Watersedge 3

Ongelooflik.

Middag, ons het baie lekker gebly, net jammer ons kon nie langer gebly het nie.

Ons het baie lekker hier gekuier en sal beslis weer kom.

Hierdie is die lekkerste eenheid in die Weskus. Jy loop net die stoepie af en 'n paar tree, en is by die water. Ons het heerlik op die stoep gesit en Tafelberg gegroet. Die eenheid is groot, netjies en het alles wat jy nodig het, is daar.

Wonderlik! Uitstekend! Berg en see!

Al was dit koud en reënerig, was dit 'n wonderlike ondervinding! Jy word elke oggend wakker met die see in jou ore en jou oggendkoffie met 'n berg- en seeview! Ons het 'n ongelooflike paar dae gehad!

Lovely.

Excellent location and beautiful on the beach getaway.

Beslis moeite werd om jou skoene uit te skop en te ontspan. Alles wat jy nodig het.

Wat 'n heerlike verblyf. Vandat ons stilgehou het tot vertrek. Vriendelike mannetjie by groot ingang wat aangebied het om bagasie in die woonstel te kry.

Asemrowend.

Pragtige uitsig, baie gerieflik binne. Alles wat nodig is. Ons het baie lekker gebly en sal beslis weer kom.

Saligheid.

Ons het so lekker gebly. Die kinders het dit baie geniet om so naby die see te wees. Daar is alles wat mens nodig het in die plekkie.

Sal definitief weer terugkom.

Baie lekker, gerieflik en sentraal.

Oppie strand.

As jy bang is vir die Kaapse wind, sit op die strand in Watersedge 3. Dit is letterlik op die strand en het die mooiste uitsig op Tafelberg.

Wonderful.

We had no complaints and our stay was very good.

Won't be staying here again due to above points.

Unfortunately, no inverter or battery back up when load shedding. No tea or coffee, sugar supplied either, which is disappointing given the price.

Ok. Lekker geslaap, genoeg toebehore in die kombuis.

Verblyf was ok. Prentjies is nie dieselfde as in die eenheid nie. Gehalte van meubels is nie dieselfde nie. Genoeg toerusting in die kombuis. TV in die slaapkamer werk nie 100% nie. Geen haardroër nie.

Nie so lekker as wat ons gedink het dit gaan wees nie.

Ons het 'n probleem gehad met die braaier en die wind, want daar is geen skerm wat die kole keer om rond te waai nie. Die woonstel bokant ons se hond het die hele dag geblaft, want daar was geen mense nie.

Baie lekker geleë en tog privaat. Direkte toegang tot die strand.

Ongelooflik lekker geleë en goed toegerus. Netjies en ruim.

It was great.

Very nice place and beautiful view.

Lekker. Net te kort!

Heerlik. Aanwysings moet net opgradeer word vir kry van die sleutel en die deur.

Heerlik, en die moeite werd.

Ons verblyf was onverbeterlik, met pragtige uitsigte op die see en Tafelberg. Slaapgeriewe was puik. Die eenheid is goed versorg en in 'n netjiese veilige kompleks naby goeie restaurante en ander winkels.

Heerlik ontspan op die stoep!

Watersedge 3 was 'n netjiese, goed toegeruste eenheid en ruim! Ons kon heerlik op die stoep sit terwyl die kids op die rotse klouter. Die direkte toegang toe die strand en rotse was 'n bonus. Dit was privaat en ons sal definitief weer daar gaan bly. Die eienaars het seker gemaak daar is genoeg komberse vir die naderende kouefront!

Relaxing.

Watersedge 3 is waarlik so 'n rustige plekkie. Nie te groot nie, nie te klein nie. Presies wat mens wil hê op vakansie. Beskik oor al die "utensils" in die kombuis wat jy nodig het. Die "milk frother" was my kinders se highlight. Klein goedjies soos dit maak 'n groot verskil. Airfryer was ook 'n great toevoeging. Genoeg komberse vir die koue aande. Selfs die WiFi en selektiewe ligte het gewerk gedurende load shedding. Ek sal die plek enige tyd aan beveel en ek kom Oktober weer terug!

Heerlike kuier in pragtige omgewing.

