Villa Riviera 24

Great ervaring.

Ek en my seun wou nie vertrek nie. Die eenheid se logging is fantasties en die plekkie is toegerus met als wat mens benodig.

Hartenbos is kos vir 'n mens se siel.

Die uitsig was prentjiemooi. Sekuriteit was baie goed. Ek sal beslis Villa Riviera 24 aanbeveel. Hartenbos vakansie was als die moeite werd. Son, see en rus. Dankie Villa Riviera 24.

Mooi plek en baie potensiaal maar sal ongelukkig nie weer terug gaan.

Die plek kan baie lekker wees. Ons het ongelukkig 'n dag vroeër gery omdat vlooie ons gebyt het deur die nag. Wanneer daar loadshedding was, het groot kakkerlakke uitgekom. Ons het net drie gesien. Die woonstel het 'n baie bedompige reuk gehad soos 'n plek wat lank toegestaan het. Ek sal aanbeveel dat hulle net daardie gifbomspuitbottels vir insekte in die plek spuit om die sandvlooie en kakkerlakke dood te maak. Dan ook dalk 'n venster oop te laat dat dit nie so bedompig is nie.

Geen waaier of iets soortgelyk nie. Moet dus met deur en vensters oop slaap en die area langs lagoon is betrek met muskiete. Dus het ons 4 nagte van min rus gehad en moes in sitkamer slaap vir meer sirkulasie.

Daar is ook geensins voorsiening gemaak vir beurtkrag nie, slegs 2 kerse. Dit nie meer aanvaarbaar nie aangesien dit deel van ons lewe is. Geen waaier of iets soortgelyk nie. Eenheid baie bedompig in somermaande met baie muskiete a.g.v. die lagoon en grasarea. Met die gevolg dat alle vensters en deure oopgelos moet word vir sirkulasie.

Pragtige uitsig, netjies, gerieflik.

Pragtige plek, baie skoon en netjies, mooi uitsig, gerieflik naby alles. Baie veilig.

Lekker gekuier.

Ons het lekker gebly. Goeie ligging. Baie veilig. Wat vir my teleurstellend was is die onderstaande: Geen yster (moes maar een gaan koop). Was 'n mop , maar geen houer vir mop. Tafel in sitkamer het ek weg geskuif en daar was nie skoon gemaak nie. Banke is al verby hul vervaldatum. Geen toiletpapier, toilet spray, ketel se oor raak vuur warm en sit nie af nie. Indien iemand gesê het ons verskaf niks ekstra nie, dan sou ek beter beplan het. Daar is 'n wasmasjien, maar aan niks gekoppel nie. Weet nie of Hartenbos se troeteldiere in kombuis klein miere is nie, want kombuis was vol klein miere. 'n Mens kan niks op tafel los nie (ek praat nou nie eers van soetgoed nie), miere kruip in als in. Ek hou nie van 'n mier nie (groot of klein). Eerste keer in Hartenbos - het see en waterfront geniet.

Baie netjies, gerieflik en goed geleë naby see en winkelsentrum.

Hierdie akkommodasie kan ons beslis aanbeveel. Eienaar en agent is baie vriendelik en hulpvaardig. Die plekkie is pragtig en het 'n mooi uitsig.

Lekker gebly.

Beddens kan vervang word. Motorhuis te klein vir Amarok. Deur kan nie toe nie.

Plek was mooi skoon, oulik vir 'n wegbreek.

Net teleurgesteld gewees toe ons daar aangekom het was daar konstruksie werk aan die voorkant van die lagoon en die masjiene het ontsettend geraas, selfs met die skuifdeure toe wat uitloop na die balkon het ons dit nog steeds gehoor. Daar was nie ekstra komberse nie, en daar was ook nie kussings vir die stoele op die balkon nie, tensy ons dit alles mis gekyk het, maar ons het orals gesoek. Wat ons ook nie geweet het nie is dat die woonstel op die 2de vloer is, so die 32 trappe op was nogal moeilik gewees vir iemand wat sukkel om trappe te klim en nog met bagasie ook, geen hysbakke nie.