Verified Reviews
Nieu-Bethesda
All reviews have been left by TravelGround customers staying in Nieu-Bethesda
Rated 4.6 out of 5 based on 766 reviews.
"Die paaie in en uit Nieu-Bethesda is alles grondpad, en mens kan nie vinnig ry nie. Jy ry deur wildreservate so mens sien heelwat wild. Daar is terug nie 'n vulstasie of OTM nie, so wees voorbereid."
"Nieu-Bethesda is 'n stil dorpie waar mens lekker sal kan uitrus, en sien ons beslis weer. Daar is 'n winkel op die dorp wat basiese kruideniersware voorsien, asook 'n hele aantal restaurante en eetplekke wat ons nie by kon uitkom nie. Daar is selfs 'n pizza eetplek! Die 24 km teerpad na die dorp, aan Graaff-Reinet se kant, word aanbeveel, en is toeganklik met 'n sedan motor. Die laaste 5 km is wel grondpad, maar dis in 'n goeie toestand. Ry stadig sodra jy vanaf die grootpad afdraai en geniet die uitsig."
"Nieu-Bethesda is een van daardie moet besoek plekke. Dit het 'n ou wêreldse bekoring met lekker kuier en eetplekkies. Daar is 'n rustigheid in die dorpie met sy stofpaaijies. Almal is vriendelik en behulpsaam en maak die besoek soveel meer aangenaam. Wees bewus: daar is geen brandstof, OTM's of kaartmasjiene op die dorpie nie, alles streng kontant."
"Ongelooflike klein dorpie met soveel om te doen. Die plaaslike gemeenskap is so gasvry en warmte straal uit elkeen van hulle. Baie veilig en net die regte plek om lekker te ontspan met goeie restaurante.veral die Art Centre het uitstekende etes. Die Uile Huis is 'n moet om te besoek asook die brouery en rooster ook sy eie koffie bone. Wonderlike klein Karoodorpie wat ek weer wil besoek."
"Regtig die moeite werd om van die hoofpad af te draai en te sien hoe 'n dorpie lyk waar die tyd gaan stilstaan het."
"We love Nieu-Bethesda! Such an atmosphere in the town, everybody so friendly, not to mention the peace and night sky! Great food and beer."
"Dis teerpad tot en met die grondpad is so 5 km na die dorpie. Dis nie meer 'n grondpad en rof vol klippe weens geen instandhouding . Dus as jy nie 'n SUV het nie, neem dit maar stadig oor die klippe. Maak vol met brandstof en neem die nodige. Geen banke of petrolstasie in die dorpie nie. "
"Baie oulike plekkie. Net jammer al die besighede het toe gelyk en kon ons nêrens ingaan vir 'n besienswaardigheid nie. Dalk die koue, maar next time."
"Dis wonderlik om so 'n juweel diep in die klowe te vind! Mens kan sien dat die inwoners baie moeite doen en kapitaal belê om die dorp lewensvatbaar te maak. Ons sal beslis weer daar aandoen."
"Pragtige dorpie, maar mens word oorweldig deur die aantal eetplekke! 'n Algemene handelaar sal welkom wees (het een gesien, maar dit was nie oop nie)."
"Daar is heelwat om te doen en te sien op Nieu-Bethesda en mens het meer as een dag nodig om alles in te neem. Ek beveel die bestemming vir baie mense aan om te gaan ervaar en ontdek."
"Geen teerpaaie, geen straatligte! Moenie 'n stad verwag nie, dis rustig met geen gejaag of lawaai nie. Dis dié dorp waar mens weer met jouself kan vriende word! "
"Die dorpie is pragtig en ek respekteer die inwoners vir hulle waagmoed om daar te bly. Die dorpie het vir seker baie uitdagings. Dankie aan die inwoners en besighede dat julle dit vir ons so lekker maak om Nieu-Bethesda toe te gaan. "
"Soos ons almal weet is Uilhuis 'n moet!. Die dorpie kan nie net in eendag ten volle beleef word nie. Gee jouself meer tyd om die besondere plek te verken met al sy restaurante en mooi natuur!"
"Die Tot Hier Toe Padstal net buite die dorp is 'n fantastiese stop om kos en ander dinge soos konfyt, blatjang, wors en aandenkings te koop. Die padstal dra by tot die plaas-gevoel van Nieu Beteshda. Nieu Beteshda is hemel op aarde."
"Dit is 'n lieflike dorpie en verdien 'n besoek. Die Uilhuis en fossiele is 'n moet. "