Die woonstel is pragtig geleë in 'n rustige omgewing. Die woonstel is goed toegerus en mens kan heerlik ontspan op die groot stoep.

Pragtige uitsig.

Goed geleë. Goed toegerus en ek sal dit aanbeveel en weer hier kom bly.

Heerlike ontspanplekkie en fantastiese uitsig.

Ver bo ons verwagtinge gewees. Baie netjiese woonstel. Loopafstand van die nodige. Rustige atmosfeer met baie mooi uitsig.

Was fantasties! Wil vir ewig op daardie stoep sit. Sal vir seker weer daar wees.

Baie rustig, stil en kalm. Op die see. Lieflike poeltjies vir kinders om in te speel. Ons seuntjie het dit baie geniet. Alles wat 'n mens nodig het.

Baie lieflike plek om te bly.

Daar kan net meer potte ingesit word.

Baie ruim.

Heerlik gebly en sal weer kom.

Dit was uitstekend.

Het dit baie geniet en die ligging is perfek vir 'n goeie wegbreek.

Uitstekende ligging en uitsig.

Watersedge 3 het weereens aan al ons behoeftes voldoen; 'n huis weg van die huis, met 'n asemrowende see-uitsig. Die astrante jangroentjie in die binnehof het net tot die atmosfeer bygedra! Baie dankie vir die heerlike verblyf, wat 'n harde werksweek ligter gemaak het. Ons sal gou weer terug wees!

Great veiw and location.

Fantastic views and location. Comfortable enough. Looks like the Owner left in a hurry. The owner's Personal possession was still laying around. The cupboards are all marked private. No place for guests to pack away their things as all cupboards are marked private in the living area. No place in the kitchen for guests to pack away groceries either. The kitchen cupboard that isn't locked, is very dirty. Pots and pans were dirty. No dustbin bags, cleaning, drying clothes or toilet paper in this unit. The cupboard space in bedroom 2 is shared with the vacuum cleaner. The owner should be guided as to what is expected from a vacation rental. This place has wonderful potential.

Baie lekker en gesellig. Rustig en pragtige uitsig.

Net die braaigeriewe is bietjie ongemaklik met die Weber en geen houtbraai word toegelaat nie.

Bespreek vandag. Dis ongelooflik.

Het elke oomblik geniet, alles was 100% perfek. Asemrowende ligging, alles wat mens nodig het en meer.

Brother got engaged there the weekend, will always remember the place and will definitely return.

Best place for perfect getaway.

Asemrowende wegbreek.

Gerieflik, mooi uitsig. Baie lekker gebly. Wens ons kan langer. Tot 'n volgende keer.

Ons het baie tuis gevoel. Asemrowende uitsig. See en Tafelberg.

'n Baie gerieflike woonplek. Netjies, skoon en gemaklik - vriendelike diens van eienaar. Sal definitief weer by Watersedge 3 gaan kuier. Is aan te beveel.

Uitsig op see, sonsondergang, rustigheid.

Die uitsig op die see was die eerste ding wat my oog gevang het deur die skuifdeur. Dis rustigheid en stiltetyd weg van ons besige dae was besonders.

Uitstekende diens, die plek is perfek, netjies en skoon.

Lekker by die see, rustige atmosfeer, absoluut fantastiese huis, gerieflik en asemrowend mooi.

Ons was paar skoolvriendinne wat baie lekker saam gekuier het in die eenheid.

Alles was in eenheid wat ons nodig gehad het. Strand en restaurante is in loopafstand en het ons veilig genoeg gevoel om sommer te stap. Die mooiste uitsig oor Robbeneiland en Tafelberg.

'n Groot bederf.

Die woonstel het die mooiste uitsig en mens kan Tafelberg en die see selfs van jou rusbank af geniet. Baie gerieflik met 'n volledig toegeruste kombuis. Stapafstand van al die restaurante. Veilige "basement" parkering. Alhoewel dit nie vir ons 'n probleem was nie, sal ek wel sê dat dit moeilik vir ouer mense sal wees om bagasie op en af te dra vanaf die kar, aangesien daar nie 'n hysbak is nie. Ons het dit baie geniet en sal graag weer hier bly!

