Die geraas was baie erg, ons kon nie slaap nie.

Het heerlike gebly, geslaap, baie netjies. Die grondpad van ± 1km kort net bietjie aandag.

Ons het heerlik gebly, ons kar is net baie laag, so die grondpad was nie ideaal nie. Veral as jy moet in en uitry nie. Ek stel voor die grondpad word bietjie geskraap en opgeknap dan sal baie meer mense daar bespreek.

Skoon en netjies, vriendelike personeel en al die basiese geriewe vir een nag se verblyf. Vanweë 'n baie rowwe grondpad, is toegang tot die lodge moeilik.

Die grondpad is nie goed onderhou nie en meeste voertuie sou nie dit kon aan pak nie.

Verrassend landelik, so naby die dorp.

Die kamer was netjies en skoon, met genoeg handdoeke en 'n welkom-sjokolade op die bed. Daar is 'n ketel en koffiemaak-tafel in die kamer, en daar was ook later in die middag beskuit vir ons gelos. Die gemeenskaplike kombuis en eetkamer was egter vuil, onnet en vol sigaretstompies. Om die mikrogolf te gebruik moet jy die rook-stank trotseer. Ongelukkig oorskadu dit die rus en vrede van 'n oornag-plek waar ons selfs 2 wilde hase van ons stoep af kon dophou en die genot wat ons gehad het om al die voëls in die doringbome te sien en hoor. Met die grondpaaie en al die reën was ons bly ons het met 'n 4x4 gegaan.

Naby die dorp, maar in rustige ligging.

Baie gerieflik naby aan die dorp, maar steeds in 'n plaasatmosfeer.

Skoon, smaakvol en perfekte kuier plek.

Kamer smaakvol gemeubileerd. Badkamer ruim en meer as genoeg handdoeke voorsien. Tee- en koffiemaakgeriewe in kamers met beskuit was 'n treffer. Kombuis lekker ruim met baie kuierplek. Ek kon nie fout vind met enige iets nie. Tien uit tien.

Pragtige, skoon en goed toegeruste plekkie.

Ons het baie lekker by Thorntree Lodge gebly. Dit is 'n baie netjiese en skoon plek. Alles wat mens nodig het is in die kombuis. Lekker braaiplek en heerlike groot eetkamertafel waar mens lekker kan eet en kuier. Kamer is baie skoon en netjies en goed ingerig. Ons het baie lekker gebly en sal weer daar tuisgaan. Baie dankie.

Plaas naby die dorp.

Ek en my gesin was aangenaam verras met Thorntree Lodge. Die kamers was ruim en gemaklik en die braai- en kombuisgeriewe was skoon en voldoende vir die voorbereiding van 'n genotvolle aandete en ontbyt. Die lodge het 'n plaasatmosfeer maar is steeds 'n gemaklike afstand van die dorp. Dankie vir 'n wonderlike ervaring.

Dit is 'n mooi plek.

Die gasvrou is baie vriendlik en syt my baie vinnig gehelp

Lekker stil en netjies.

Tannie Rina is dierbaar en so behulpsaam gewees sal definitief weer by Thorntree Lodge slaap.

Naby genoeg aan Potch om vinnig in te skiet, ver genoeg om stilte van die veld te kan waardeer.

Die ligging van hierdie plek kan nie geklop word nie. Rustig in die veld, maar slegs 'n paar km van die universiteit af. Die lodge is nog baie nuut, so daar is nog 'n paar stukkies onderhoudswerk wat raak gevat moet word. Ek glo dit sal vinnig gebeur. Jy moet deur 3 veiligheidshekke gaan om daar uit te kom. Ek was nie bewus daarvan nie en die kode om in te kom was nie aan my verskaf nie. Dit het dit nogal ongemaklik gemaak, so maak seker jy kry die kode vir die hekke voor jy daar opdaag. Dit is 'n grondpad vir die laaste km na die lodge toe. Ek ry ’n Golf VI en het op meer as een plek op die middelman geskuur. Ek stel voor dat jy met 'n voertuig gaan wat effens meer ryhoogte het as 'n golfie. Die kamers is baie netjies skoon en keurig gemeubileerd. Daar is 'n gesamentlike kombuis en braaiplek. Dit het alles wat mens nodig het. Daar is ook 'n yskas met 'n groterige vriesafdeling in die kombuis. Die buitenste dekor in die tuintjie gaan nie almal se "cup of tea" wees nie, maar dit is seker maar die lodge se keuse.

