Wildeman Stories Wildsplaas

Pragtige omgewing, rustigheid, gasvryheid.

Ons het 'n heerlike tyd gehad! Dit was ons derde besoek aan Wildeman Stories en nie ons laaste nie. Die akkommodasie bied alles wat 'n mens nodig het. Ons kon heerlik ontspan saam met ons kinders met die wete dat hulle nie ander mense pla nie (dit is heeltemal privaat). Die plaas is pragtig met vele diere om te sien. Ons kon werklik afsit van die besige lewe in die stad en rustig raak. Sien uit na ons volgende besoek!

Lekkerder kuier kry mens nie sommer elders nie. Puik!

Ons het 'n ongelooflike lekker naweek by Wildeman Stories Wildsplaas gehad. Die ligging is goed, 'n kort rit van Pretoria af. Die gashere is uitstekend en het ons behoorlik bederf. Die omgewing is pragtig en die rustigheid van die bosveld was moeilik om te verlaat. Ons kan nie wag om weer te gaan nie.

'n Heerlike, gerieflike ruskans, weg van die stad se geraas.

Die kuier by Wildeman Stories was wonderlik! In die chalets het niks kortgekom nie, daar was alles wat ons nodig gehad het, en meer. Die buitegeriewe is netjies en elke dag is daar skoongemaak. Daleen en Louwrens het geen moeite ontsien om ons verblyf gemaklik te maak en aan ons behoeftes te voldoen. Ons sal definitief terugkom om te gaan rus by Wildeman Stories Wildsplaas.

Perfekte wegbreek.

Daleen en Lourens het soveel moeite gedoen vir ons. Dit is 'n pragtige plaas met baie wild en natuurskoon. Ons sal beslis weer gaan kuier.

Stilte en rus. Heerlike wegbreek.

Baie aandag is gegee aan ekstras om dit so gerieflik moontlik te maak, soos byvoorbeeld, piekniekmandjies, sambrele, biltongkerwer. Elke dag word die vuur gepak, reg vir aansteek.

Baie netjies, goed toegerus en wonderlike natuurervaring!

'n Baie mooi plaas, baie wild, unieke verblyf, goed toegerus met spasie, karakter en alles wat mens wil hê en nodig het vir 'n onvergeetlike bosveld-ervaring!

Beste bos vakansie ooit!

Wat 'n wonderlike plek. Was werklik 'n wonderlike week gewees al was die weer bietjie goor vir 'n paar dae. Die wildritte was die hootgepunt van elke dag gewees. Die plaas is groot en prentjie mooi. Die wild is volop. Baie dankie vir 'n wonderlike week julle vriendelikheid, extra diens asook extras wat nie genoem was nie het dit 'n top tien vakansie gemaak. Ons kom weer!

An amazing experience.

The farm and its facilities is out of this world. Beautiful, diverse landscape with animals in abundance and flora that is magnificent. The accommodation is perfect, clean with all the the extras that you need, fully equipped kitchen with ice machine. The braai facility is fully equipped with fire wood. The facility has a swimming pool and is fully secure. Security is of the highest standard. The absolute highlight of the visit was to meet our host and hostess, Louwrens and Daleen. Not only create they a personal bond with you, but they take you on a game drive in the afternoon. What an experience. If ever you want to relax in the bushveld and be spoiled, visit Wildeman Stories Wildsplaas.

Absoluut puik.

Wildeman Stories Wildsplaas is 'n juweel van 'n plek. Absoluut rustig en still, bied die ideale atmosfeer om te ontspan en die natuurskoon te waardeer. Die geriewe is netjies en skoon en daar was meer as wat ons nodig gehad het. Die gasvryheid was iets wat ek nog nie beleef het nie, absoluut briljant. Baie dankie Wildeman Stories Wildsplaas. Ek sal verseker weer daarso inloer.

Rustig en in pragtige omgewing.

Die blyplek is pragtig en baie netjies. Goed toegerus. Alles wat jy nodig het. Linne en handdoeke van goeie kwaliteit. Bedagsaamheid het handewasseep in die badkamers. Hout vir braai voorsien. Daleen is baie vriendelik en behulpsaam. Met wildsrit het sy en Louwrens hulle stukkie van die paradys met ons gedeel. Een van die beste blyplekke wat ons nog gebruik het.

Stilte onder die groot maroela.

Die plaas beskik oor 'n verskeidenheid van landskappe wat wissel van dig beboste klowe, kabbelende waterstrome, waterval (in seisoen - ek was gelukkig) en hoogtes wat ver uitsigte bied (tot Marekele NP). Dan ook redelik plat en gelyk bosveld met groot maroelas, wildesiringe, Vaalbos en dies meer. Heerlik vir stappers en bergfietsry. Ver van enige hoofroetes so absolute stilte. Puik akkommodasie en uitstaande diens van jou gashere. Ek kan hierdie plek met groot oortuiging aanbeveel.

Rus vir jou siel, stukkie paradys, spontane gasvryheid.

Ek kan werklik maar net plagiaat pleeg en al die vorige terugvoere net so herhaal. Volgende keer sal beslis vir 'n langer tydperk wees. O ja, die nuwe lugversorging was 'n wenner. Baie dankie vir alles Lourens en Daleen.

Die ideale plek om batterye te herlaai en die natuur te geniet.

Daleen en Louwrens was die perfekte gashere vir die wegbreek. Hulle het uit hul pad gegaan om ons welkom en tuis te laat voel.

Baie rustige, netjiese plek met alles wat mens nodig het.

Dis 'n mooi plaas en die chalets is baie netjies met alles wat nodig is om te ontspan. Die grasperk en braaiplek/lapa met swembad is ideaal vir kuier met of sonder kinders. Daar is 'n drink- en voer-area wat goed sigbaar is van die chalets af waar mens gereeld kameelperde, elande, sebras, etc. kan sien. Daar is 'n opsie vir wildritte en jy kan natuurlik ook self ry of stap/fietsry.

Kwaliteit kuier.

Verblyf baie netjies, skoon en modern! Gasvryheid was tops! Sal Wildeman Stories Wildsplaas vir seker aanbeveel! Ons gaan vir seker weer gaan kuier!

Wat ’n ongelooflike sielsrus naweek met wonderlike gasvryheid.

Voorwaar ’n aanbeveling vir enigiemand wat net in die natuur wil inneem en rus.