Rustig, veilig, gemaklik.

Rustige, veilige en pragtige woonbuurt. Dit is 'n luukse kompleks met streng sekuriteit en onderdakse parkering. Ongelukkig is daar net trappe na die eenheid. Die eenheid is vol gemeubileer en beddens baie gemaklik en groot. Pragtige seeuitsig en maklike toegang tot strand. Die eenheid benodig bietjie aandag, veral wat breekgoed in die kombuis, skoonmaak en verf van die geroeste vensters betref. Het nogsteeds baie lekker gebly.

Fantastic.

It is a lovely place and we really loved it. There was just one thing that wasn't nice and that was the fish smell in the apartment that was the only thing we didn't enjoy but other then that it was stunning.

Goeie ligging, netjiese woonstel.

Sou net verkies dat eetgerei meer as 4 elk is. Ons verkies ook net dat ons vakansie-akkommodasie nie in iemand se huis is waarin hul voltyds bly nie, voel of jy in iemand se spasie bly. Persoonlike keuse.

Lekker gebly.

Het heerlik hier gebly. Die see is reg op die voorstoep. Enigste nadeel was die vloer was nie skoon nie.

Rustig met 'n pragtige uitsig!

Rustige atmosfeer. Daar is alles wat nodig is. Heerlike stoep met Weber. Fantastiese uitsig.

Skoon, netjies met die mooiste uitsig.

Pragtige plek. Carine het ons baie mooi met alles gehelp.

Fantastiese uitsig oor see en mooi woonstel.

Watersedge 3 is 'n baie mooi moderne woonstel met awesome uitsig oor die see en Tafelberg.

Pragtige akkommodasie reg op die see.

Als was wonderlik, die huisie is reg op die see en stapafstand na winkels en restaurante, perfekte vakansieplek.

Pragtige uitsig en lekker sentraal geleë.

Goeie afpakplek om die mooiste Kaap te verken.

Asemrowend

Pragtige plekkie. Mooi uitsig oor die see en Tafelberg. Ons het heerlik gekuier. Baie dankie julle vir die pragtige plekkie.

Peaceful.

I took my parents for a surprised getaway and to my surprise they enjoyed it tremendously. Thank you so much for a wonderful stay. I will definitely come again.

Vir nader aan die see, moet jy op 'n bootjie wees.

Watersedge 3 is ongelooflik goed geleë, nie net het jy 'n perfekte uitsig op tafelberg nie, maar wanneer die wind waai of dit reën, kan jy met gemak die deure oophou. Die diens en kommunikasie was fantasties, met veilige parkering en direkte toegang tot die strand, wat meer kan mens vra?

Netjies, skoon en 'n asemrowende see view.

So lekker plek!

Great place for short periods.

Clean and neat, great view. Perfect for a short stay, not much packing space, not much privacy.

Baie gesellig.

My familie was baie gelukkig en ons het die verblyf baie geniet.

Was gerieflik

Baie lekker gebly, lekker gerieflik, voel net daar kan bietjie herstelwerk gedoen word veral die baie gebreekte teëls in eetkamer, ek het op dit getrap en my amper gesny.

'n Huis weg van die huis.

Ongelooflike uitsig van Tafelberg en see hier op jou voorstoep! Heerlike huislike gevoel, alles daar wat jy nodig het. Skoon en netjies. Sal beslis weer bespreek in toekoms. Het gereis met 'n bejaarde en ideaal vir iemand wat soms net tuis wil bly en die uitsig geniet. Badkamers ietwat onprakties maar daar was soveel ander pluspunte wat dit oorskadu het. Baie dankie Christa vir jou vriendelikheid!

Beste plek in Melkbos.

Baie lekker gekuier. Plek is goed ingerig en die beddens is gemaklik.

Beste ligging! baie netjies, baie skoon, mooiste dorpie! laaaaaaang strand stappies.

Bitttttter lekker!!!

Pragtige uitsig en perfekte ligging.