Absoluut heerlik, geen blaffende honde of motorfietse in die middel van die nag nie.

Lieflike plek, baie netjies en skoon, heerlike braai area. Geen blaffende honde of padgeraas nie, kon heerlik slaap na lang dag op die pad. As ek weer in die area is, is dit die plek waar ek bespreek.

Aanwysings na lodge was nie voldoende nie.

Aanwysings na lodge was nie voldoende nie. Net een aanwysing op plaaspad gewees. Afstandbeheer van veilgheidshekke het nie gewerk nie. Kamer was wel baie netjies en skoon.

Dit was heerlik en rustig.

Dit was netjies en so heerlik om net in die 'bosveld' te sit en na die naggeluide te luister. Ons sal beslis weer daar gaan kuier.

Fantastiese, vriendelike, veilige verblyf naby alles en nog steeds in die natuur!

Ons het baie vriendelike mense ontmoet. Alles naby maar nog steeds in die natuur. Heerlike kuierplek. Skoon en veilig.

Netjies en gesellig.

Dierbare mense, verskriklike netjiese kamers, lekker storte. Lekker braai- en kuierarea. Ons het dit rerig baie geniet en sal beslis weer soontoe gaan. Baie dankie vir alles.

Vinnige besoekie aan hierdie plekkie in 'n tipiese "bosveldatmosfeer" is net die regte ding vir 'n dorpsjapie uit Gauteng.

Thorntree Lodge is geleë in 'n klein paradysie, 'n hanetree uit die dorp. Die Bosveldatmosfeer het my bekoor en ver weg van die stad se gedruis met sy sorge laat voel. Die kamer is baie netjies en ideaal vir iemand wat 'n lekker oorslaapplek nodig het. Die gasheer en sy vrou is vriendelik en het die ekstra myl geloop om seker te maak dat alles gerieflik en reg is. Baie dankie vir 'n heerlike wegbreek in die bosse.

Dit was rustig.

Dit is natuurskoon en stil.

Lekker net soos die vorige keer.

Dankie, dit was lekker om daar te kom na 'n lang dag by O.R. Tambo en die stilte te kon ervaar. Plek is nog steeds so netjies en skoon soos toe ons die vorige keer daar was. Julle diens is voortreflik!

Gasvry en baie netjies.

Met my aankoms was ek flink gehelp alhoewel dit na-ure was. Ons het dadelik welkom gevoel. As ek dalk iets mag voorstel sal ek daarvan gehou het as die kamer met 'n televisie toegerus was. Party mense verkies natuurlik die stilte ook. Verder het ek geen ander probleme en het ek die oornag geniet.

Baie gerieflik en baie gasvry.

Sien sterre.

Daai is 'n naweek wegbreek. Baie nice en rustig.

Was 'n heerlike plek om te oornag. Omdat dit 'n plaas is, is die toegang bietjie moeilik, veral sou dit 'n vrou wees. Maar dis mooi rustig en veilig.

Lekker rustig.

Nie rystoelvriendelik nie. Sou graag 'n stoel in die woonstel wou hê.

Baie minder as verwag.