Die eenheid is heel gerieflik en het alles wat nodig is. Die hoofslaapkamer se deur na buite werk nie en vir die warm weer wat daar in die Kaap was die week sou dit baie gehelp het as die deur kon oopmaak. Die badkamer in hoofslaapkamer se toiletsitplek is ook nie 100% nie. Dit is 'n baie oulike skoon plek en ons sal dit beslis weer gebruik met 'n volgende besoek aan die Kaap.

Uitstekend.

Uitstekende ligging en uitsig! Netjiese verblyf in 'n stil omgewing . Dankie Carine, julle plek is pragtig! Ons het heerlik gebly.

Heerlik.

Skoon, netjies met wonderlike uitsig. Maklik bereikbaar vir mense wat sukkel met trappe. Heerlike verblyf. Sal definitief dit weer wil bespreek.

Lekker plek en goeie waarde vir geld.

Sal graag 'n ekstra bos sleutels wou hê omdat mens nie in en uit kan gaan sonder sleutels nie. Baie netjies en skoon en goeie waarde vir geld.

Reg op die see - heerlik.

Netjies en skoon en lekker dat dit so reg op die see is. Ons kon net nie 'n sleutel kry vir die hoofslaapkamer se skuifdeur nie - wat 'n jammerte was. 'n Waaier in die slaapkamers sal ook goed wees, veral in somer.

Wonderlike ligging.

Die eenheid is wonderlik geleë, daar is egter paar goedjies wat aandag kort. Mens verwag beter vir die kostes. Die leefarea en kombuis is baie goed toegerus. Die grootste teleurstelling is dat die kamerdeur wat op die seefront oopmaak, glad nie kan oop maak nie!

Die ligging was veilig. Die woonstel kort bietjie aandag. Die badkamer in hoofslaapkamer is baie onprakties.

Die woonstel kort aandag. Die badkamer in hoofslaapkamer is baie onprakties. Kan dalk ook bietjie meer matjies in kamers sit langs beddends. Vir geld wat betaal is het ons beter verwag.

Puik plek vir 'n gesin.

Lekker plekkie vir 'n gesin. Reg by die strand. Naby restaurante en lekker koffiewinkels!

Wowness!

Het heerlik gekuier. Die beddens slaap heerlik. Die uitsig so so mooi. Presies soos op die foto's. Sal definitief weer gaan. Ons het dit baie geniet, wens die naweek was 'n week!

Rustig en salig.

Die plekkie is ongelooflik rustig. Jy hoor die see en kan binne 50 m op die strand stap. Binne is dit baie gerieflik en netjies. Alles is skoon en gemaklik.

Fantasmagories.

Om wakker te word met die gewoel van die branders, die vars buitelug in die môre. Die uitstappies soggens op die strand. Die plekkie doen 'n mens se siel goed.

Fantasties.

Die woonstel en die uitsig was pragtig. Die optel en afgee van die sleutels het glad verloop. Als het net gewerk soos dit moes en ons kons ons naweek geniet!

Lieflike plek.

Asemrowende uitsig, reg op die kus. Plek is ruim, skoon en veilig. Sal dit regtig aanbeveel.

Dit was pragtig!

Ons het ons wittebrood-nag en die volgende nag hier spandeer en die uitsig was asemrowend!

Wonderlik.

Pragtige plekkie, asemrowende uitsig. Baie netjies en die gemaklikste beddens. Als en meer wat nodig is vir 'n onvergeetlike kuier.

Ligging onverbeterlik maar onderhoud swak.

Is goed geleë en veilig met veilige parkering. Braaier egter deurgeroes, roosters geroes en vuil, braaier onbruikbaar en mors kole en as op stoep. Stoof sonder gas. Vir die prys kon eienaars meer moeite doen en sorg dat alles bruikbaar is!

The view was lovely, and the apartment was fantastic.

It was a pleasure to stay at Watersedge. It was cosy and neat and I felt secure on the premises. The view was absolutely lovely, and it was a pleasure to wake up every morning to the sound of the waves breaking on the shore.

Rustige atmosfeer.

Ek en my man het al 3 keer by Waterberge 3 gebly. Dit is 'n baie netjiese, rustige woonstel met 'n asemrowende uitsig oor die see en Tafelberg. Dit is baie privaat en die mooiste sonsondergang. Ek sal elke jaar weer daar wil bly as ek met vakansie gaan. Baie vriendelike diens gehad en was beslis die moeite werd om daar te bespreek.

Ongelooflike uitsig en ligging!

Ons het 'n idilliese vakansie gehad by Watersedge en sal definitief weer soontoe gaan. Die uitsig vanaf die woonstel en stoep is onbeskryflik mooi.

Gemaklike eenheid met 'n puik ligging.

Oulike eenheid, skoon en netjies. Tuin / braaiarea kort effens aandag.

Basic but sufficient.

The location was really good. The apartment was basic though. We found the toilet seat broken, which the cleaner should have reported. I reported and it was fixed immediately though. What I did not like it the bathroom in the master bedroom. Firstly, there is no shower door/curtain, and there is only a small ledge that must prevent the shower from leaking. At each shower the water flowed over this edge, making the floor very wet. The tiles were extremely slippery when wet, so definitely a slipping edge. The other problem that the bathroom is not separated from the bedroom (no door) so you are basically toilteting in the bedroom. This is not very hygienic and a reason for me not to book it again. The bathroom should be separated from the bedroom.

Asemrowende uitsig.

Baie mooi en oulike plek. Netjies skoon met aankoms en eienaar volg op om te verseker jy is gelukkig met alles.

Stunning.

Very pleasant stay with a stunning view.

Absoluut fantasties!

Die mees fantastiese uitsig wat nie in geld gemeet kan word nie. Ons sal definitief weer daar oorbly. Plek was netjies en skoon toe ons daar aangekom het. Alles wat jy nodig het.

Very comfortable with an outstanding location.

Just needed instructions on how to use the gas oven!

Wonderlike ligging vir 'n totale see-ervaring.

Nog nooit het ek so 'n totale see-ervaring gehad nie, met geen mensgemaakte klanke nie, in totale veiligheid met wonderlike geriewe.

'n Stukkie paradys omring met die mooiste uitsig.

Ons het ons verblyf by Watersedge 3 baie geniet, dit was net te kort. Die eenheid is baie netjies en het alles ingehad wat nodig is. Die eenheid is geleë in 'n absolute paradys, 'n mens wil net die heeldag buite sit en die uitsig bewonder. Die feit dat die kompleks 'n pragtige swembad het was 'n bonus. Sal definitief weer Watersedge 3 bespreek, maar vir 'n baie langer tydperk volgende keer. Die prys vir die eenheid is 'n bietjie duur, maar die verblyf was elke sent werd.

Baie rustig langs die see met Tafelberg uitsig.

Perfekte ligging met uitsigte oor Robbeneiland en Tafelberg. Baie lekker gebly en ontspan in Melkbosstrand.

Goeie ligging met pragtige uitsig, ongelukkig wys die eenheid erge "wear and tear" en is higiëne en netheid van swak standaard.

Die eenheid is baie goed gelee met fantastiese Tafelberg en see uitsig. Die eenheid toon egter ernstige verwaarlosing en die higiëne en netheid kort ernstige aandag. Ons het dit met die eienaar bespreek en haar antwoord was dat indien ons nie tevrede is nie moet ons maar ander blyplek soek. Dit was reeds laatmiddag so dit sou moeilik wees vir ons om iets anders op kort kennisgewing te kry, sy kon ook sien dat ons moeg was aangesien ons ver gery het. Die eenheid se kostes is nie goedkoop nie en ons is bereid om te betaal maar soek dan waarde vir geld en higiëne en netheid is nie onderhandelbaar nie maar 'n gegewe.

Fantastiese uitsig en ligging. Skoon, eenvoudig en gemaklik.

Ek het saam met my familie vir 3 nagte in Watersedge gebly. Ons het baie lekker gekuier en die ligging kon nie meer perfek gewees het nie. Ek sou aanbeveel dat daar 'n boekie is wat verduidelik hoe afstandbeheer, sleutels, ens. werk. Die woonstel is nie luuks nie, maar ruim. Die kamers is netjies, die dekor gepas en die braaiplek prakties. Ideaal vir 'n lekker wegbreek by die see. Ons het heerlik gekuier en sal dit sterk aanbeveel.