Met my aankoms is ek meegedeel dat my kamer steeds vuil was, en dat ek 'n ander kamer kan kies (die vorige persoon is reeds die vorige dag uit, so daar was oorgenoeg tyd om dit te kon regstel). Daar was geen kamer met 'n dubbelbed beskikbaar nie. Toe ek later met die bestuurderes praat, was haar woorde "Ons gee maar gewoonlik die enkelbedkamers vir enkel persone", ten spyte daarvan dat ek 'n dubbelbed bespreek het, en het uit haar houding dit duidelik gemaak dat my problem haar nie aanstaan nie. Die kamers is baie klein, en alhoewel daar 'n klein tafeltjie is, is daar is geen stoele nie. Dus is die enigste opsie om op die bed te sit en werk. Daar is nie 'n boonste laken op die beddens nie, en slegs 'n baie dun duvet. Daar is komberse in die kas, maar die kamertjie was yskoud toe ek daar was, en dit was 'n baie koue nag. Die plek is redelik ver uit die dorp uit. Positiewe punte; hulle gee 'n boksie regte melk vir koffie en 'n botteltjie beskuit. Die stort het 'n ordentlike stortkop wat 'n lekker breë straal gooi. In geheel was ek baie teleurgesteld, en sal beslis nie weer daar bly nie. Thorntree Lodge sal waarskynlik beter klassifiseer word as 'n "backpackers", en beslis nie geskik as jy na 'n lang dag enige gemak verwag om jou verblyf bietjie meer huislik te maak nie.

Was very nice, enjoy our stay.

We would stay here every time we visit Potchefstroom. Clean quite very nice.

Wonderlik!

Die verblyf was baie netjies en aangenaam en daar is regtig alles wat jy benodig vir selfsorg. Baie rustig en veilig. Die eienaar, Rina, was baie vriendelik en behulpsaam. Ek sal verseker teruggaan soontoe wanneer ek weer Potchefstroom besoek.

Mooi, lekker, aangenaam.

Het lekker gebly.

Heerlike ervaring.

Veilige, rustige plaas atmosfeer met die mees gasvrye mense.

Aangename mense wie se plek skoon, netjies en veilig is.

Die gasvrou, Rina het ons hartlik ontvang. Die ligging was perfek vir ons omdat dit 10 min vanaf die universiteit se hoofkampus is. Die eenhede was baie netjies en skoon. Ons het rustig geslaap en ons voertuig was baie veilig. Baie dankie Rina. O ja! Die koffie en veral die beskuit was heerlik.

Skoon en rustig.

Vriendelik ontvang. Die eenhede was baie skoon en netjies. Baie stil en rustige omgewing. Het die springbokkies wat op die gras wei geniet.

Heerlik gebly! weg van die dorp en lekker rustige atmosfeer!

Ons almal het lekker gebly! Buite die dorp en is lekker rustig maar ook naby genoeg om by alles uit te kom!

Rustig.

Ek het baie lekke gekuier en gebly en Rina se gasvryheid was ongelooflik. Ek sal definitief wees daar gaan bly.

Fantastiese verblyf. Stil en rustig en 'n klipgooi van Potch af.

Baie netjies en goed toegeruste verblyf. Baie naby aan Potch. Naby genoeg om te gaan inkopies doen en ver genoeg om die bosveld-atmosfeer te kan geniet. Dankie Tannie Rina en Oom dat julle ons so welkom laat voel het. Sal beslis julle venue vir mense aanbeveel... Lekker plek vir familiesaamtrek of vir 'n langnaweek weg as jy stilte vir jou siel nodig het.

Baie rustig!

Baie lekker, sal beslis weer hier tuisgaan.

Definitely worth my while.

Enjoyed our stay completely. Very clean and set in a lovely quiet environment. Just outside of the busy town life perfect for those wanting a quiet escape, but in close enough range to shops. Run by a very friendly couple who contributed to our comfort during our stay.

Net uit die dorp uit.

Wat 'n wonderlike oornag-plekkie. Ons geniet die buitelewe ongelooflik en Thorntree skep absoluut die bosveld atmosfeer. Koppie koffie met beskuit terwyl jy na die springbokkies kyk of 'n lekker kampvuur om jou aand af te sluit. Baie dankie vir die ekstra bedjie vir my dogtertjie. Ons sal weer kom kuier!

Beste selfsorg plek waar ons nog ooit gebly het.

Wat 'n plesier om by Rina en Phillip twee dae oor te kon slaap. Die rustigheid en die stilte is behoorlik aanvoelbaar. Pynlik skoon en netjies.

Baie lekker gebly! Sal definitief weer kom!

Baie vriendelike diens! Kamers is baie netjies.

Rustige omgewing, naby universiteit, uitnemende diens.

Sal definitief aanbeveel, vriendelike diens.

Rustige omgewing.

Bokke loop vry rond!

Baie tevrede, kamers was baie skoon en netjies.

Diens van eienaar baie goed, kamers baie skoon en netjies. Sal dit definitief aanbeveel en die prys is ook goed.

Rustige plaasverblyf.

Plattelandse gasvryheid op sy beste! Baie dankie Rina!

Netjies en rustig - beslis die moeite werd.

Baie lekker gebly en die rustigheid waardeer. Naby genoeg aan die Universiteit.

Dit was heerlik om so rustig wakker te word!

Daar was pragtige springbokkies wat naby die kamer was. Dit was heerlik om met soveel rustigheid en natuurskoon wakker te word.

Netjies, skoon en stil.

Baie gasvry. Baie netjies, skoon en lekker stil buite die dorp.

Baie netjiese lodge, heerlik geslaap. Thorntree Lodge word aanbeveel.

Baie netjiese lodge in die middel van die natuur, naby Potchefstroom. Heerlik geslaap, Thorntree Lodge word aanbeveel.

Great!

Sal dit aanbeveel vir enige iemand.

Kort maar aangenaam.

Waarde vir geld en rustig.

Het dit baie geniet!

Kyk na die sterre hier onder!

Dis baie lekker rustig daar.

Lekker kamers en die bokkies loop so tussen die geboue deur. Ons kon nie glo dis net 3 km vanaf Potchefstroom nie! Ons het baie lekker daar gebly. Gaan definitief weer daar bespreek vir 2016 Aardklop.

Die verblyf het alle verwagtinge oortref. Netjies, skoon, gasvry en geriewe omvattend.

Baie dankie Rina en Phillip. Ons was verras deur die pragtige geriewe wat ons aangetref het. Alles was gereed vir ons verblyf (al was dit voor die inkloktyd). Die ontvangs was vriendelik en verwelkomend. Die kamer was netjies, skoon en gerieflik. Dit wat by Thorntree Lodge gebied word, is aan te bevele by enige besoeker aan Potch of omliggende gebiede. Die rustige omgewing bied rus en vrede vir die gemoed. Voorspoed en seënwense aan Rina en Phillip. Ek hoop dit reën gou.

Very friendly welcome, will surely come again!

Great view, surely a great place with a very, very affordable price.

Heerlik!

Ongelooflik rustig en skoon. Tannie Rina en Oom Phillip het my verwelkom asof ons mekaar al lank ken, met vriendelikheid en omgee. 'n Huis weg van die huis af.

Ek het gebly vir 'n week tydens studies.

Waarde vir geld, baie rustig en baie netjies.

Baie netjies, billik en rustig.

Netjiese kamers, ten volle toegeruste kombuis en lekker braai-area. Lekker vir 'n rustige naweek-wegbreek!

Alles aangenaam en het in al ons behoeftes voorsien.

Netjies en rustig. Baie dankie vir die ekstra moeite om ons laataand by die hek te kom haal.

Aangename verblyf.

Sal definitief weer daar gaan bly.

Ideale wegbreek!

Wonderlike plek, met 'n lekker rustige atmosfeer - ideaal vir 'n wegbreek! Uitstekende waarde vir geld. Philip en Rina is werklik gasvry, het sommer dadelik tuis gevoel. Dankie vir 'n onvergeetlike naweek, sien jul definitief weer!

Uitsekend!

Baie dankie tannie Rina, was so lekker, het gevoel of ek op die plaas was by my ma se huis. Baie mooi plekkie en tannie sal ons verseker weer sien!

Awesome plek!

Ons was ses vriende vir 'n wegbreek-mannenaweek. Ons het 'n plekkie gesoek waar ons privaat as ou vriende kan kuier, rugby kyk en ontspan - weg van die stad se gejaag - êrens in die veld. Tannie Rina en Oom Philip was baie gasvry. Die kamers was bitter mooi en netjies. Die kombuis was vol toegerus, en die boma-vuurtjie het heeltyd gebrand. Die bokkies gee ook n aangename rustigheid aan die welkome atmosfeer. Ons het met die idee gegaan om ons jaarlikse mannenaweek daar te hou; en die lodge verlaat met die gedagte om mannenaweek op Thorntree 'n jaarlikse instelling te maak!

Everything was great, friendly people, clean, comfontable, quiet - all over very good!

We had a very welcoming experience and comfortable stay. Facilities was great and the peacefulness surrounding with springbuck and blesbuck walking around was great. Feels almost like being in the bushveld.

Sal beslis weer gaan!

Wonderlike, vriendelike mense. Baie netjiese verblyf. Goeie waarde vir geld!

Fantasties!

Dit is die wonderlikste, rustigste en privaatste plek. Die gasvryheid wat ons beleef het was onbeskryflik. Die eienaars Rina en Philip is die oulikste mense en ek sal enige iemand aanbeveel om by Thorntree te gaan oornag of sommer 'n paar dae te bly. Thorntree sien ons beslis gou weer.

Fantasties!

Sal definitief die plek aanbeveel. Ons het die beste gasvryheid beleef en die plek gee mens die gevoel dat jy deel is van die familie. Die eienaars Rina en Phillip is wonderlike mense. Hul sien ons verseker gou weer.

The place is a gem!!!!

The place is a gem!!!! Would advise any nature loving person to visit. It offers great peace of mind, and Rena/Phillip (the owners) really have their guests interests at heart. I'd love every minute of it..

Baie netjies en rustige.

Puik! Kan dit regtig aanbeveel.

Wat 'n aangename ervaring.

Lekker verblyf in die Bosveld, Thorntree definitief die regte naam vir die lodge. Rina en haar man het uit hulle pad gegaan om dit vir ons so gemaklik moontlik te maak om nie eers van die gasvryheid te praat nie. Definitief 'n plek waarheen ons sal terugkeer. Weereens baie dankie, Rina.

Fantasties, privaat. Die rustigheid wat mens beleef is regtig iets besonders, sal dit regtig aanbeveel vir ander

Geleë op 'n uitstekende plek, die vriendelik ontvangs en moeite wat gedoen word, word waardeer!

Die verblyf by Thorntree Lodge was baie gemaklik en beslis waarde vir geld.

Kamers is netjies en toegerus met alles wat jy benodig. Daar is selfs 'n groot gedeelde kombuis waar jy jou kos kan voorberei en vuurmaakplek as jy sou wou braai. Indien jy 'n plekkie soek om net weg te raak in die natuur is dit die regte plek vir jou. Alhoewel dit 3 km buite die dorp is was dit nie vir ons 'n probleem nie omdat ons verkies het om nie in die raserige dorp te wees nie.

Highly recommended. Very neat and well appointed.

Will definitely go back when next in Potch.

Goeie diens, gasvryheid en rustige omgewing dra by tot goeie verblyf.

Ek en my dogter het daar geslaap. Sou aanvanklik een dag bly. Ons het egter besluit om langer te bly a.g.v goeie diens en die rustige omgewing.

Aangenaam!

Baie goeie area en ligging. Als was smaakvol gedoen en spreek van goeie waardes. Sal verseker die plekkie aanbeveel en weer gebruik.

Baie netjies en goed ingerigte akkommodasie.

Ons het ons verblyf geniet. Akkommodasie baie gerieflik en netjies. Die gasvrou is baie aangenaam. Sal dit definitief aanbeveel.

Familie-byeenkoms vir gradeplegtiheid van student

Verblyf is uiters netjies en gerieflik. Buite dorp, maar binne redelike afstand van NWU en sakekern, lekker braaigeriewe vir kuier saam met familie en vriende. Vriendelike en behulpsame eienaars!

Baie netjies en skoon, groot genoeg vir een nag se verblyf.

Baie netjies en skoon, groot genoeg vir een nag se verblyf vir nie-selfsorg eenheid.

Aangenaam verras met alles!

Sal vir seker weer hier tuisgaan en kan dit met lof aanbeveel!

Wonderlike plaaservaring!

Heerlik onder die sterre en doringbome gebad en ontspan.

Voorwaar 'n aangename besoek gewees!

Sien die sterre.